OMBAḶ 1:5 - Alkitab Singog In Mongondow Masa In Tanaa

⁵ Musungnea mita in yumunggagá popisí in nokokawasa kon inia. Binaḻí i Tuhan in sia nororiga, popisí in mobayong totok in dosanea. Intaunea mita in sinokodakopdon, bo inakut pinobayá in pinoḷumbúan.

OMBAḶ 1:5 ပူးပေါင်းရင်းမြစ်များ

DATU MITA 2 21:15

Bayongan tua in aidan-Kubí kon umat-Ku sin mosia in binaradosadon kon i-Nakó bo nopomukádon in torú-Ku pinangkoipa kon mogoguyang monia iḻumuai nongkon Mesir noidapot in singgai naa.”

MAZMUR 80:6

Inogoi-Mu kon inami in uwang mobaḻí kaanon, bo ḷuá mobayong in oinumon.

MAZMUR 89:42

Bayongan in intau inta moitaḻib in mogagow kon kapunyaannea, sia in tososingkuḻe mako in topodiugneamai.

YESAYA 22:5

Totuu, ki Tuhan Inta Totok in moḷantud, bo Inta Totok in mokawasa ain nonantú kon singgai naa nobaḻí singgai kodoḻiokan, kodowawáan bo yogenggeng kon Ḷopá in Oontongon. Dinding mita in kotá ain inumpag. Kuani mokituḷung kodongogandon nodapot kon tombuḷud mita.

YESAYA 63:18

Nongonu sin pinomayá-Mubí mako in musung moritak magí mako kon Baḷoi-Mu, bo intau mita moporaa-raatmai kon tombuḷud-Mu inta motusi?

YEREMIA 10:20

Ḷoḷaigan nami nogoguyaat, bo tontogotnea mita in nobontow komintan. Diádon in mokoposindog kon ḷoḷaigan bo mopoḷutud in daingnea mita, popisí in adí mita in minayádon.”

YEREMIA 12:7

Ki Tuhan in noguman, “Pogogutunan-Ku in diá bidon pandungon-Kumai, butá inta nobaḻí kapunyaan-Ku in sinaḷáan-Kudon, bo umat-Ku inta kinotabi-Ku aindon inogoi-Ku kon bonu in kawasa in musungnea mita.

YEREMIA 23:14

Táe kon Yerusalem inontong-Kudon in nabi mita nogaid kon inta noiḻiu doman in raat. Nonguboḷ bo nonuaḻing in mosia, bo noduḷu kon intau inta nogaid kon inta moraat, dá diá tobatúmai in intau in moibog mogogai in mogaid kon moraat. Aka kon i-Nakó yo mosia tua in komintandon moraat naonda bo intau in Sodom bo Gomora.”

YEREMIA 39:9

Imbuitnea rayat inta kon kotápa, takin intau mita inta ain noḷagui bo dinumotá kon intau mita in Babel, inakut pinobayá in Babel i Nebuzaradan itoi in tontara in Babel.

YEREMIA 5:29

Táe, Akuoi, ki Tuhan in mohukumbí kon i monia popisí intua komintan; Akuoi in motuḻíbí kon aid mita in bangusa mita tanaa.

OMBAḶ 1:16

Tuamai in noḷabú in ḷuáku, diá in moginrigon kon gina bo moḻipoi. Bangusaku in kinobuḻiandon in bayongan in yagi-yagi, popisí in kawasa in musung in moḷobe-ḷoben.

OMBAḶ 1:18

Táe ki Tuhanbí in totuu, popisí in parenta-Nea ain iḻimpatanku. Indongogaipa in akuoi, ei bangusa mita, indoiaika in akuoi kon bonu in roriga. Intau mita tayowmobiag bo mongodeagaku in dinakop, bo inakut pinobayá in pinoḷumbúan.

OMBAḶ 1:8

Yerusalem in nopokotordon in awaknea tontaní pinongin nogaid kon nobayong in dosa mokorongó. Bayongan inta dungkuḷmai in nohoromat kon inia, tanaa in noningkuḻedon kon inia popisí in nokoontong kon kinopilangannea. Sia in nongombaḷ, popisí in kinobuḻiandon in pogot.

OMBAḶ 2:17

Ki Tuhan in nogaidon kon onu inta pinogogondoknea inta koḻipod in sinomayá bo pinotoingat-Nea kon inaton. Kita in irimumud takin diábí in tabi, musung in pinountung-Nea binaḻí-Nea noḷunganga in gina monia in nokoontong kon kinoḷabúan naton.

OMBAḶ 3:46

Kami in siningkuḻe in bayongan in musung nami bo kinosingan;

YEHEZKIEL 9:10

Akuoi in diá bidon motabi kon i monia. Poaid-Kubí kon i monia in onu inta ain pinopoaid monia kon intau ibanea.”

YEHEZKIEL 9:9

Ki Allah in notubag, “Intau mita in Israel bo Yohuda in nogaidon kon dosa inta totok in moḷoben. Mosia in noḻimodon kon bayongan in tampat, bo Yerusalem in kinotorandon in aid moraat. Mosia in noguman kon Akuoi, ki Tuhan, in nonaḷámaidon kon butá tanaa dá diádon mokoontong kon aid monia.

ULANGAN 31:29

Kinotaauankubí kon naonda in akuoi matoi, intau mita tatua mobaḻídon moraat bo mondoí kon onu inta ain sinundúku kon i monia. Bo kon singgai moiduduimai mosia in kotugatan in bodito, sin nokopomukádon kon torú i Tuhan sin nogaid kon onu inta kinodoí-Nea.”