NAHUM 2:12 - Alkitab Singog In Mongondow Masa In Tanaa

¹² Dungkuḷmai kon tua singa in modomok kon onu in kaanonnea, bo iyabi sin ogoinea kon kobaayan bo kon i adínea. Bonuannea kopuḻingon in dumunnea in tapú mita in mahaḷuk inta dinomoknea bo inta ain iyabi-yabinea.

NAHUM 2:12 ပူးပေါင်းရင်းမြစ်များ

SAMUEL 2 17:8

Kinotaauan bidon i Tuang kon ki Daud bo intaunea mita tatua in intaubí mita inta mongotorindog bo mongobarani. Mosia tua in naonda bo kobarani in beruang kobaayan inta kinobuḻian i adínea. Apa doman ki Daud tua in tontara inta kopongalaman inta diábí dodai in onda in mosiug moyotakin in intaunea mita.

MAZMUR 17:12

Mosia in naonda bo singa inta modomok kon kokaanonnea, singa batánea inta moḷabot nongkon tampat moiadop.

YEREMIA 51:34

Yerusalem in irimumud bo kinaan komintan i datu in Babel; inaotannea in kotá tatua naonda bo inta nongaot kon botoḷ. Naonda bo mahaḷuk inta moḷoben totok, iḻiomnea in Yerusalem bo nomonu kon siannea takin bayongan inta mopia nongkon kotá tatua, bodongka noḷumbú kon ki agatnea.

NAHUM 2:11

Kon onda degá in kotá tatua in tanaa? Kotá inta ná angob ponondumunan in singa? Tampat popokaanan in ki adí mita in singa, tampat bobayáan in singa koḷakian bo kobaayan, tampat inta moaman kon i adínea mita?

NAHUM 2:13

“Akuoi naa in musungmu,” guman i Tuhan Inta Totok in mokawasa. “Keretamu mita in tubáan-Ku komintan. Prajuritmu in matoi kon poparangan, bo gamáan-Kubí in bayongan yagi-yagi inta ain ginamámu nongkon intau ibanea. Onu in sinuntut mita in intau pinotabámu in diá bidon kodongogan.”

PINOGIAPAN 23:24

Bangusa tatua nobangon naonda bo singa kobaayan, bo simindog motorindog naonda bo singa koḷakian. Diábí in sia mosiug aka diápa mokaan kon onu in kokaanonnea bo monginum kon dugú in kuruban inta dinomoknea.”