OBAJA 1:8 - Alkitab Singog In Mongondow Masa In Tanaa

⁸ Kon singgai Akuoi mohukum kon Edom, intaunea mita inta mobijaksana in yopúon-Ku. Bo bayongan in hikmat monia in moinggamádon, diádon in paḷotnea.

OBAJA 1:8 ပူးပေါင်းရင်းမြစ်များ

MAZMUR 33:10

Ki Tuhan in nopogogai kon bayongan in tomayá mita in bangusa mita, Sia in nonginggamá kon niat monia.

YESAYA 19:11

Totuu modondunguḷ in itoi mita in kotá in Zoan! Intau in Mesir inta totok in mobijaksana nobogoi in tonggina inta nobodok! Totuu mobarani mosia in moguman kon datu kon mosia in buí in intau mita mobijak bo datu dungkuḷmai!

YESAYA 19:12

Ei, datu in Mesir, kon onda in monononggina i Tuang inta mopandoi tua? Degá kinotaauanbí monia onu inta sinomayá i Tuhan Inta Totok in mokawasa kon intau in Mesir.

YESAYA 19:3

Diábí pobaḻíon-Ku in tomayá mita in Mesir bo momutoḷ kon ibog in gina monia. Mosia in mopoigumbí in totuḷung kon berhala mita, mopoigum kon tonggina bo topotundú kon mongongundam mita bo dimukud mita.

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”