OBAJA 1:3 - Alkitab Singog In Mongondow Masa In Tanaa

³ Iko in koakaḷan in ginamu inta mododia. Ki iná in kotámu in buḷud batu inta moropot; pogogutunanmu in kon tudu in buḷud inta moḷantud. Sin kon raian monimu, ‘Ki ine in mokopoḷabú kon i nakó?’

OBAJA 1:3 ပူးပေါင်းရင်းမြစ်များ

KINOBAḺIAN 36:8

Dá ki Esau inta dinonoi doman ki Edom, nogutundon notantú kon buḷud in Seir.

DATU MITA 2 14:7

Kon pinoparangan tobatú, ki Amazia in noḻimod kon 10.000 in tontara in Edom kon Ḷopá in Asin, bo nogagow kon kotá in Sela. Kotá tatua in sinangoiannea Yokteel. Dapot in tanaa mako kotá tatua in umuranpabí doman Yokteel in tangoinea.

TAWARIKH 2 25:11

Ki Amazia in nokopobarani bo nodia kon tontaranea minayá in Ḷopá in Asin. Kon tua in mosia noparang poḷat noḻimod kon 10.000 in tontara in Edom.

TAWARIKH 2 25:12

Mopuḷú noribu in intau ibanea in dinakop. Mosia in dinia kon tudu totok in buḷud batu kon kotá in Sela bodongka pinogambat monag dá minatoi.

AYUB 20:6

Umpaka kawasanea nodapot in toḷungayá, modapot in uḷunea moitunduḷ kon goḷom,

AMSAL 16:18

Aid moḷoḷatú mokopopisí kon korimumudan; mododia mokopopisí kon korumbunan.

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

AMSAL 29:23

Intau moḷoḷatú in poompáanmai; intau inta moompá in gina in dayowon.

YESAYA 16:6

Bangusa in Yohuda in moguman, “Kami in nokodongogdon kon naonda in koḷoḷatú in bangusa in Moab. Kinotaauan nami kon mosia in mododia bo moḷoḷatú. Singog monia in tongábí ambungangaḷ inta diá in bonunea.”

YEREMIA 21:13

Onda intua ki Tuhan in noguman kon Yerusalem, “Ei Yerusalem! Kinoukatanmu in moḷantu-ḷantud in ḷopá mita kon diugmumai. Iko in naonda bo buḷud batu irib kon rawang inta notondodai, táe Akuoi in moḷawangbí kon inimu. Iko in moguman kon diábí tobatúmai in intau in mokotubu kon inimu andeka mokodangat kon dindingmu mita,

YEREMIA 37:9

Akuoi, ki Tuhan, mopotoingat kon i monimu, sinbá dika monompobaḻik kon awakmu tontaní takin morai kon intau in Babel ain minayá bo diádon mobui mangoi. Sin notantú bidon kon mosia in mobuibí mangoi.

YEREMIA 48:28

Moiko intau in Moab, taḷaaidon in kotámu mita bo pogutundon kon tombuḷud in batu ná ḷagapan paḷoma nogaid kon pugadnea kon bingkí in irang.

YEREMIA 49:16

Iko in koakaḷanbí in aidmu inta mododia. Diábí in moondok kon inimu ná kainimu. Iko in mogutunbí kon sigad mita in batu, kon tudu in buḷud. Táe, umpaka inaidanmu in baḷoimu kon tampat inta moḷantud totok, ná koḷantud in pugad in ḷagapan boniá, yo poponagonbí doman i Tuhan in iko nongkon tua. Ki Tuhanbí in noguman kon tua komintan.”

YEREMIA 49:4

Ei moiko inta diá motoḷutui! Nongonu sin moiko in mopoyunggagabí in ḷopámu mita inta moḷumbá? Nongonu sin moiko in mopongatabí in kaoyúonanmu? Naondabí sin moiko in mosingogbí kon diábí in tobatúmai in intau in mokobaḻí monubu kon inimu?

YEHEZKIEL 28:16

Iko in mosibuk in modagang, bo tuata in nodia kon inimu pamandot bo nogaid kon dosa. Dá pinoguntun-Ku in iko nongkon buḷud-Ku inta motusi, bo malaekat moḷoḷukadmu nogampoi kon inimu nongkon yua-yuak in permata inta mopouḻi-uḻinag tua.

MALEAKHI 1:4

Aka buí i Esau, intau mita in Edom tatua in noguman, “Kotá mita nami ain irimumud, táe buibí posindogon nami,” dá ki Tuhan in motubag, “Mosia in motaaubí moposindog bui, táe bui-Kubí umpagon in sia. Mosia in tangoionbí ‘Butá moraat’ bo ‘Bangusa inta kinotugatan in torú i Tuhan modapot in mononoi.’ ”