OMBAḶ 2:11 - Alkitab Singog In Mongondow Masa In Tanaa

¹¹ Mataku in nobobagá popisí in nongombaḷ diá nodona-doná, dimukudku in moondok diá in batainea. Ginaku in norumbun nokoontong kon kinorumbunan in bangusa; nokoontong kon mongoadí mita bo adí mointok sinogopuḷong kon daḷan mita in kotá.

OMBAḶ 2:11 ပူးပေါင်းရင်းမြစ်များ

AYUB 16:13

Takin diá in tabi umurannea pioton in akuoi, dá noibuntaradon in bonu in sianku.

AYUB 30:27

Akuoi in pinoguyaat in robonoḷ bo roriga; pomuḷoi in singgai kodugang-kodugang in rorigaku.

MAZMUR 119:82

Mataku moḷopí in mogoḷat mako kon ini-Mu mogintompod kon dandi-Mu, akuoi in noguman, “Toonubí degá in Iko in moḻipoi kon inakó?”

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

MAZMUR 31:9

Diábí pinomayá-Mu mako akuoi in dakopon in musung, táe inogoi-Mubí in akuoi maya-mayá mako takin diá in ḷabot.

MAZMUR 38:8

Patú in rintonow momokak kon awakku, diádon in mosehat kon awakku.

MAZMUR 6:7

Moḷopídon bo moyangkódon in akuoi sin mogamuimai; pomuḷoi in doḷom moḷabú in ḷuáku momuntad kon tosiuganku.

MAZMUR 69:3

Akuoi in noibonu kon dampaḷ inta modaḷom, diá in pomuntukan. Akuoi in noḷomot kon tubig inta moḻinow, iniḻig in bokoḷ kon dodai in tubig noponik.

YESAYA 22:4

Dikadon taridianmu in akuoi; pomayádon mako in akuoi mogamui kon intau mita nongkon bangusaku inta ain minatoi. Dika monungkuḷ moḻipoi kon inakó.

YESAYA 38:14

Singogku in motoyokdon bo moyangkó, naonda bo ḷagapan tarangkuku mogamui. Mataku in moḷopí popisí in ḷumangag kon ḷangit, Tuhan, poḷuatdon in akuoi nongkon roriga tanaa.

YESAYA 51:20

Kon pomuḷoi in popod in daḷan intaumu mita in noumpag kinodaitan in ropot naonda bo rusa inta noibaaḷ kon pukot. Mosia in kinoantugan in torú i Tuhan, bo kinotugatan in guak i Allahmu.

YEREMIA 14:17

Ki Tuhan in nopotabá kon inakó nopotaau in robonoḷ in ginaku kon umat-Nea. Akuoi in mustibí moguman nanaa, “Biódon mako in akuoi mongombaḷ diá in gogainea, singgai doḷom tumomponggoḷuáanmai. Sin bangusaku in kinekeban modaḷom bo totokdon in mororiga.

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

YEREMIA 44:7

Bo tanaa Akuoi, ki Tuhan Inta Totok in mokawasa, Allah in Israel, noḻibó mongo nongonu sin moiko in nogaidbí kon inta mokopoangoi kon bodito moḷoben kon inimu tontaní. Degá moibog in moiko moyopú kon bayongan in intau – ḷoḷaki, bobay, mongoadí mita, bo adí mita mointok – modapot in diádon in tobatúmai in inta nongkon bangusamu in kotaḷáan?

YEREMIA 8:19

Indongogai! Kon sinangkub in butá kodongogan totok karak in ombaḷ in bangusaku inta moḻibó, “Diádon degá in ki Tuhan kon Sion? Kon onda in datunea in tanaa?” Tubag i Tuhan, datu monia, “Nongonu sin iko in tumungkudbí mosumba kon dewa mita inta beresibí diá in mangaḻenea? Nongonu sin pinonakitmubí in gina-Ku pinongin nosumba kon berhala mita?”

OMBAḶ 1:11

Takin ombaḷ intaunea mita notayak kon pakéon kobiagan; pakakat mita inta koboḻi pinonoḻiu monia kon roti, tongá popisí in bá umuranpa in mosia mobiag bo diápa matoi. Yerusalem in nokuani, “O Tuhan, indoiaipa kaasí in akuoi, indoiaipa kaasí in bayongan in rorigaku.”

OMBAḶ 1:16

Tuamai in noḷabú in ḷuáku, diá in moginrigon kon gina bo moḻipoi. Bangusaku in kinobuḻiandon in bayongan in yagi-yagi, popisí in kawasa in musung in moḷobe-ḷoben.

OMBAḶ 1:20

O, Tuhan! Indoiaipa kaasí in akuoi, moḻia-ḻiaw in ginaku bo moondok, nogoguyaat popisí in aidku moraat dungkuḷmai. Kon daḷan mita oyúon in poḻimodan, kon bonu in baḷoi oyúon in matoi.

OMBAḶ 5:17

Buḷud in Sion noingongowdon bo sinaḷáan; kon tua ungkú in kayuon nodondaḷoi magí-mako. Manangka intua gina nami nádon poropatoian, mongombaḷ in kami modapot in diádon motarang in mata nami.

LUKAS 23:29

Sin moiangoibí in wakutunea intau in mosingog nanaa, ‘Totuu kon mopia totok in bobay mita inta diá dodai onda in nononggadí bo inta diá doman dodai onda in nopoteté!’