NAHUM 3:10 - Alkitab Singog In Mongondow Masa In Tanaa

¹⁰ Umpaka natua, intau in Tebe dinakop bo inakut kon poḷumbúan. Kon bayongan in poyotangaan in daḷan, ki adínea mita bouton dapot in matoi. Intau mita moḷobennea sinogot in rante bo sinila-silai kon sigad in mododakop kon i monia.

NAHUM 3:10 ပူးပေါင်းရင်းမြစ်များ

DATU MITA 2 8:12

“Nongonu sin ki Tuang in mongombaḷbí?” iḻibó i Hazael. “Kinotaauanku in moraat inta pomiaanmu kon intau in Israel,” guman i Elisa. “Turubonmu in kotá mita inta oyúon in poḷoḷukadan, moḻimod kon tayow mobiag mita inta totok in mongopia, bo monagang kon adí mita mointok bo momotak kon sian in bobay mita inta nonogusian.”

AYUB 6:27

Nodapot in adí uno-unon sinayak monimu in daḷan kobiagannea pinongin nopogonik in undi, yobayatmu modagin inakaḷan monimu sinbá mobaḻí mooyúon.

MAZMUR 137:8

Ei Babel, iko in yopúonbí! Pia in kamang in intau inta motuḻí kon inimu aid moraat inta pinopoaidmu kon inami.

MAZMUR 137:9

Pia in kamang in intau inta nogamá kon adímu mita mointok bo nopogonag kon buḷud batu!

MAZMUR 149:8

bo motokig kon datu mita, bo motogot in rante kon mongongawasa mita monia;

YESAYA 13:16

Mosia in mokoontongbí tontaní kon adí mita mointok monia romputon, baḷoi mita monia pogagowan bo ki buḷoi mita bobay monia domokon.”

YESAYA 13:6

Pogamuidon, sin singgai i Tuhan in nodiugdon, tuata in singgai koyopúan inta pinoangoi i Tuhan Inta Totok in mokawasa.

YESAYA 19:4

Mesir in ogoi-Kubí kon ḻima in datu tobatú motamaa inta momarenta kon i monia pongin aid moromú. Akuoi, ki Tuhan Inta Totok in mokawasa, ain nosingog.”

YESAYA 20:4

Datu in Asyur in modakopbí kon intau mita nongkon ḻipú doyowa tatua bo mosia in diaanbí sipilang. Noguyang noguod, komintanbí mayá takin diá koḷambung bo aip in sioḷ bo imbuḻínea in koontongan, nobaḻí singkuḻe kon Mesir.

OMBAḶ 2:19

Pobui-buidon pobangon in tonggobii tua sin momaḷú moguman kon onu in kon bonu in dodobmu kon i Tuhan. Poigumdon sinbá angoian in tabi in Sia kon i adímu mita inta gogoyon bo inta sinogopuḷong kon bayongan in pobeukan in daḷan.

OMBAḶ 4:1

Buḷawan inta mopouḻi-uḻinag in nobuḷoḷowdon batu mita in Baḷoi Allah noiraritdon kon daḷan.

YEHEZKIEL 29:7

Kon dodai in mosia umandoḷ kon inimu, noputoḷ in iko bo noiturak kon iyok monia, dá ḻikud monia in noiḷogit.

YOËL 3:3

Mosia in nopogonik in undi sin monantú mongo ki ine in mokouḻí kon intau mita inta sinoko dakop. Pinotaḷui monia in mongodeaga bo tayowmobiag sin baḻíon ata. Bo doit boḻinea in pakéon monia posundaḷan bo ponginuman kon anggur.

AMOS 1:13

Ki Tuhan in noguman, “Bangusa in Amon in nopobui-buimaidon binaradosa, tuamai in notantú bidon kon hukumon-Ku in mosia. Kon tungkuḷ in noparang sin moginoḷad kon butánea, mosia in nomotak kon sian in bobay mita sidia kon Gilead.

OBAJA 1:11

Iko in simindog nongkon moyayú, kon singgai musung mondangat kon ngara in Yerusalem bo mopotungkud kon kotá tatua. Iko in tongábí kibio-biómai kon dodai in mosia mogakut kon bayongan in kaoyúonan in Yerusalem bo silaion monia moyotakin. Iko in notongkai ná moraat in musung tatua.