NAHUM 3:12 - Alkitab Singog In Mongondow Masa In Tanaa

¹² Bayongan in bentengmu in nádon onda bo pangkoi in ara inta nongoḷutúdon mita in bungainea. Aka pangkoinea tatua bo guguron, yo bungainea mita in moḷabúbí kon bonu in bibig in intau mita inta moibog mokaan kon bungainea.

NAHUM 3:12 ပူးပေါင်းရင်းမြစ်များ

YESAYA 28:4

Kotá monia inta totok in ponango-nangoian tua in momangkoidon moinggamá. Ukurnea in nádon onda bo ukur in bungai in ara inta noḷutú kon dodai in deemanpa wakutunea; naonda in inontong, bayá-bayádon sinipú bo kinaan.

YEREMIA 24:2

Karansi inta dungkuḷ in binonuan in bungai in ara inta mongopia, ná bungai in ara inta pinomungai dungkuḷ, bo karansi inta nogindua binonuan in bungai in ara inta nongoburuk, dá diá motaau kaanon.

HABAKUK 1:10

Mosia in moningkuḻe kon datu mita bo kosingan monia in pogawai mita moḷantud. Inanggapnea diá in mangaḻenea in bayongan in benteng, bo binumbunannea in butá bodongka inagownea in benteng tatua.

WAHYU 6:13

Tundi mita kon ḷangit nongoḷabú kon butá naonda bo bungai in ara inta diápa noguyang táe noḷabú sin inirup in tompot inta moropot.