NAHUM 3:11 - Alkitab Singog In Mongondow Masa In Tanaa

¹¹ Ei Niniwe, iko in togopuḷongonbí doman popisí in noḷoḷangu. Iko in moḷongasibí doman sinbá moiḷagui nongkon musungmu mita.

NAHUM 3:11 ပူးပေါင်းရင်းမြစ်များ

MAZMUR 75:8

Táe ki Allahbí tontaní in mohakim, Sia in mopoompá kon tobatú bo mopoḷantud kon ibanea.

YESAYA 2:10

Mosia in tumuot kon bonu in angob mita kon buḷud mita in karang, andeka mongaḻi kon bubú kon bonu in butá sinbá moiḷagui kon torú i Tuhan bo nongkon kawasa-Nea inta moḷantud.

YESAYA 2:19

Kon dodai in ki Tuhan simindog bo modandú kon butá, intau in tumuotbí kon bonu in angob mita kon buḷud mita in karang andeka mongaḻi kon bubú kon bonu in butá sinbá moiḷagui kon torú i Tuhan bo nongkon kawasa-Nea inta moḷantud. Aka singgai tatua in moiangoi, berhala mita saḷaka bo buḷawan inta pinomia bo sinumba monia tua in taḷaanbí mako natua ogoi kon boyod bo poniki.

YESAYA 29:9

Tantúdon umuran moherangmai bo momilog naonda bo intau bilog! Koḷoḷangudon, táe deemanbí popisí in nonginum kon anggur. Bayádon diá moipape magí mako, táe deemanbí popisí in nonginum kon arak.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 63:6

Kon bonu in torú-Ku inta dumoko-dokot, irita-ritakan-Ku in bangusa mita; Iyopú-Ku in mosia, bo dugú monia in pinobutak-Ku kon butá.”

YEREMIA 4:5

Irupdon in torompet kon sinangkub in butá! Pomaḷúdon kosilang bo koḷangon. Potabádon in intau in Yohuda bo Yerusalem moḷagui mayá in kotá mita inta dininding.

YEREMIA 51:57

Akuoi in mopoḷoḷangubí kon pojabat in pomarenta in Babel--intau mita mongopandoi, itoi bo tontara. Mosia in diá bidon mopobango-bangon bui, moḷoḷot modapot in mononoi. Akuoi in nosingogdon; Akuoibí in datu, Akuoi in Tuhan Inta Totok in mokawasa.

YEREMIA 8:14

“Nongonu sin kita in diábí nogaid kon onu bo onu?” guman in umat i Allah. “Igai in kita moyotakin moḷagui mayá in kotá mita inta dininding, umpaka in kita matoi kon tua. Ki Tuhan Allah naton ain nonantú kon kita in mustibí moputú. Sia in nobogoidon kon i naton rasum sin inumon sin kita in binaradosa kon i-Nia.

HOSEA 10:8

Kuil mita kon tombuḷud mita kon Betel tampat in intau in Israel mosumba kon berhala, in rimumudon. Dugi bo bonok in mobiagbí kon mezbah monia. Bo mosia in momaḷúbí kon buḷud mita, “Bumbunaidon in kami!” bo kon tombuḷud mita, “Dantugaidon in kami!”

AMOS 9:3

Aka mogadop in mosia kon tudu in Buḷud Karmel, tayakon-Kubí bo domokon in mosia. Aka mogadop in mosia kon apad in dagat, yo potabá-Kubí in naga in dagat sin monumbaḷ kon i monia.

MIKHA 7:17

Mosia in kumuábí kon butá naonda bo uḷag. Takin ondok bo urot mosia in ḷumuaidon nongkon poḷoḷukadan monia, bodongka mamangoi kon ini-Mu, o Tuhan Allah nami.

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

NAHUM 2:1

Ei Niniwe, Indongogaidon! Inta momoguyaat kon inimu noiangoidon! Ḷukadaidon in benteng mita poḷoḷukadan! Umuran tarap mako in daḷan! Posadiadon moparang. (

LUKAS 23:30

Kon wakutu intua intau mita in moguman kon buḷud mita naa, ‘Dantugaidon monag in inami naa!’ Bo kon tombuḷud mita, ‘Bumbunaidon mangoi in kami naa!’

SAMUEL 1 13:6

Onda intua mosia in nonubudon totok kon intau in Israel, nodapot intau in Israel totokdon in moigupit. Tongonumai in intau mita in Israel nogadopdon kon bonu in angob bo kon bubú mita in buḷud andeka tumuot kon sigad mita in batu karang, andeka kon bonu in parigí bo bubú in butá,

SAMUEL 1 14:11

Naonda in taya dua nokipogontong kon intau in Pilistin kon poḷoḷukadan tatua, dá intau mita in Pilistin tatua noguman, “Indoiaika, oyúon in intau mita in Ibrani in iḻumuai nongkon bubú mita tampat pinogadopan monia!”