NAHUM 3:16 - Alkitab Singog In Mongondow Masa In Tanaa

¹⁶ Mopopotaḷuimu in moanto-antódon kon tundi kon ḷangit in kobayongnea! Táe tanaa in diádon in mosia, naonda bo pangkoḷá inta nosongkádon kon koḻikipnea bo dongka iḷumayug minayá.

NAHUM 3:16 ပူးပေါင်းရင်းမြစ်များ

KINOBAḺIAN 15:5

Ki Tuhan in nodia kon i Abram iḻumuai bodongka noguman kon inia, “Ḷangagka kon ḷangit, bo tungkuḷaika iyap in tundi mita; yo buímu in kobayongnea naonda bo tundi mita tatua.”

KINOBAḺIAN 22:17

Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

NEHEMIA 9:23

Binaḻí-Mu in buí monia naonda bo kobayong in tundi mita kon ḷangit. Inogoian-Mu in mosia in butá sin pogutunan monia, butá inta ain pinodandi-Mu kon mogoguyangnea.

MAZMUR 105:34

Podudui in parenta-Nea, namangoidon in pangkoḷá, totuu mobarong, diádon koiapan.

YESAYA 23:8

Deemanbí mododagangnea mita degá inta intau mita moḷoben inta totok in ihoromat kon dunia? Ki ine in nonantú kon mopoḷabú kon Tirus, kotá inta totok in mokawasa tanaa?

YEREMIA 33:22

Akuoi in modugangbí kon buí in mogogundoi-Ku ki Daud, bo imang mita suku in Lewi, dá kobayong monia in mobaḻídon ná kobayong in bungaion kon pintad bo tundi kon ḷangit inta diá koiapan.”

YOËL 1:4

Paanan in pangkoḷá inta diá koiyapan in kobayongnea, dinumompá kon gobá mita bo nokaan kon pinomuḷanea. Onu in sinaḷáan in paanan tanaa, inindaitan in paanan ibanea doman.