OBAJA 1:16 - Alkitab Singog In Mongondow Masa In Tanaa

¹⁶ Kon tudu in buḷud-Ku inta motusi umat-Ku in nonginumdon kon oinumon mita inta nobaḻí lambang pohukuman. Táe oinumon in bangusa mita kon dunia naa in mopai-pait. Hukuman tatua in diábí motaau monia poḷaguian. Mustibí inumon monia modapot in modait, onda intua mosia in moinggamádon poḷat diádon in paḷotnea.”

OBAJA 1:16 ပူးပေါင်းရင်းမြစ်များ

YESAYA 42:14

Ki Allah in noguman, “Noonggotdon in Akuoi in diá moposingo-singog; kibio-biómai in Akuoi bo nonahang kon gina. Tanaa in wakutuneadon akuoi mogaid kon oaidan-Ku, Kumarak in Akuoi naonda bo bobay inta mononggadí.

YEREMIA 49:12

Intaupa inta diá patus hukumon, in kinotugatan doman in hukuman, yo umpaka dá moiko in diá? Notantú bidon kon moiko in mustibí hukumon!

OMBAḶ 4:21

Ei bangusa in Edom bo Us, kosingdon mako, koḷungangadon, kon dodai in motaaupa! Bodito in moiangoibí doman kon inimu bo popisí in moḷoḷangu dá iko in momilangbí doman kon awakmu.

YOËL 3:17

“Ei Israel, tanaa in kotaauandon monimu, kon Akuoibí in ki Tuhan Allahmu. Akuoi in nogutun kon Sion, buḷud-Ku inta motusi, Dá Yerusalem in mobaḻí doman kotá inta motusi, intau ango-angoi in diá bidon mokopotuot bui.

HABAKUK 1:9

Tontaranea in monubu sin mogaid kon diá mopia, bayongan in intau moondok in mokoontong kon koangoian monia. Dinakop monia diádon koiyapan in kobayongnea.

PETRUS 1 4:17

Sin naa bidon wakutu i Allah momangkoi mohakim kon dunia naa. Bo umatbí i Allah inta muna-munamai hakimon. Dá aka kita inta mopirisaya bo hakimon doman, yo onu in mobaḻí kon i monia inta diá mopirisaya kon Habar Mopia nongkon i Allah tua?