NAHUM 2:10 - Alkitab Singog In Mongondow Masa In Tanaa

¹⁰ Niniwe in norimumudon, moingongow bo noḷogat. Gina in noḻia-ḻiawdon sin moondok. Duḷud in moḻemédon bo mourot. Pogot in bayongan in intau nongobilaidon totok.

NAHUM 2:10 ပူးပေါင်းရင်းမြစ်များ

KINOBAḺIAN 1:2

dunia naa in diápa notompiamai, bo diápa doman in tombonunea, nosindipabí komintan, bo Roho i Allah in maya-mayá mako kon tudu in tubig.

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

YESAYA 14:23

Babel in baḻíon-Ku rawa mita inta pogutunan in monikuḷu. Babel in kaitan-Kubí kodariton. Akuoi, ki Tuhan Inta Totok in mokawasa ain nosingog.”

YESAYA 21:3

Oontongon tatua nokotoboḻingo kon inakó nodapot in diá in nokoontong andeka mokodongogpa. Akuoi in inagían in ondok bo nakit, naonda bo bobay tobatú inta koyogot in mononggadí.

YESAYA 24:1

Ki Tuhan in moyompatbí kon dunia, modapot in mobaḻídon moḷogat bo moingongow. Baḻintuangon-Neabí in tudunea bo poyayiton in intaunea mita.

YEREMIA 30:6

Tungkuḷaika rai bo taridi! Degá ḷoḷaki mopononggadí in adí? Aka natua, nongonu sin inontong-Ku in bayongan in ḷoḷaki nongo bilaibí bo motonoi kon siannea naonda bo bobay inta mononggadídon?

YEREMIA 49:23

Naa in pinoguman i Tuhan soaḷ Damsyik. “Intau inta nogutun kon kotá in Hamat bo Arpad in mogagawang bo moḻia-ḻiaw in gina popisí in nokodongog kon habar diá mopia. Gina monia in moondok bo moitoḻimayang mako naonda bo bokoḷ in dagat.

YEREMIA 51:62

Mopaḷut mako kon tua posambayang nanaa, ‘Tuhan, Iko in nogumandon kon kotá tanaa in rimumudon-Mu dá pinomayá intau andeka mahaḷuk in moyopúdon komintan, bo tampat tanaa in mobaḻídon naonda bo padang gurun modapot in mononoi.’

YEREMIA 8:21

Ginaku in norimumud popisí in bangusaku notakit moyoyiga; akuoi in nonogumatoi bo mogagawang.

YEHEZKIEL 21:7

Aka ḻibóon monia mongo nongonu sin mogamuibí in iko, yo pogumandon kon morobonoḷ in ginamu popisí in habar inta moiduduimai. Habar tatua in mokoondok kon gina monia, moḷungkoyó in ḻima monia, duḷud monia mourot, modaitdon in ibog monia mobiag. Totuu kon wakutunea in moiangoidon, bo tua mita in mobaḻíbí. Akuoi ki Tuhan Inta Totok in moḷantud ain nosingog.”

YEHEZKIEL 31:15

Nanaa in singog i Tuhan Inta Totok in moḷantud, “Aka pangkoi in kayu tatua moponag kon dunia in intau minatoi, potabá-Ku in tubig kon ḻimonag in butá nonagom kon inia nobaḻí tomponuot nonogumatoi. Pogogaion-Kubí in toḷog in ongkag bo modimpot kon tapá mita. Popisí in pangkoi in kayu tatua minatoidon, popoangoi-Kubí in sindip kon buḷud mita in Libanon bo poḷaḷowon in bayongan in kayu kon kayuon.

DANIEL 5:6

Nobilaidon totok in sia bo nádomai tua in ondoknea nodapot in nourotdon totok in duḷudnea.

YOËL 2:6

Kon tungkuḷ in mosia nonubu, bayongan in intau nourot, bayongan in pogot nobilai nobilo.

NAHUM 2:2

Totuu, ki Tuhan in mopoguḻitbí bui in kogogaga in Israel, sinbá mobaḻí bui ná dungkuḷmai, kon tungkuḷ in diápa pinogagowan in musungnea mita.)

NAHUM 3:7

Inta mokoontong kon inimu in yumayú bo moguman, ‘Niniwe in dongkadon apug diá in mangaḻenea! Ki ine in dumudui kon inia monogumatoi? Diábí in moibog mopoḻipoi kon inia.’ ”

ZEPANYA 3:6

Ki Tuhan in noguman, “Akuoi in noyompatdon kon nobayong i bangusa; kotá mita monia in irimumud-Ku, bo dinding mita takin ḷangkeang mita monia binaḻí-Ku apug mita. Kotá mita monia noingongow diá in nogutun bo daḷannea in nodingungui.

YOSUA 2:11

Naonda in kinodongogan nami in ouman mita tatua, inagíandon in ondok in kami. Bayongan in intau nami kinoinggamáandon in barani popisí in moiko. Ki Tuhan Allahmu totu-totuubí ki Allah inta Totok in Mokawasa kon ḷangit bo kon butá.

YOSUA 7:5

Intau mita in Ai nondudur kon i monia nongkon ngara in kotá in Ai nodapot kon butá pongongaḻian kon buḷawan, bo noḻimod kon degá toḷu nopuḷú bo onom in intau kon sigad monia kon oyukmai in buḷud. Dá intau mita in Israel inangoiandon in ḻia-ḻiaw in gina bo ondok.