NAHUM 3:9 - Alkitab Singog In Mongondow Masa In Tanaa

⁹ Tebe in nomarenta kon Sudan bo Mesir, bo kawasanea in mononoi; Libia bo Put in notobatúnea.

NAHUM 3:9 ပူးပေါင်းရင်းမြစ်များ

KINOBAḺIAN 10:6

Ki Adí mita i Ham in ki Kus, Mesir, Libia bo Kanaan.

TAWARIKH 1 1:8

Ki adí mita ḷoḷaki i Ham in Kus, Mesir, Libia bo Kanaan. Mosia in nobaḻí mogoguyang in bangusa mita inta sinangoian pinodudui in tangoi monia.

TAWARIKH 2 12:3

takin 1.200 in kereta in parang, 60.000 in tontara inta sinumakoi kon kabaḷo, bo tontara mobayong inta diádon koiapan in kobayongnea, noitakin doman in tontara in Libia, Suki bo Sudan.

TAWARIKH 2 16:8

Degá diábí kinotaauanmu kon Sudan bo Libia in kotontara mobayong takin nobayong doman in kereta in parang bo tontara inta sinumakoi kon kabaḷo? Umpaka natua táe pinountungbí i Tuhan in iko kon i monia, popisí in iko inumandoḷ kon i-Nia.

YESAYA 20:5

Intau mita inta mopongata in Sudan bo mopoyunggaga kon Mesir in mooyábí bo morimumudon in kamangnea.

YEREMIA 46:9

Poribatukdon, ei kabaḷo! Bayádon, ei kereta! Unadon, ei intau mita mongobarani inta nodia kon kaḻeaw nongkon Sudan bo Libia. Bo moiko doman, ei inta mongotoyang momiot nongkon butá in Lidia.’ ”

YEHEZKIEL 27:10

Tontara mita nongkon Persia, Lidia bo Libia in tumuot mobaḻí tontaramu. Mosia in motadang kon kaḻeaw bo sapoyo uwaja monia kon dinding mita in kotámu. Mosia in noduḷudon nonaḷow kon musung mita bo nokodugang kon koḷoḷantud in tangoimu.

YEHEZKIEL 29:7

Kon dodai in mosia umandoḷ kon inimu, noputoḷ in iko bo noiturak kon iyok monia, dá ḻikud monia in noiḷogit.

YEHEZKIEL 30:5

Kon poparangan tatua koḻimodan doman in tontara mita inta sinokouboḻian nongkon Sudan, Lidia, Libia, Arab, Kub bo nodapot doman in nongkon bangusa-Ku mita tontaní.”

YEHEZKIEL 31:2

“Ei intau ilo-ilow, potaaudon in koyow-Ku tanaa kon i datu in Mesir bo bayongan in bangusanea: Totuu motoyang in koḷoḷobenmu! Diábí in mokoḻiu kon inimu!

YEHEZKIEL 38:5

Datu in sinakinan in tontara mita nongkon Persia, Sudan bo Libia, kon batúannea in nodia kon kedang bo sapoyo uwaja.

DANIEL 11:43

Sia in mogagowbí kon kapunyaan in Mesir ná buḷawan bo saḷaka takin kapunyaan ibanea inta totok in momahaḷ. Sia in duḷuanbí in intau in Libia bo Sudan.