NAHUM 2:8 - Alkitab Singog In Mongondow Masa In Tanaa

⁸ Rayat in Niniwe noḷagui noirangkap, naonda bo tubig inta iḻumuai nongkon tepel inta nobokat. Oyúon in karak, “Pogogai, pogogai!” táe diábí in moibog mobui mangoi.

NAHUM 2:8 ပူးပေါင်းရင်းမြစ်များ

KINOBAḺIAN 10:11

Nongkon tua sia minayá in Asyur, bodongka noposindog in kotá Niniwe, Rehobot-Ir, Kalah

YESAYA 13:14

Intau ango-angoi inta nogutun kon Babel in moirangkapbí bo moḷagui mayá in ḻipúnea-ḻipúnea. Mosia in naonda bo rusa inta noḷagui nongkon moḷoḷutam, andeka paanan in domba inta diá in gombala.

YESAYA 38:14

Singogku in motoyokdon bo moyangkó, naonda bo ḷagapan tarangkuku mogamui. Mataku in moḷopí popisí in ḷumangag kon ḷangit, Tuhan, poḷuatdon in akuoi nongkon roriga tanaa.

YESAYA 47:13

Iko in nororigadon popisí in nobayong in tonggina. Potabádon in mononoḻindap mita simindog moposaḷamat kon inimu; mosia inta ain nonaridi kon sinangkub in siup in ḷangit bo nobalajar kon kaadaan in tundi mita, bo kon pomuḷoi in buḷan mobagu monoḻindap kon onu inta mobaḻí ukurmu.

YESAYA 48:20

Bayádon bo poḷaguidon nongkon Babel, Potaaudon magí-mako in habar tanaa. Potaaudon takin yogiow sanang in gina: “Ki Tuhan in noposaḷamatdon kon Israel, mogogundoi-Nea!

YESAYA 59:11

Kami in inangoian in ondok bo morobonoḷ in dodob; kami in motayak kon inta moadil, táe diá onda; kami in moharap kon kasaḷamatan táe diá in mangaḻenea.

YEREMIA 46:5

Táe Akuoi, ki Tuhan, nokoontong kon i monia inumundok sin moondok. Tontara mita monia in sinaḷow, bo noḷagui takin ondok bo diá bidon nobobui ná tumi.

YEREMIA 47:3

Mosia in mokodongogbí kon goḷopak in sioḷ in kabaḷo, koḷangká in bayáan in kereta, bo goḷotak mako in bolanea. Guyanga in mobaḻíbí moḷungkoyó bo diá bidon morai kon i adínea.

YEREMIA 50:16

Dika pomayá mako intau in monompinomuḷa andeka mosipú kon bungai in boyónea kon butá tatua. Bayongan in intau ango-angoi inta nogutun kon tua in mobuibí kon butánea tontaní, popisí in moondok in mosia kon tontara inta monubu.”

YEREMIA 51:13

Butá tatua in nooyúon totok bo nobarong in ongkagnea, táe wakutu in kobiagannea in nodaitdon; imbuit in kobiagannea noidapotdon.

YEREMIA 51:30

Tontara in Babel in nogogaidon in noparang bo nogutun kon benteng mita. Mosia in noinggamádon in barani bo diádon kodaya. Bonawang mita in kotá dinangatandon, bo baḷoi mita in sinurub.

NAHUM 1:1

Naa in koyow i Allah soaḷ Niniwe. Koyow tatua in pinoniata pinongin oontongon inta inogoi kon i Nahum, tobatú nabi inta nongkon Elkos.

NAHUM 3:17

Intau mita moḷoben bo pojabatmu in naonda bo paanan in pangkoḷá inta nogadop kon dinding mita kon dodai in notumping. Táe naonda in nomukádon in mata in singgai, mosia in baḷúdon iḷumayug bo minayá; diábí tobatúmai in intau in nonotaau mongo kon onda in binayáan monia.

WAHYU 17:1

Onda intua tobatú malaekat nongkon malaekat pitu inta nokadai kon palo pitu tatua in namangoi kon inakó bo noguman, “Igai, bá popoontongku kon inimu in hukuman kon sundaḷ moḷoben, tuata in kotá moḷoben inta pinosindog kon bingkí in ongkag mita.

WAHYU 17:15

Malaekat tatua in noguman doman, “Tubig inta inontongmu tatua, tampat inta iḻitúan in sundaḷ tatua, tuata in bangusa mita, rayat mita, negara mita bo bahasa mita.