NAHUM 1:6 - Alkitab Singog In Mongondow Masa In Tanaa

⁶ Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

NAHUM 1:6 ပူးပေါင်းရင်းမြစ်များ

DATU MITA IMITÁNEA 19:11

“Ḷuaidon kon angob tanion,” guman i Tuhan kon inia, “bo sindogdon tayow kon i-Nakó kon tudu in buḷud.” Bo ki Tuhan sinumaḻib kon tua, inunaan in tompot inta nogirup noropot totok nodapot in buḷud mita nongo botak bo buḷud mita batu in nongoḷosi. Táe ki Tuhan in diábí nokipogontong kon bonu in tompot tatua. Naonda in tompot tatua nooyong, nobaḻídon in ḻinug, táe ki Tuhan in diábí doman nokipogontong kon bonu in ḻinug tatua.

AYUB 26:11

Aka Sia in mongguak pinongin singog modorasing, oigi mita pinotumbok kon ḷangit in mogugur.

AYUB 40:11

Indoiaidon in mosia inta mododia in ginanea; poḷuaidon in torúmu bo poompádon in mosia.

AYUB 9:5

Ki Allah in momamping kon buḷud takin diábí kotaa-taauanmai in intau, bo mopokaḻintuang pongin torú bo rogi.

MAZMUR 130:3

Aka umuran toropon-Mu in dosa nami, o Tuhan, ki inebí in mokotongod?

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 76:7

Bayongan in kabaḷo bo tumotakoinea noḷabú minatoi in guak-Mu, o Allah Yakub!

MAZMUR 76:8

Totuubí kon motoyang in Iko! Aka tumorú in Iko, ki ine in mokoigon?

MAZMUR 90:11

Ki ine in nonotaau kon kototoyang in torú-Mu, andeka nomangaḻe kon bungai in torú-Mu?

YESAYA 10:16

Popisí in intau in Asyur ain dinumodia, ki Tuhan Inta Totok in mokawasa in mopoangoibí in yampoi in takit sin mohukum kon porwira mita inta mongotorindog. Mosia in ponikonbí in patú totok naonda bo tuḷú inta tantú momokak.

YESAYA 13:13

Baḻíon-Ku in ḷangit gumugur bo butá in moḷundan nongkon kinoḻitúannea kon singgai in Akuoi, ki Tuhan Inta Totok in mokawasa, mopoontong in torú-Ku.

YESAYA 27:4

Diá bidon in porasaan-Ku tumorú. Aka kuma bo oyúon in bonok andeka bo bonganga, yo putúan-Kubí intua, bo momokak kon tua komintan.

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

YESAYA 66:15

Totuu, ki Tuhan in mamangoibí takin tuḷú; Sia in tumakoibí kon kereta-Nea ná deḷang, sin mopobayá in torú-Nea, bo mongguak moropot.

YEREMIA 10:10

Táe Iko, Tuhan, Allah inta mobanar, Ki Allah in mobobogoi in kobiagan, datu mononoi. Aka Iko tumorú, modandú in dunia, aka Iko rumogi yo bangusa mita in diábí mokotongod. (

OMBAḶ 2:3

Kon bonu in torúnea inta tumaga-tagab, ropot in Israel pinutoḷ-Nea. Kon wakutu in kita sinubu in ḷawang, mobogat in gina-Nea in motuḷung. Naonda bo tuḷú moborambang momokak kon bayongan in yagi-yaginea, natuata in ki Tuhan sinumorú kon i naton komintan.

OMBAḶ 2:4

Naonda bo musung, Sia in nomadang kon puḷu in piot-Nea bo pinopotayow-Nea kon i naton in piot-Nea. Bayongan in intau inta nokosanang kon gina naton, nodait iḻimod-Nea. Sia in noporoput in torú-Nea naonda bo tuḷú kon bonu in kotá in Yerusalem tanaa.

OMBAḶ 4:11

Ki Tuhan in nopoumadon in torú-Nea bo nonurub kon kotá in Sion nodapot in noyompat dapot in butá.

YEHEZKIEL 21:31

Popotugat-Kubí kon i monimu in torú-Ku inta modoko-dokot. Bo moiko in ogoi-Kubí kon intau mita inta moḻingá inta nobiasadon moḻimod.

YEHEZKIEL 30:16

bo kotá tatua in mororiga bidon totok. Totuu, turubon-Kubí in Mesir. Dinding mita in kotá in Tebe in moumpagbí bo kotá tatua in untagonbí in ḷunud.

YEHEZKIEL 39:6

Pomuká-Kubí in kopagongan kon butá in Magog bo kon pintad mita, inta pinogutunan in intaunea mita takin pia-pia mako. Dá kotaauandon monia komintan kon Akuoibí in ki Tuhan.

YEHEZKIEL 7:8

Diádon moonggot bo moiko in mokonanamdon kon torú-Ku inta motoyang. Moiko in sisigan-Ku podudui in aidmu. Tuḻían-Kubí kon inimu in bayongan in aidmu inta moromú.

NAHUM 1:2

Ki Tuhan Allah in doíbí toḻinduaan, intau inta moḷawang kon i-Nia, notantúbí kon mokouḻí kon hukuman. Noidoyon kon torú inta moḷoben Sia in notuḻí kon aid monia.

ZEPANYA 2:2

kon dodai in moiko diápa moḷaḷow bo moingkag naonda bo bungang! Koinsapdon kon dodai in diápa moiangoi in singgai torú i Tuhan, bo moiko in kotugatan in torú i Tuhan inta mopodoko-dokot tatua.

MALEAKHI 3:2

Táe ki ine in mokotongod kon singgai ki Tuhan mamangoi mokipogontong in awak-Nea? Sin Sia in naonda bo tuḷú in mononontaḷ kon logam, bo naonda bo sabong in momomatá.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

WAHYU 16:1

Bo akuoi in nokodongog kon singog moḷoben nongkon bonu in Baḷoi Allah noguman kon malaekat pitu tatua, “bayádon bo pobutakdon bonu in palo in torú i Allah inta pitu tanion kon tudu in butá!”

WAHYU 16:8

Nopaḷut mako kon tua, malaekat inggopatnea in nopobutak doman bonu in palonea kon mata in singgai, dá mata in singgai inogoidon momokak kon intau takin patúnea inta totok in motoyang tua.

WAHYU 6:17

Singgai inta totok mokoondok moiangoidon, bo mosia in mulaidon tumorú, bo diábí doman tobatúmai intau mokosanggup tumayow mako kon i monia!”