NAHUM 3:13 - Alkitab Singog In Mongondow Masa In Tanaa

¹³ Tontaramu mita in mongoyangkó naonda bo bobay bo ḻipúmu in diábí mokopongonu in monayow kon musung. Tuḷú in momagongbí kon bonoboi mita in bonawangmu.

NAHUM 3:13 ပူးပေါင်းရင်းမြစ်များ

MAZMUR 107:16

Sin Sia in nogumpag kon ngara mita bitú, bo nomutuk kon bilabag mita uatoi.

MAZMUR 147:13

Sin Sia in noginrigon kon bonawangmu mita, bo momarakat kon intaumu.

YESAYA 19:16

Moiangoibí in wakutunea bangusa in Mesir mobaḻí naonda bo bobay inta kakag. Mosia in mogugur popisí in moondok aka mokoontong kon i Tuhan Inta Totok in mokawasa motonggó kon ḻima-Nea sin mohukum kon i monia.

YEREMIA 50:36

Moyopúdon in nabi mita in Babel! Mosia in mouboḷ bo dondunguḷ. Moyopúdon in tontara in Babel inta mongotorindog! Totokdon in moondok in mosia!

YEREMIA 50:37

Rimumud in kabaḷo takin kereta in parangnea! Moyopúdon in tontara mita inta sinondanannea! Totok bidon in moyangkó in mosia! Payong komintan in bayongan in kaoyúonan in Babel! Agow in kapunyaannea!

YEREMIA 51:30

Tontara in Babel in nogogaidon in noparang bo nogutun kon benteng mita. Mosia in noinggamádon in barani bo diádon kodaya. Bonawang mita in kotá dinangatandon, bo baḷoi mita in sinurub.

OBAJA 1:9

Pojuang mita nongkon Téman angoianbí in ondok, bo bayongan in tontara in Edom in matoi.”

NAHUM 2:6

Dimpot in ongkag mita nodaitdon binukatan, dá nodoḻiokdon in sinangkub in komaḻig!

NAHUM 2:7

Kinodomokandon in bokí, dayang-dayangnea mita in kumarak bo mogamui, mosia in mogamui naonda bo ḷagapan tarangkuku, bo morukimai kon dodob popisí in morobonoḷ in gina.

NAHUM 3:15

Onukabí in aidanmu, diábí in mangaḻenea, sin iko in notantúbí modait mopagong bo andeka matoi kon poparangan. Iko in moinggamábí naonda bo bungai in boyó kon gobá inta nodait kinaan in pangkoḷá. Iko in nobaḻídon nobayong naonda bo pangkoḷá!