MOHOHUTUBA 9:9 - Alkitab Singog In Mongondow Masa In Tanaa

⁹ Paké in kobiagan takin i buḷoimu inta kinotabimu kon bonu in kobiaganmu inta diá in baragunanea, inta inogoi i Allah kon inimu kon dunia. Pakébí muḷoi in singgai umpaka diá in baragunanea. Sin tongábí tua in tondan in irorigaanmu.

MOHOHUTUBA 9:9 ပူးပေါင်းရင်းမြစ်များ

KINOBAḺIAN 26:8

Naonda in ki Ishak nogutun kon tua degá tongonumaidon nosinggai, kon singgai tobatú ki Datu Abimelek iḷumongow nongkon jandelanea, bo inontongnea in ki Ishak nongongayokanbí takin i Ribka.

MAZMUR 144:4

Intau tua in naonda bo tompot poginaan, naonda bo oḻinow noitaḻib, natua in kobiagannea.

MAZMUR 39:5

“Tuhan, potaaudon mongo toonu in singgai kopatoianku sinbá kotaauanku kon totuubí mopoḷok in kinobiaganku.”

AMSAL 18:22

Intau inta mokouḻí kon buḷoi bobay, mokouḻí kon kauntungan; buḷoi in barakat nongkon i Tuhan.

AMSAL 19:14

Baḷoi bo kapunyaan motaaubí in mouḻí nongkon guranga, táe buḷoi bobay inta mobijaksana in barakatbí nongkon i Tuhan.

MOHOHUTUBA 2:10

Bayongan inta kinoibogku, dinuduianku totok. Diábí kon dodai in onda akuoi in nomondam kon onu inta koibogku. Nosanang in ginaku kon bayongan inta siniḷopíanku, bo tuata in tondan in pinogaidanku.

MOHOHUTUBA 2:24

Diábí in mopia-pia in kon intau koḻikudbí in mongaan, monginum bo mokaan kon onu in siniḷopíannea. Kinotaauanku doman kon tua in ki Allahbí in nobogoi.

MOHOHUTUBA 3:13

Mopia-piabí kon kita komintan mongaan bo monginum poḷat mokaan kon onu in siniḷopían naton. Tua in ki Allahbí in nobogoi.

MOHOHUTUBA 3:22

Tuamai in kinotaauankudon kon diábí in mopia-pia kon intau koḻikudbí in momaké kon onu inta siniḷopíannea. Koḻikud intua diábí in motaau aidannea. Diábí doman inta kotaauannea mongo onu in mobaḻí naonda in sia matoi.

MOHOHUTUBA 5:18

Aka intau tobatú motarima kon kaoyúonan bo kapunyaan nongkon i Allah, bo sia in inogoian in wakutu mopomaké in kaoyúonan tatua, mustibí in sia moibog mosukur bo mopomaké in bayongan inta siniḷopíannea. Tua in ki Allahbí doman in nobogoi.

MOHOHUTUBA 6:12

Naonda in kototaau in intau kon onu inta totok in mopia kon inia kon bonu in kobiagannea inta motoyong bo diá in baragunanea, bo inta moitaḻib naonda bo oḻinow? Naonda in komomangaḻe in intau kon onu in mobaḻí kon dunia naa naonda in sia diádon?

MOHOHUTUBA 7:15

Kobiaganku in diábí in mangaḻenea, táe kon bonu in akuoi nobiag inontongku in naa: Moiḷanuimai in intau mopia moyopú, umpakabí in sia motoindudui. Moiḷanuimai doman in intau moraat moumur in kobiagannea, umpakabí in sia umuran mogaid kon dosa.

MALEAKHI 2:15

Kinotaauan monimu kon ki Allah Inta Totobatú tua noponobatúdon kon awak bo jiwa takin bobay tatua? Onu degá in makusud i Tuhan kon tua? Tongábí bá moiko in mokouḻí kon adí mita inta mobaḻí umat i Allah inta mopia. Dá ḷukadaibí in awakmu, dika modapot in oyúon in kon sigad monimu inta diá mosatia kon i buḷoinea bobay.