MOHOHUTUBA 9:7 - Alkitab Singog In Mongondow Masa In Tanaa

⁷ Pongaanbí bo pobarasanang, inumdon in anggurmu takin ḷunganga in gina. Diábí mobogat in gina i Allah, sin kinoibog-Neabí intua.

MOHOHUTUBA 9:7 ပူးပေါင်းရင်းမြစ်များ

KINOBAḺIAN 12:19

Nongonu sin pinogumanmubí kon sia tua in ki ai-aimu bo pinomayámu doman mako sia ginamáku mobaḻí ki buḷoiku? Naa in sia, ki buḷoimu; gamádon bo bayádon!”

DATU MITA IMITÁNEA 8:66

Kon singgai noginwaḷu pinotabádon i Salomo nobui in intau mita tatua. Mosia komintan in nodayow kon inia bodongka nobui kon baḷoi monia takin pia in gina, sin bayongan in barakat inta ain inogoi i Tuhan kon mogogundoi-Nea ki Daud bo kon bangusa Israel umat-Nea.

MOHOHUTUBA 10:19

Rame mokopomuká kon kosing, bo anggur mokobaḻí kon kosanang in gina. Táe paraḷubí oyúon in doit poguboḻi kon tua.

MOHOHUTUBA 11:8

Posukurbí in iko aka modugang in umur. Táe torop, umpakabí moonggot in kobiaganmu kon dunia, yo wakutumubí kon dunia in intau minatoi in moonggo-onggot. Dá, onu in motaau oḷaton mako? Komintanbí parasuma bo diá in mangaḻenea.

MOHOHUTUBA 5:18

Aka intau tobatú motarima kon kaoyúonan bo kapunyaan nongkon i Allah, bo sia in inogoian in wakutu mopomaké in kaoyúonan tatua, mustibí in sia moibog mosukur bo mopomaké in bayongan inta siniḷopíannea. Tua in ki Allahbí doman in nobogoi.

MOHOHUTUBA 7:14

Dá, kosanangdon aka iko bo nokouḻí kon inta sinayakmu. Táe aka iko bo kinoantugan in bodito, yo dika koḻiongan kon ki Allahbí in nobogoi doyowa tatua. Diábí kotaauan naton mongo onu in mobaḻí moiduduimai.

MOHOHUTUBA 8:15

Impoḷok mako in tosingogonku in intau naa in mustibí mobiag takin ḷunganga in gina. Sin kon bonu in kobiagannea kon dunia diábí in kasanangan ibanea kon inia koḻikudbí in mongaan, monginum bo mobarasanang. Tongábí tua in kopakéannea kon bayongan in onu inta iramujinea, kon bonu in kobiagan inta inogoi i Allah kon inia.

PINOGIAPAN 6:20

Bo ki imang musti moguman kon kaanon tatua in nobaḻídon oogoi inta ain sinantú kon i Tuhan; tua in silai motusi inta nobaḻí silai i imang, dodob bo paa in domba koḷakian tua in nobaḻí silai i imang podudui in atorang. Bain mopaḷut mako kon tua nazir tatua motaaudon monginum kon tubig in anggur.

MARKUS 7:29

Ki Yesus in noguman kon inia, “Popisí in natua in tubagmu, dá pobuidon, dimukud moraat iḷumuai bidon nongkon i adímu!”

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

YOHANES 4:50

Ki Yesus in noguman kon inia, “bayádon, nopia bidon in ki adímu.” Intau tatua in nopirisaya kon singog i Yesus bo minayá.

OUMAN IN RASUL MITA 10:35

Intau kabí nongkon onda, asaḷ bo moibog in mogaid kon inta kinoibog-Nea, yo tuabí in kinosanang in gina-Nea.

ULANGAN 12:12

Kosanangdon in gina kon tayowon i Tuhan Allahmu, takin adímu mita, bobantungmu mita bo intau mita in Lewi inta nogutun kon kotámu mita, sin intau mita in Lewi diá nokouḻí kon tonsilai kon butámu.

ULANGAN 12:7

Kon tua doman, kon tayowon i Tuhan Allahmu, moiko moyotakin in motoḷuadímu musti mongaan takin ḷunganga in gina sin bayongan inta iramujimu oyúon in mangaḻenea sin binarakatan i Tuhan Allahmu.

RUT 3:7

Naonda in ki Boas nopaḷut nongaan bo nonginum, noguḻídon in ibognea bo nopia domandon in ginanea. Bo minayádon in sia nosiug kon diug in pinosipunan kon gandum. Takin inumado-adop in ki Rut namangoi bo nonikat kon daing i Boas, bodongka inumuḻid kon sioḷannea.