OMBAḶ 2:22 - Alkitab Singog In Mongondow Masa In Tanaa

²² Inoiní-Mu in musung mita inta kinoondok nami sin momia kon rame aid moḻingá kon ḻibumai nami. Mosia in noḻimod kon bayongan inta biniag bo inta kinotabi nami. Kon singgai in torú-Mu, diábí tobatúmai in intau in mokoḷagui.

OMBAḶ 2:22 ပူးပေါင်းရင်းမြစ်များ

TAWARIKH 2 36:17

Ki Tuhan in nopogonú kon gina in datu in Babel sinbá monubu kon i monia. Ki datu tatua in noḻimod kon intau in Yohuda inta nongobagupa, noitakin doman in mosia inta kon bonu in Baḷoi Tuhan. Diábí in Sia nonotabi kon tobatúmai in intau, noguod andeka noguyang, ḷoḷaki andeka bobay, notakit andeka nosehat. Mosia komintan inogoi i Allah kon i datu in Babel.

MAZMUR 31:13

Akuoi in iḻiongdon naonda bo intau minatoi, bo nádon onda bo pakakat inta iḷumbú.

YESAYA 28:19

Moiko in umuran koantugan in bodito bo musti mobaba kon tua pomuḷoi in singgai, doḷo-doḷom, moutu in singgai bo doḷom. Moiko in mourotbí popisí in ondok aka komangaḻean monimu in koyow i Allah.

YEREMIA 11:11

Tuamai, Akuoi, ki Tuhan nopotoingat kon Akuoi in mopoangoibí in bodito kon i monia bo mosia in diábí mokoḷagui kon tua. Aka mosia mokuani mokituḷung kon i-Nakó, Akuoi in doíbí mokidongogmai.

YEREMIA 14:19

Tuhan, degá Yohuda in kinodoí-Mudon totok bo intau in Sion kinorongó-Mu? Nongonu sin totokdon in noropot in pinososambok-Mu kon inami nodapot in diádon mopia bui in kami? Diá bidon in mangaḻenea kami in motayak kon dodamean, diádon baragunanea kami in mogoḷat mako kon mopia, sin oyúon in dongka bidon aid inta motogat.

YEREMIA 20:3

Doḷo-doḷom nobangon monik naonda in ki Pasyhur nomuḻi kon inakó nongkon pinoumantungan, akuoi i noguman kon inia, “Tangoi inta bain ogoi i Tuhan kon inimu in deeman bidon ki Pasyhur, táe ‘Sindoyó kon bayongan in tampat’.

YEREMIA 21:7

Iko bo pogawaimu mita takin intau mita inta noisimparut kon parang, gogoy bo yampoi in takit, komintan pomayá-Ku mako in domokon i Datu Nebukadnezar bo in musung mita inta moibog moḻimod kon inimu. Ki Nebukadnezar in moḻimodbí kon i monimu komintan takin diá in ampung bo diá in tabi. Akuoi, ki Tuhan, ain nosingog.”

YEREMIA 44:7

Bo tanaa Akuoi, ki Tuhan Inta Totok in mokawasa, Allah in Israel, noḻibó mongo nongonu sin moiko in nogaidbí kon inta mokopoangoi kon bodito moḷoben kon inimu tontaní. Degá moibog in moiko moyopú kon bayongan in intau – ḷoḷaki, bobay, mongoadí mita, bo adí mita mointok – modapot in diádon in tobatúmai in inta nongkon bangusamu in kotaḷáan?

YEREMIA 46:5

Táe Akuoi, ki Tuhan, nokoontong kon i monia inumundok sin moondok. Tontara mita monia in sinaḷow, bo noḷagui takin ondok bo diá bidon nobobui ná tumi.

YEREMIA 6:25

Mosia in diá mokobaḻí in moponag kon daḷan andeka mayá in gobá, sin kon bayongan in tampat musung mita in modia kon pakakat in parang sin mongindoyó.

ULANGAN 28:18

Kinutuk in moiko, dá tongádon topiḻik in adímu, bungai in boyómu, takin sapi bo bembé dombamu.