OMBAḶ 2:20 - Alkitab Singog In Mongondow Masa In Tanaa

²⁰ Kaasí Tuhan, indoiai bo taridiaipa in mosia inta iroriga-Mu tatua! Degá oyúon in nokoimontan-Mu pinomia natua? Ki iná nokaan kon i adínea inoyod inta kinotabi totok, imang bo nabi in iḻimod kon bonu in Baḷoi-Mu inta motusi.

OMBAḶ 2:20 ပူးပေါင်းရင်းမြစ်များ

TAWARIKH 2 36:17

Ki Tuhan in nopogonú kon gina in datu in Babel sinbá monubu kon i monia. Ki datu tatua in noḻimod kon intau in Yohuda inta nongobagupa, noitakin doman in mosia inta kon bonu in Baḷoi Tuhan. Diábí in Sia nonotabi kon tobatúmai in intau, noguod andeka noguyang, ḷoḷaki andeka bobay, notakit andeka nosehat. Mosia komintan inogoi i Allah kon i datu in Babel.

MAZMUR 78:64

Imang mita monia iḻimod in kedang, boba-bobay mita monia diá mokopogamui.

IḶUAIAN 32:11

Ki Musa nopoigum tabi kon i Tuhan Allahnea, kainia, “Tuhan, nongonu sin musti-Mubí aidan kon i monia in natua? Ikodon tontaní inta noposaḷamat kon i monia nongkon Mesir takin kawasa bo ropot-Mu inta moḷoben?

YESAYA 22:2

Diábí patus in bayongan kotá momia kon rame bo morogiow sanang in gina. Sin pojuangmu mita inta minatoi kon parang tanaa in deemanbí minatoi popisí in noparang.

YEREMIA 19:9

Musung in moḻipungbí kon kotá tanaa, bo moḷongasi moḻimod kon intau inta nogutun kon bonunea. Pongopungan tatua in námaidon tua in kotoyangnea, nodapot in intau mita kon kotá tanaa mosikaanandon kon tumpaḷa yobayat, nodapot in ki adí mita monia tontaní.”

YEREMIA 21:7

Iko bo pogawaimu mita takin intau mita inta noisimparut kon parang, gogoy bo yampoi in takit, komintan pomayá-Ku mako in domokon i Datu Nebukadnezar bo in musung mita inta moibog moḻimod kon inimu. Ki Nebukadnezar in moḻimodbí kon i monimu komintan takin diá in ampung bo diá in tabi. Akuoi, ki Tuhan, ain nosingog.”

YEREMIA 5:31

nabi mita in monguboḷ, imang mita mogundoi podudui in ibognea tontaní bo moiko umat-Ku in moibog doman kon natua. Táe onu in aidan monimu aka moiangoidon in singgai imbuitnea?”

OMBAḶ 1:19

Akuoi in nogoiní kon yobayatku mita inta mongodagin táe nomaḻidawan in mosia kon inakó. Imang mita bo itoi in bangusa komintandon minatoi kon daḷan mita in kotá. Kon tungkuḷ in notayak kon kaanon sinbá mobiagpa.

OMBAḶ 4:10

Totuu motoyang in bodito tatua inta noiantug kon umatku nodapot in iná mita inta gina moaḷus in noḷagádon kon i adínea tontaní sin kaanon pomonu kon sian.

OMBAḶ 4:13

Táe tua in nobaḻí bidon, popisí in dosa in imang mita bo nabi. Mosia in nopobutakdon in dugú, in intau mita inta diá kotaḷá.

OMBAḶ 4:16

Ki Tuhan in diá bidon noindoimai kon umat-Nea; Siabí tontaní in noporarit kon i monia bo binaḻí-Nea in imang mita diádon ihoromat; itoi mita diábí in nonotabi.

YEHEZKIEL 5:10

Guyanga in mokaandon kon i adínea tontaní bo adí in mokaandon kon guyanganea. Natuata in pohohukum-Ku kon i monia, bo inta mobiagpa in porariton-Ku kon bayongan in tampat.

YEHEZKIEL 9:7

Ki Allah in noguman kon i monia, “Kotoraidon in Baḷoi-Ku tanaa! Puḻingaidon in palasnea mita in mayat mita. Pangkoiaidon!” Dá nomangkoi domandon in mosia noḻimod kon intau mita kon bonu in kotá.

IMAMAT 26:29

Moiko in gogoiondon totok, modapot in ki adí mita monimu kaanondon monimu tontaní.

ULANGAN 9:26

bo nosambayang nanaa: O Tuhan Inta Totok in Moḷantud, dikadon yopúon in umat kapunyaan-Mu tanaa, bangusa inta pinoḷuat-Mudon bo dinia-Mu iḻumuai nongkon Mesir takin ropot bo kawasa-Mu inta moḷoben.