NAHUM 1:15 - Alkitab Singog In Mongondow Masa In Tanaa

¹⁵ Indoiaika, in totabá tobatú mamangoi mongin buḷud mita, modia kon habar mopia, habar kountungan. Ei bangusa in Yohuda, ramedon in singgai moḷobenmu bo uboḻiaidon in dandimu kon i Allah. Butámu in diá bidon tonggataan in intau moraat. Mosia in irimumudon komintan.

NAHUM 1:15 ပူးပေါင်းရင်းမြစ်များ

MAZMUR 107:15

Patusbí in mosia mopoyaput in sukur kon i Tuhan popisí in tabi-Nea, popisí in mia-Nea mita inta mokotongaw kon intau.

MAZMUR 107:8

Patusbí in mosia mosukur kon i Tuhan popisí in tabi-Nea, popisí in mia-Nea mita inta mokotongaw kon intau.

YESAYA 41:27

Akuoi, ki Tuhan, inta muna-munamai nopotaau kon Sion; Akuoi in nopotabá kon mododia kon habar mopia minayá in Yerusalem.

YESAYA 42:11

Pomayádon mako in padang gurun bo kotánea mita in modayow kon i Tuhan, bo intau in Kedar modayow kon i-Nia! Porogiowdon in intau mita kon kotá in Sela, bo morobaḷú nongkon tudu totok in buḷud!

YESAYA 52:1

Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.

YESAYA 52:7

Totuu mosanang in mokoontong kon koangoian in totabá, Sia in mayá mongin buḷud bo modia kon habar mopia habar kobiagan mopia, habar kasaḷamatan kon Sion, kainia, “Allahmu in Datu!”

YOËL 3:17

“Ei Israel, tanaa in kotaauandon monimu, kon Akuoibí in ki Tuhan Allahmu. Akuoi in nogutun kon Sion, buḷud-Ku inta motusi, Dá Yerusalem in mobaḻí doman kotá inta motusi, intau ango-angoi in diá bidon mokopotuot bui.

IMAMAT 23:2

in atorang mita kon singgai moḷoben in agama, inta musti potaau mobaḻí singgai moḷoben poibadaan.

IMAMAT 23:4

Naa in singgai mita moḷoben inta ain sinantú i Tuhan bo inta musti potaau kon wakutu inta ain sinantú.

NAHUM 1:14

Naa in bontow in singog i Tuhan soaḷ bangusa in Asyur, “Mosia in kodaitandon in buí mongingguput kon bangusanea. Patong mita berhala inta kon bonu in kuil in dewanea, rimumudon-Kubí. Poḷoḷobongan kon bangusa in Asyur koyogot-Kudon sadiaan, sin mosia in diábí patus in mobiag!”

LUKAS 2:10

Táe malaekat tatua in noguman, “Dika moondok! Sin akuoi in mamangoi moguman kon habar mopia kon i monimu, habar inta totok in mokosanang kon gina in bayongan intau.

LUKAS 2:14

“Dinayo-dayowdon in ki Allah kon tampat inta Totok in Moḷantud! Bo dodamean umuran kotaki-takin monimu, intau inta umuran mogaid kon mokosanang kon gina i Tuhan!”

OUMAN IN RASUL MITA 10:36

Pirman inta pinoki poyaput-Nea kon intau mita Israel, tuata in Habar Mopia inta nopotaau in dodamean inta inaidan i Yesus Kristus, Tuhan in bayongan intau.

SURAT I PAULUS KON JAMAAT RUM 10:15

Bo naondabí intau mayá mopotaau in habar tatua, aka mosia in diá potabá? Ain doman pinais kon Buk Motusi nanaa, “Mopiadon totok in koangoian in intau mita inta nodia kon Habar Mopia nongkon i Allah!”