NAHUM 3:6 - Alkitab Singog In Mongondow Masa In Tanaa

⁶ Pomiaan-Ku in iko naonda bo pakakat mokorongó, Arabon-Ku in iko in taai; Baḻíon-Ku in iko ḻiḻianmai in intau.

NAHUM 3:6 ပူးပေါင်းရင်းမြစ်များ

AYUB 30:19

Akuoi in pinogambat-Nea kon bonu in yoná, akuoi in naonda bo yoyatan!

AYUB 30:8

Mosia tua in diá in tangoi bo diá in boḻinea, intau mita inta ain binuntun nongkon butánea.

AYUB 9:31

Sinagom i Allah in akuoi kon yoyatan, dapot in ḷambungku monganggapdon kon inakó mokorongó.

YEREMIA 51:37

Butá tatua in mobaḻíbí bonturungan in goguyaatnea, pogogadopan in ungkú in kayuon. Mokoningkimbí in intau in moindoi kon inia, bo diábí tobatúmai in intau in moibog mogutun kon tua.

OMBAḶ 3:16

Pogotku in pinoporadatnea kon butá, ingiponku in pinopo datong-Nea kon batu nodapot in noputoḷ.

YEHEZKIEL 16:37

Tuamai, bayongan inta nokoimontandon kinotabimu sipunon-Ku, pinomayá inta kinoibogmu andeka inta kinodoímu. Simindogbí in mosia ḻimibu kon inimu bo moḷongkut kon bayongan in pakeangmu, dá ontongondon monia komintan in awakmu inta nopilang.

NAHUM 1:14

Naa in bontow in singog i Tuhan soaḷ bangusa in Asyur, “Mosia in kodaitandon in buí mongingguput kon bangusanea. Patong mita berhala inta kon bonu in kuil in dewanea, rimumudon-Kubí. Poḷoḷobongan kon bangusa in Asyur koyogot-Kudon sadiaan, sin mosia in diábí patus in mobiag!”

HABAKUK 2:16

Yo tanaa in noiyaputdon in wakutumu pokopooyáanmai, bo deemanbí horomaton. Kahoromatanmu in mobaḷui mobaḻí kohohina. Ki Tuhan in momakisa kon inimu monginum nongkon palo inta bonunea in hukuman kon inimu. Iko in monginumbí bo moipape magí mako.

ZEPANYA 2:15

Tuata in mobaḻí kon kotá inta norame tatua bo inta nonganggap noaman mako in sia. Intaunea mita in nonganggap kon kotá monia tua in kotá inta totok in moḷoben kon dunia naa. Totuudon moingongow in butá tatua, diá bidon in mogogutunnea koḻikud bidon in mahaḷuk mita in kayuon inta nonompugad kon tua! Bayongan in intau inta moitaḻib kon kotá tatua moitaḻikokogbí bo mokoningkim in awak.

MALEAKHI 2:2

Horomatdon in Akuoi pongin aidmu. Aka moiko doí mokidongog kon tosingogon-Ku, moiko in kutukon-Ku. Bayongan inta tarimaan monimu saḷaku rijiki in mobaḷuidon kutuk. Totuubí, bayongan inta mopia in kinutuk-Kudon, popisí in moiko in doí mopandungmai kon parenta-Ku.

MALEAKHI 2:3

Ki adímu mita in tokohukumon-Ku, bo pogotmu in ḻepoan-Ku in taai in biag inta pinokuruban monimu, bo moiko in pogambat kon bonturungan in taai.

MALEAKHI 2:9

Dá baḻíon-Kubí doman in moiko poompáanmai in umat in Israel sin moiko in diá notoindudui kon koibog-Ku, bo popisí in moiko mopoyo-poyoposi kon intau kon dodai in motundú kon umat-Ku.”

KORINTUS 1 4:13

aka singo-singogonmai intau in kami, yo koḷukóon nami in motubag. Kami naa in diábí noiḻiu kon yoyatan in dunia naa; bo inanggap bonok in dunia.

KORINTUS 1 4:9

Sin aka kon raianku, kami inta ain binaḻí i Allah rasul naa in intaubí moompá totok, nábí ondabo intau inta iḷabúan in hukuman mokopatoi kon tayowon intau moantó bo totok in giowan bayongan intau sin mopia-pia in gina monia.

IBRANI 10:33

Mokakit in singkuḻeon in moiko bo baḻíon monia yambá kon tayowon intau mobayong. Oyúon doman moitakin in moiko mororiga takin intau mita inta iroriga doman natua.

YUDAS 1:7

Torop domandon in onu inta nobaḻí kon kotá in Sodom bo Gomora bo kon kotá mita inta kon diugneamai, inta intaunea mita kon tua in nogaid doman kon ná inta pinomia in malaekat mita tatua. Mosia in nogaid kon soaḷ mita inta mokooyá totok bo nogaid doman kon inta diádon patus aidan in intau. Hukuman kon i monia tua in tuḷu inta diá mopio-piong, sinbá tua in mobaḻí tompoingat kon bayongan in intau.