OMBAḶ 1:6 - Alkitab Singog In Mongondow Masa In Tanaa

⁶ Kinoḷoḷoben in Yerusalem in dongkadon nobaḻí ouman. Itoinea mita in nobaḻídon noyangkó naonda bo rusa inta totok in ginogoi. Mosia in diádon mokopongonu kon musung inta nondudur.

OMBAḶ 1:6 ပူးပေါင်းရင်းမြစ်များ

DATU MITA 2 19:21

ki Tuhan in noguman, “Kotá in Yerusalem kinumosing bo nopoompámai kon inimu, Sanherib.

DATU MITA 2 25:4

dinding in kotá dinangatandon in musung. Doḷom tua, umpaka intau in Babel koyogot mongopung kon kotá tatua, bayongan in tontara in Yohuda noḷagui nopobayá in Ḷopá in Yordan. Mosia in nongin taman in komaḻig, bo iḻumuai nongin bonawang inta nopoyoguput in dinding doyowa tatua.

DATU MITA 2 25:5

Táe tontara in Babel in nogaḷow kon i Datu Zedekia, bo dinomok monia kon rata in Yerikho. Bayongan in intaunea noḷagui nonaḷámai kon inia.

MAZMUR 50:2

Nongkon Sion, kotá inta totok in mogaga, Ki Allah in noitukat takin nonindar.

MAZMUR 96:9

Sumbadon in ki Tuhan takin mogiḷambung in ḷambung ibada! Kourotdon kon tayowon-Nea, ei bayongan in dunia!

YESAYA 1:21

Kotá inta koḻipod motoindudui, tanaa mako in nádon onda bo sundaḷ tobatú! Dungkuḷmai bayongan in intaunea in moadil bo mojujur, táe tanaa in pinogutunandon in moḷoḻimod mita.

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

YESAYA 4:5

Bo kon tudu in Buḷud in Sion bo bayongan in intau noyosipun kon tua ki Tuhan in momaḻí kon goḷom kon dodai in singgai, poyok bo sindar in bayag kon dodai in doḷom. Ki Allah tontaní pongin kawasa-Nea mogoḻiung bo moḷukad kon bayongan in kotá.

YEREMIA 13:18

Ki Tuhan in noguman kon inakó, “Potabá in datu bo ki inánea moponag nongkon pomomarentaannea, sin mahkotanea inta mopia in noḷabúdon kon uḷunea.

YEREMIA 29:4

“Nanaa in guman i Tuhan Inta Totok in mokawasa, Allah in Israel kon bayongan intau inta ain iḷumbú-Nea nongkon Yerusalem pinobayá in Babel:

YEREMIA 47:3

Mosia in mokodongogbí kon goḷopak in sioḷ in kabaḷo, koḷangká in bayáan in kereta, bo goḷotak mako in bolanea. Guyanga in mobaḻíbí moḷungkoyó bo diá bidon morai kon i adínea.

YEREMIA 48:41

Kotá mita bo bentengnea mita in agowon bo tontaranea in angoiandon in ondok naonda bo bobay inta mononggadídon.

YEREMIA 52:11

Nopaḷut mako kon tua ki Zedekia iḷontok kon mata, bo sinokig bo dinia kon Babel. Kon tua pinobonu in sia kon ponjara, bo diádon nokoimontanmai in iḻumuai kon tua nodapot in sia minatoi.

YEREMIA 52:13

Ki Nebuzaradan in nonurub kon Baḷoi Tuhan, komaḻig in datu, bo baḷoi in bayongan intau inta tongganut mita kon Yerusalem.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

YEHEZKIEL 24:25

Ki Tuhan in noguman kon inakó, “Yo, intau ilo-ilow, gamáan-Kudon nongkon i monia in Baḷoi-Ku inta morigon tua, inta mokoyunggagá bo mokosanang kon gina monia, bo inta indoianmai monia bo bayáan monia kinooibogbí in gina. Bo gamáan-Kubí doman in ki adí mita monia.

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

ULANGAN 32:30

Naonda in intau tobatú mogaḷow kon intau toribu, bo intau doyowa mokopoguntun kon intau mopuḷú noribu modapot in moḷagui? Ki Tuhan, Allah monia, nopotaḷuidon kon i monia; mosia in sinaḷáandon i Allah inta moroton totok.