NAHUM 3:19 - Alkitab Singog In Mongondow Masa In Tanaa

¹⁹ Ḷogit in awakmu diábí motaau undaman, bo kekebmu mita diádon mopia. Bayongan in intau inta mokodongog kon habar kinorimumudanmu monggoḷokap pia in gina. Sin bayongan in intau aindon nororiga popisí in aidmu moraat inta diá modai-dait tua.

NAHUM 3:19 ပူးပေါင်းရင်းမြစ်များ

AYUB 27:23

Kinoḷabúannea sinomu ginoḷokapan in intau; kon bayongan tampat siningkuḻe in sia.”

YESAYA 37:11

Iko in nokodongogdon kon batúan in butá inta sinubu in datu mita in Asyur irimumudon komintan. Dika kainimu kamai iko in mokoḷaguibí.

YESAYA 37:18

Kinotaauanbí nami komintan, Tuhan, kon datu mita in Asyur ain noḻimod kon nobayong in bangusa bo norimumud kon butá mita monia.

YEREMIA 10:22

Indongogaidon! Oyúon in habar kon bangusa tobatú kon utuan nopomukádon kon doḻiok. Tontaranea in momaḻí kon kotá mita in Yohuda mobaḻí moingongow bo diádon in mogogutun. Ungkú mita in kayuon in mogadopdon kon tua.”

YEREMIA 30:12

Ki Tuhan in noguman kon umat-Nea: “Takitmu in nobogatdon totok paḻímu in diá bidon in undamnea.

YEREMIA 46:11

Ei intau in Mesir, bayádon kon Gilead sin motayak kon undam! Umpaka natua táe diábí in undam inta mokopia kon i monimu.

OMBAḶ 2:15

Bayongan in intau inta moitaḻib, morebeg kon inimu, sin norimumudon komintan in iko. Momombiḻing in mosia bo poḷat moguman, “Tuata degá in kotá inta totok in mogaga, kotá inta inyunggagá in dunia?”

YEHEZKIEL 25:6

Ki Tuhan Inta Totok in moḷantud in noguman, “Moiko in monggoḷokap sindaḷan motayok sin moḷunganga in gina. Moiko in mopoompámai kon butá in Israel.

YUNUS 1:2

Guman i Tuhan, “Bayádon kon Niniwe, kotá moḷoben tatua, sin mongindoyó kon inia, sin kinotaauan-Kudon kon intau mita kon tua in mongoraat totok.”

MIKHA 1:9

Popisí in kekeb mita in Samaria diádon koundaman, bo Yohuda in koantugan doman in ukur inta motongkai. Bodito in noiyaputdon kon Yerusalem, bonawang in butá in bangusaku.

WAHYU 13:7

Sia inogoianpa doman in wakutu moḷawang kon umat i Allah takin monaḷow kon i monia. Bo inogoian doman in kasampatan mongawasa kon bayongan suku, umat, bahasa bo bangusa.

WAHYU 17:2

Datu mita kon dunia naa ain nogaid kon inta mokotor takinnea, bo bayongan in intau kon dunia naa ain noḷoḷangu sin nonginum kon anggur inta ain kinotorannea.”

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!