NAHUM 2:13 - Alkitab Singog In Mongondow Masa In Tanaa

¹³ “Akuoi naa in musungmu,” guman i Tuhan Inta Totok in mokawasa. “Keretamu mita in tubáan-Ku komintan. Prajuritmu in matoi kon poparangan, bo gamáan-Kubí in bayongan yagi-yagi inta ain ginamámu nongkon intau ibanea. Onu in sinuntut mita in intau pinotabámu in diá bidon kodongogan.”

NAHUM 2:13 ပူးပေါင်းရင်းမြစ်များ

DATU MITA 2 18:17

Táe datu in Asyur tatua in nopotabádon mangoi nongkon Lakhis in tontara inta mobarong sin monubu kon Yerusalem. Tontara mita tatua in dinia in toḷu in porwira moḷantud, tobatú in tongguḷu totok in tontara, tobatú in mopoposadia in oinumon, bo tobatú in moḷoḷukad kon i datu. Naonda in noiyaput kon kotá tatua mosia in nogamá kon tampat kon gobá, inta sinangoian Gobá in Penatu kon diug in got inta ḷuaian in tubig nongkon tabang kon ḻimonikan.

DATU MITA 2 18:19

Porwira tobatú in Asyur tatua in noguman kon i monia, “Poyaputdon kon i Hizkia in tosingogon i datu Asyur tanaa: ‘Nongonu sin iko in tumangoibí moropot?

DATU MITA 2 19:23

Iko in nopotabá mangoi in totabá takin ambungangaḷ in singog kon takin bayongan in kereta in parangmu nopotungkudon in iko in buḷud mita inta totok in mongoḷantud kon Libanon. Iko in dinumodiadon kon iko in nomupuḷ kon pangkoi mita in ḷokuyúnea inta totok in moḷantud bo inta totok in mopia bo poḷat irumudak kon kayuonnea mita inta totok in apow.

DATU MITA 2 19:9

Ki datu in Asyur in notarimadon kon habar kon tontara in Mesir inta kon bonu in tongganut i Tirhaka datu in Sudan taya-tayamangoidon sin monubu kon i monia. Tuamai, ki datu in Asyur nokidiadon in surat kon i Hizkia datu in Yohuda.

TAWARIKH 2 32:19

Mosia in mongonguman kon i Allah inta sinumba kon Yerusalem notongkai ná doman dewa mita in bangusa ibanea, inta patong mita inta pinomia in intau.

MAZMUR 46:9

Igai, indoiaika mongo onu in pinomia i Tuhan, totuu mokoherang in oaidan-Nea kon dunia!

YEREMIA 21:13

Onda intua ki Tuhan in noguman kon Yerusalem, “Ei Yerusalem! Kinoukatanmu in moḷantu-ḷantud in ḷopá mita kon diugmumai. Iko in naonda bo buḷud batu irib kon rawang inta notondodai, táe Akuoi in moḷawangbí kon inimu. Iko in moguman kon diábí tobatúmai in intau in mokotubu kon inimu andeka mokodangat kon dindingmu mita,

YEREMIA 46:14

“Yeremia, potaaudon in habar tanaa kon kotá mita in Mesir, inta kon Mempis, Migdol bo Tahpanhes, ‘Posadiadon moḷukad kon awak sin bayongan inta oyúon kon i monimu in modaitbí mogoguraat kon bonu in parang!

YEREMIA 50:31

Babel, iko in moiḻiudon ḷantud in gina! Tuamai in Akuoi, ki Tuhan, Inta Totok in moḷantud, Allah Inta totok in mokawasa, moḷawang kon inimu. Wakutuneadon iko hukumon-Ku.

YEREMIA 51:25

Ei Babel, iko in naonda bo buḷud inta nokorimumud kon sinangkub in dunia. Táe Akuoi, ki Tuhan, in moḷawangbí kon inimu. Iko in uguton-Kubí bo ḻitoion-Ku bo pomayá-Kudon mako mopokak mobaḻí ḷobud.

YEHEZKIEL 21:3

kon Akuoi, ki Tuhan, in noguman nanaa, ‘Akuoi naa in musungmu. Rabuton-Kubí in kedang-Ku bo moḻimod kon i monimu komintan, inta moraat andeka inta mopia.

YEHEZKIEL 26:3

Ki Tuhan Inta Totok in moḷantud in noguman, “Akuoi naa in musungmu, ei Tirus! Mobayongbí in bangusa in diaan-Ku sin monubu kon inimu, bo mosia in mamangoibí naonda bo bokoḷ in dagat.

YEHEZKIEL 28:22

Potaaudon kon intaunea mita kon Akuoi ki Tuhan Inta Totok in moḷantud noguman kon i monia, ‘Akuoi naa in musungmu, ei Sidon. Intau mita in modayowbí kon i-Nakó popisí in inta inaidan-Ku kon i monia. Kon tungkuḷ in Akuoi nohukum kon intaumu, kotaauandon monia kon Akuoibí in ki Tuhan inta motusi.

YEHEZKIEL 29:10

dá Akuoi in mobaḻí musungmu, bo musung in Ongkag in Nilmu. Sinangkub in Mesir baḻíon-Ku butá inta moingongow totok pangkoion kon kotá in Migdol kon utuan modapot kon kotá in Aswan kon toḷatan, modapot kon pinosigadan in Sudan.

YEHEZKIEL 29:3

Ki Tuhan Inta Totok in moḷantud in nopotabá kon inakó mopotaau kon i datu in koyow tanaa, “Akuoi naa in musungmu, ei bangkeḻé moḷoben inta nosiug mako kon yuak in ongkag. Iko in mongambungangaḷ kainimu in Ongkag in Nil iko in kitogi bo iko in nomia.

YEHEZKIEL 35:3

Potaaudon kon intau mita inta nogutun kon tua in onu inta pinotaau-Ku, ki Tuhan Inta Totok in moḷantud kon i monia, ‘Akuoi naa in musungmu, ei intau mita inta nogutun kon buḷud in Edom! Butámu in baḻíon-Kubí moingongow diá in mogogutun, bo kotámu mita in mobaḻídon apug mita. Dá kotaauandon monimu kon Akuoibí in ki Tuhan.

YEHEZKIEL 38:3

Pogumandon kon inia kon Akuoi, ki Tuhan Inta Totok in moḷantud, in musungnea.

YEHEZKIEL 39:1

Ki Tuhan Inta Totok in moḷantud in noguman, “Ei intau ilo-ilow, gogondokdon in ki Gog, datu moḷoben nongkon butá mita in Mesekh bo Tubal, bo potaaudon kon inia kon Akuoi naa in musungnea.

YEHEZKIEL 5:8

Dá Akuoi, ki Tuhan Inta Totok in moḷantud, noponiata kon Akuoi in musungmu. Iko in hukumon-Kubí kon tayowon in bangusa mita ibanea.

NAHUM 2:12

Dungkuḷmai kon tua singa in modomok kon onu in kaanonnea, bo iyabi sin ogoinea kon kobaayan bo kon i adínea. Bonuannea kopuḻingon in dumunnea in tapú mita in mahaḷuk inta dinomoknea bo inta ain iyabi-yabinea.

NAHUM 3:1

Moboditodon in kotá tanaa inta nopuḻing in uboḷ bo poḻimodan; nopuḻing in pakakat inta sinokoagow andeka dinomok.

NAHUM 3:12

Bayongan in bentengmu in nádon onda bo pangkoi in ara inta nongoḷutúdon mita in bungainea. Aka pangkoinea tatua bo guguron, yo bungainea mita in moḷabúbí kon bonu in bibig in intau mita inta moibog mokaan kon bungainea.

NAHUM 3:15

Onukabí in aidanmu, diábí in mangaḻenea, sin iko in notantúbí modait mopagong bo andeka matoi kon poparangan. Iko in moinggamábí naonda bo bungai in boyó kon gobá inta nodait kinaan in pangkoḷá. Iko in nobaḻídon nobayong naonda bo pangkoḷá!

NAHUM 3:5

Ki Tuhan Inta Totok in mokawasa in noguman, “Ei Niniwe, iko in rorigaan-Ku! Pilangan-Ku in iko kon tayowon in bangusa mita, dá kororaatmu koontongan monia.

YOSUA 11:6

Ki Tuhan noguman kon i Yosua, “Dika moondok kon i monia. Ikoḷom kon oras ná tanaa, mosia tua in komintandon ḻimodon-Ku sin motuḷung kon Israel. Kabaḷo monia in musti pengkoḷanmu, bo kereta mita in parang monia in musti turubon mu.”

YOSUA 11:9

Ki Yosua in nopoaid intua kon i monia pinodudui kon onu inta pinarenta i Tuhan: pinengkoḷannea in kabaḷo monia, bo nonurub kon kereta mita in parang monia.