OMBAḶ 1:2 - Alkitab Singog In Mongondow Masa In Tanaa

² Kinoouput in doḷom sia in mongombaḷ moajar in gina, ḷuánea in motutug kon putongi. Diá tobatúmai in kon sigad in yobayatnea mita in moibog moḻipoi kon inia. Sia in Pinomaḻidawan in yobayatnea mita inta ain nonoḻikud bo nobaḻídon musung.

OMBAḶ 1:2 ပူးပေါင်းရင်းမြစ်များ

AYUB 6:15

Táe moiko, ei yobayat mita, diá motaau pirisayaan bo pongata. Moiko in naonda bo ongkag inta noingkag, aka diádon monguya-nguyan.

AYUB 7:3

Kon buḷanannea kobiaganku diá in mangaḻenea; muḷoi in doḷom ginaku mopuḻing in robonoḷ.

MAZMUR 126:5

Igumon mako in intau inta noponimboi sindaḷan mongombaḷ, in mokoyut takin ḷunganga in gina.

MAZMUR 31:11

Kobiaganku modait kon bonu in roriga, taongku mita moitaḻib kon bonu in amui mita. Ropotku in mogaat popisí in aidku moraat, nodapot in tuḷanku mita moripú.

MAZMUR 6:6

Sin kon dunia in intau minatoi Iko in diá bidon toropon; diábí in modayow kon ini-Mu kon dunia in intau minatoi.

MAZMUR 69:21

Singkuḻe mita ain nokoinggamá kon ibog in ginaku, bo diádon in kamangku. Sinayakku in totabian, táe diá in mangaḻenea, notayak in akuoi kon poḻipoi, táe diá nokouḻí.

AMSAL 19:7

Intau bogá poompáanbímai i utatnea, apadoman yobayatnea. Naondaka in pororamujinea, sia in diábí mokogamá kon gina monia.

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEREMIA 2:25

Israel, dikabí in iko moribatuk in mogaḷow kon dewa mita, bo dikabí momaḷú in mogoiní kon i monia, sinbá diá tompaḻían in sioḷmu bo moingkag in sigogowmu popisí in morogang. ‘Diá, akuoi in diá bidon mobui,’ gumanmu, ‘sin akuoi in moibog kon dewa mita, bo moibog dumudui kon i monia.’ ”

YEREMIA 3:1

Ki Tuhan in noguman, “Aka buḷoi bobay gaaton i buḷoinea ḷoḷaki, bo bobay tatua in mobaḻídon ki buḷoi in intau ibanea, dá ki buḷoinea dungkuḷ in diá bidon motaau mogamá bui kon inia mobaḻí buḷoi, sin aid natua in mokogoguyaatbí kon butá tanaa. Iko Israel, in nobayongdon totok in ki buḷoimu, umpaka yo tanaa iko in moibog bui mamangoi kon i-Nakó!

YEREMIA 30:14

Bayongan in intau inta kinoibogmu nokoḻiongdon kon inimu; mosia in doí bidon morai kon inimu. Naonda bo musung Akuoi ain nonubu bo nohukum kon i monimu kinoḻingá, popisí in nobayongdon in dosamu bo moḷoben in taḷámu.

YEREMIA 4:30

Ei Yerusalem, iko in sinaḷáandon bo diádon mokopongonu! Onubí in mangaḻenea in mogiḷambung in ḷambung nopura bo moḷambá kon awak mopomaké in buḷawan bo saḷaka, poḷat moponggares in cilá kon mata? Diábí in mangaḻenea in iko in mopogaga in pogotmu, sin intau mita inta kinotabimu in doí bidon kon inimu, nodapotbí in mosia in moibogbí morabut kon nyawamu.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

OMBAḶ 1:19

Akuoi in nogoiní kon yobayatku mita inta mongodagin táe nomaḻidawan in mosia kon inakó. Imang mita bo itoi in bangusa komintandon minatoi kon daḷan mita in kotá. Kon tungkuḷ in notayak kon kaanon sinbá mobiagpa.

OMBAḶ 1:21

O, Tuhan! Indongogaipa kaasí in ombaḷku, diábí in moḻipoi kon inakó. Mopia in gina in musungku mita sin pinopobodito-Mu in akuoi. Angoidon in singgai inta pinodandi-Mu tua; baḻídon in mosia mororiga ná akuoi.

OMBAḶ 1:9

Kinononajisnea in noniatadon táe diábí pinandungneamai in onu inta ain nobaḻí kon inia. Motoyang totok in kinoumpagannea, táe diábí tobatúmai in nopoḻipoi kon inia. Dá nopoigum in sia kon totabi i Tuhan, popisí in musungnea mita in nountungdon.

OMBAḶ 2:11

Mataku in nobobagá popisí in nongombaḷ diá nodona-doná, dimukudku in moondok diá in batainea. Ginaku in norumbun nokoontong kon kinorumbunan in bangusa; nokoontong kon mongoadí mita bo adí mointok sinogopuḷong kon daḷan mita in kotá.

YEHEZKIEL 16:37

Tuamai, bayongan inta nokoimontandon kinotabimu sipunon-Ku, pinomayá inta kinoibogmu andeka inta kinodoímu. Simindogbí in mosia ḻimibu kon inimu bo moḷongkut kon bayongan in pakeangmu, dá ontongondon monia komintan in awakmu inta nopilang.

HOSEA 2:7

Sia in momatukbí kon intau mita inta kinoibognea, táe diábí mokodapot kon i monia. Sia in motayakbí kon i monia, táe diábí mouḻínea in mosia. Bo sia in moguman, ‘Akuoi in mobuibí mangoi kon i buḷoiku inta muna; kobobiagku dungkuḷmai in mopia-pia nongkon tanaa mako.’

MIKHA 7:5

Dikadon mopirisaya kon topodiugmumai, dikadon umandoḷ kon yobayat. Mokopoingatdon in mosingog umpakabí ki buḷoimu tontaní in mokodongog.

WAHYU 17:13

Mosia naa in notobatúbí kon singog bo makusud kon moposarakan in ropot bo kawasa monia kon mahaḷuk tatua.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.