OMBAḶ 2:16 - Alkitab Singog In Mongondow Masa In Tanaa

¹⁶ Bayongan in musungmu moindoi kon pogotmu takin rongut, kosingan monia in iko bo monginggoi. Mosia in moguman, “Kotá tatua in iyompatdon nami! Imbuitnea noidapot domandon in wakutu inta inoḷa-oḷat mako nami!”

OMBAḶ 2:16 ပူးပေါင်းရင်းမြစ်များ

MAZMUR 109:2

Sin akuoi in sinubu in intau moraat bo mouboḷ inta mongonguman magí-mako bo moponapud in uboḷ kon inakó.

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

MAZMUR 124:3

dá kita in iḻiom bidon ande sibiag, popisí in torú monia inta tumaga-tagabdon tua.

MAZMUR 22:13

Naonda bo paanan in bantong, musung noḻipung kon inakó, naonda bo bantong kaḻig nongkon Basan mosia in nongopung kon inakó.

MAZMUR 35:16

Mosia in umuranbí mopoḷoḻeke kon intau ḻempeng, bo mobobui kon inakó takin yaat in gina.

MAZMUR 35:21

Mosia in nomaḷú kon inakó bo noguman kon mosia in nokoontongdon kon dodiaku.

MAZMUR 35:25

Dika pomayá mako in mosia in mosingog kon bonu in gina, “Sukur, irabutdon naton in nyawanea. Onu in kinoibog naton kinoduduiandon!”

MAZMUR 37:12

Intau moraat in monomayábí kon inta moraat kon intau mopia, bo mobobui kon inia takin yaat in gina.

MAZMUR 41:8

Bayongan inta doí kon inakó moyogombong; mosia in mongonguman kon inta totok in diá mopia soaḷ akuoi.

MAZMUR 56:2

Kotabipa kaasí in akuoi, o Allah, sin sinubu in akuoi, umuranbí in akuoi doroton in musungku mita.

MAZMUR 57:3

Akuoi in nokuani kon i Allah Inta Totok in moḷantud, kon i Allah inta motuḷung kon inakó.

YESAYA 49:19

Butámu inta noḷogat bo noingongow, tanaa in noiḻiudon sisí kon intau mita inta moibog mogutun kon tua. Bo intau mita inta moibog moyopú kon inimu, ain minayá iyumayú kon inimu.

YEREMIA 26:6

Aka moiko tantú momangkang, baḷoi pooibadaan tanaa in aidan-Ku naonda bo Silo, dá bayongan in bangusa kon dunia mopomaké in tangoi in kotá in Yerusalem naa saḷaku kutukan.”

YEREMIA 29:18

Mosia in aḷo-aḷowan-Kubí mako in parang, gogoy, bo yampoi in takit modapot in bayongan in bangusa kon sinangkub in dunia in mokoningkimbí in mokoontong kon kaadaan monia. Kon ondakabí in poporaritan-Ku kon i monia, intau in mokoningkimbí bo moondok in mokoontong kon onu inta nobaḻí kon i monia. Mosia in singkuḻeonbí, bo tangoi monia in pakéon mobaḻí kutukan.

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

YEREMIA 50:7

Mosia in sinubu bo sinikisa in bayongan in intau inta moyodungkuḷ monia. Musung mita in umat-Ku in noguman, ‘Onu in inaidan naton, diábí noitaḷá, sin intau mita tatua in binaradosadon kon i Tuhan. Mogoguyang monia in mopirisaya kon i Tuhan, dá mosia in mustibí doman umuran motoindudui kon i-Nia.’

YEREMIA 51:34

Yerusalem in irimumud bo kinaan komintan i datu in Babel; inaotannea in kotá tatua naonda bo inta nongaot kon botoḷ. Naonda bo mahaḷuk inta moḷoben totok, iḻiomnea in Yerusalem bo nomonu kon siannea takin bayongan inta mopia nongkon kotá tatua, bodongka noḷumbú kon ki agatnea.

OMBAḶ 1:21

O, Tuhan! Indongogaipa kaasí in ombaḷku, diábí in moḻipoi kon inakó. Mopia in gina in musungku mita sin pinopobodito-Mu in akuoi. Angoidon in singgai inta pinodandi-Mu tua; baḻídon in mosia mororiga ná akuoi.

OMBAḶ 3:46

Kami in siningkuḻe in bayongan in musung nami bo kinosingan;

YEHEZKIEL 23:32

Ki Tuhan Inta Totok in moḷantud in noguman, “Bonu in palo i guya-guyangmu musti inumonmu. Moḷoben in palo tatua bo moonag. Bonunea in nopuḻing in rebeg bo singkuḻe, inta musti tarimaanmu nongkon bayongan in intau.

YEHEZKIEL 25:15

Ki Tuhan Inta Totok in moḷantud in noguman, “Intau mita in Pilistin ain notuḻí kon yaat in gina takin noḻingá kon musung mita monia bo noyopú kon i monia takin sakí in gina.

YEHEZKIEL 25:3

Potabádon in bangusa tatua mokidongog kon onu inta poguman-Ku, ki Tuhan Inta Totok in moḷantud kon i monia, ‘Mopia in gina monimu in mokoontong kon Baḷoi-Ku in kotoron bo butá in Israel in poguyaaton bo bangusa in Yahudi in akuton kon poḷumbúan.

YEHEZKIEL 25:6

Ki Tuhan Inta Totok in moḷantud in noguman, “Moiko in monggoḷokap sindaḷan motayok sin moḷunganga in gina. Moiko in mopoompámai kon butá in Israel.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

HOSEA 8:8

Naonda bo kuyon inta noḷosi, natuata in Israel diádon in mangaḻenea, bo nobaḻídon bangusa inta biasa ná bangusa mita ibanea.

MIKHA 4:11

Nobayong in bangusa in nosipundon sin monubu kon inimu, ei Yerusalem! Mosia in noguman, “Yerusalem in mustibí rimumudon! Kami in mokoontongbí kon kotá tatua in mobaḻídon apug!”

OUMAN IN RASUL MITA 7:54

Naonda dinongog in anggota in Sidang Agama in bayongan singog i Stepanus tatua, totok nonakit in gina monia bo sinumorú totok kon inia.