OBAJA 1:5 - Alkitab Singog In Mongondow Masa In Tanaa

⁵ Mononakow andeka mogogagow inta mamangoi doḷom, tongábí mogamá kon onu in koibognea. Intau inta mosipú kon anggur kon gobá, umuranbí mononggagat kon tongonumai in bungainea. Táe iko in modaitbí yopúon in musungmu mita.

OBAJA 1:5 ပူးပေါင်းရင်းမြစ်များ

SAMUEL 2 1:19

“Israel, kon buḷudmu mita, kon tua minatoidon in pahlawan, adí mita ḷoḷaki in ḻipú, minatoidon in mosia nobaḻí bungang in bangusa.

YESAYA 14:12

Ei datu in Babel, koḻipod iko in tundi modiug mobayag inta modoriang, táe tanaa in noḷabúdon nongkon ḷangit! Koḻipod iko in nonaḷow kon bangusa mita, táe tanaa in pinorobu kon butá.

YESAYA 17:6

Naonda bo pangkoi in zaitun inta bagu sinipú in bungainea, bo dongkadon tongonumai in kon ḷuntung mita in tanganea, natua doman in Israel tongábí topiḻik in intau in mosaḷamat. Akuoi, ki Tuhan, Allah in Israel, ain noguman.”

YESAYA 24:13

Tuata in mobaḻí kon sinangkub in dunia kon batúan in bangusa. Notongkai ná kon sempo in posipunan kon bungai in boyó, kon dodai in bungai in zaitun ginamá nodapot in nodait bo bungai in anggur inta imbuitnea sinipú nongkon pangkoinea.

YEREMIA 49:9

Aka intau mosipú kon bungai in anggur, tantúbí oyúon in tonggagatannea, bo aka mononakow mamangoi doḷom, tongábí onu in koibognea tua in gamáannea.

YEREMIA 50:23

Sinangkub in dunia binibil in Babel nodapot in norimumud, táe tanaa bobibil tatua in noputoḷdon! Bayongan in bangusa noitaḻikokog in nokodongog kon onu inta nobaḻí kon butá tatua.

YEREMIA 6:9

Ki Tuhan Inta Totok in mokawasa in noguman kon inakó, “Israel in bangkuḷuganbí modapot in naonda bo gobá in anggur inta bungainea in sinipúdon komintan. Tuamai, kon tungkuḷ in oyúonpa in wakutu, posaḷamatdon in kiagatnea.”

OMBAḶ 1:1

Totuubí kaasí kon moingongow in Yerusalem in tanaa mako, kotá inta dungkuḷmai totok in morame. Dungkuḷmai in noiḷontú kon sigad in bangusa mita, tanaa in nobaḻídon naonda bo boba-bobay. Dungkuḷmai in kotá inta totok in dinuí-duímai, tanaa in nobaḻídon ata.

OBAJA 1:9

Pojuang mita nongkon Téman angoianbí in ondok, bo bayongan in tontara in Edom in matoi.”

MIKHA 7:1

Mobodito in akuoi! Akuoi in nádon intau ginogoi inta minayá nosipú naonda in nopaḷut mako in sempo in pinosipúan. Diá bidon in bungai in ayop kon pangkoinea. Bungai in anggur bo bungai in ara inta mongopia nodaitdon komintan sinipú.

ZEPANYA 2:15

Tuata in mobaḻí kon kotá inta norame tatua bo inta nonganggap noaman mako in sia. Intaunea mita in nonganggap kon kotá monia tua in kotá inta totok in moḷoben kon dunia naa. Totuudon moingongow in butá tatua, diá bidon in mogogutunnea koḻikud bidon in mahaḷuk mita in kayuon inta nonompugad kon tua! Bayongan in intau inta moitaḻib kon kotá tatua moitaḻikokogbí bo mokoningkim in awak.

WAHYU 18:10

Mosia in simindogbí mokopoyayú sin moondok in koantugan in roriga tatua. Mosia in moguman, “Ado, totokdon in mobodito in kotá moḷoben tanaa – kotá in Babel inta moropot! Tongá kon bonu in tojam pinopoaidan in hukuman kon inimu!”