OMBAḶ 2:17 - Alkitab Singog In Mongondow Masa In Tanaa

¹⁷ Ki Tuhan in nogaidon kon onu inta pinogogondoknea inta koḻipod in sinomayá bo pinotoingat-Nea kon inaton. Kita in irimumud takin diábí in tabi, musung in pinountung-Nea binaḻí-Nea noḷunganga in gina monia in nokoontong kon kinoḷabúan naton.

OMBAḶ 2:17 ပူးပေါင်းရင်းမြစ်များ

DATU MITA IMITÁNEA 9:7

dá poguntunon-Ku in umat-Ku Israel nongkon butá inta ain inogoi-Ku kon i monia. Taḷaan-Ku domandon in baḷoi tanaa inta ain sinantú-Ku mobaḻí tampat pososumbaan kon i-Nakó. Kon ondakabí in intau in Israel singkuḻeonbí bo kosingan.

MAZMUR 35:24

Duḷuaidon in akuoi, sin Iko in moadil, o Tuhan Allahku, dikabí pomayá mako in musungku monggiow kon inakó.

MAZMUR 35:26

Biódon mako in intau inta mosanang in gina in nokoontong kon rorigaku in motoboḻingodon bo mooyádon. Biódon mako in intau inta ḷumoḷatú kon inakó in singkuḻeon bo pokopooyáanmai.

MAZMUR 38:16

Táe akuoi in nongamang mako kon inimu, o Tuhan, bo Iko, Tuhan Allahku, in notubag kon inakó.

MAZMUR 89:42

Bayongan in intau inta moitaḻib in mogagow kon kapunyaannea, sia in tososingkuḻe mako in topodiugneamai.

MAZMUR 89:43

Pinountung-Mu in musungnea mita, bo bayongan in ḷawang pinoḷunganga in ginanea.

YESAYA 14:29

Ei bangusa in Pilistin, popangkuḷ inta pinaké momongkug kon inimu ain noputoḷ. Táe dikabí mopia-pia in ginamu, sin aka uḷag tobatú matoi, yo uḷag inta moraat totok in mamangoibí momaḷui kon inia, bo natu in uḷag momotow kon naga inta kokoḻikip.

YEREMIA 18:11

Ki Tuhan in noguman kon inakó, “Tanaa, pogumandon kon intau mita in Yohuda bo intau in Yerusalem kon Akuoi in koyogotdon in momia kon tomayá moḷawang kon i monia, bo moposadia in hukuman kon i monia. Potabádon in mosia monaḷámai kon kobobiag inta binaradosa tatua poḷat monompia kon dodia bo gogutú monia.

YEREMIA 4:28

Butá in mononogumatoi, ḷangit in simindipdon. Ki Tuhan in nosingogdon bo diá bidon momaḷui kon tomayá-Nea. Sia in nonantúdon kon singog bo diábí umundok tongákabí toḷoḷampang.

YEREMIA 40:3

Tanaa inaidan-Neadon intua, popisí in bangusamu ain binaradosa bo diá motoḷutui kon i-Nia.

OMBAḶ 1:5

Musungnea mita in yumunggagá popisí in nokokawasa kon inia. Binaḻí i Tuhan in sia nororiga, popisí in mobayong totok in dosanea. Intaunea mita in sinokodakopdon, bo inakut pinobayá in pinoḷumbúan.

OMBAḶ 2:8

Ki Tuhan ain nonantú kon dinding mita in Sion mustibí umpagon. Dinding mita tatua in inukur-Neadon, sinbá komintan korimumudan-Nea. Dinding mita bo ḷangkeang mita, tanaa in nobaḻídon apug komintan.

OMBAḶ 3:43

Kami in dinuduran-Mu bo iḻimod-Mu, totabi-Mu in noibuni kon torú-Mu.

OMBAḶ 4:11

Ki Tuhan in nopoumadon in torú-Nea bo nonurub kon kotá in Sion nodapot in noyompat dapot in butá.

YEHEZKIEL 5:11

Akuoi in ki Allah inta nobiag, ki Tuhan Inta Totok in moḷantud, bo naa in tosingogon-Ku: Popisí in iko ain nongotor kon Baḷoi-Ku pinongin aidmu inta moraat bo mokorongó, dá rimumudon-Ku in iko takin diábí in ampung.

YEHEZKIEL 8:18

Mosia in mokonanambí kon torú-Ku inta motoyang! Diábí ampungan-Ku in mosia. Umpakabí mosia momaḷú in mosambayang kon i-Nakó, momaḷúkabí moropot totok, yo doíbí in Akuoi mokidongogmai!”

YEHEZKIEL 9:10

Akuoi in diá bidon motabi kon i monia. Poaid-Kubí kon i monia in onu inta ain pinopoaid monia kon intau ibanea.”

DANIEL 9:12

Iko in nogaid noitombutung ná inta ain pinodandi-Mu kon inami bo kon mongongawasa nami. Yerusalem ain ihukum-Mu noiḻiu kon kotá ondaka in kon dunia naa.

MIKHA 2:3

Manangka intua ki Tuhan in noguman, “Akuoi in nonomayádon kon mokobodito poḷabú kon i monimu, dá moiko in diábí moipaḷuput. Kon tungkuḷ nahat tatua moiko in diábí mokobayá takin ḷumoḷatúpa bui.

ZEPANYA 1:2

Ki Tuhan in noguman, “Daiton-Kubí yompaton in bayongan onu inta kon butá:

ZAKHARIA 1:6

Pinongin in nabi mogogundoi-Ku mita tatua, pinotaau-Ku in parenta mita bo tompoingat-Ku mita kon mogoguyangmu. Táe diá pinandungmai monia dá mosia in musti mobaba kon bungainea. Bo nomanasaḷ in mosia bo ináku monia kon Akuoi, ki Tuhan Inta Totok in mokawasa, nohukumdon kon i monia pinodoyon kon taḷá monia, bo noitombutung kon onu inta ain sinantú-Ku.”