MOHOHUTUBA 8:17 - Alkitab Singog In Mongondow Masa In Tanaa

¹⁷ yo diábí kotaauan naton mongo onu in aidan i Allah. Naondaka in poḷongasi naton, diábí in kita mokototaau. Intau moarip in tumangoi kon kinotaauannea, táe sabanarnea in diábí kotaauannea.

MOHOHUTUBA 8:17 ပူးပေါင်းရင်းမြစ်များ

AYUB 5:9

Aid mita i Allah diá in poḻiuan; diábí komangaḻean naton intua. Inta mokoherang mita inta inaidan-Nea, diádon koiapan bo diábí modait-dait.

MAZMUR 104:24

Totuu mobayong in mia-Mu, Tuhan, komintanbí pinomia-Mu takin mobijaksana; butá in nopuḻing in aid-Mu.

MAZMUR 40:5

Pia in kamang in intau inta mopirisaya kon i Tuhan, inta diá dinumudui nosumba kon dewa mita, andeka nopoigum in totuḷung kon intau mita mongoḷoḷatú.

MAZMUR 73:16

Táe kon tungkuḷ in akuoi noḷongasi momangaḻe, tua in totokbí in mororigaku raion.

MOHOHUTUBA 1:13

Akuoi in moniat monaridi bo mobalajar pinongin bijaksana in bayongan inta nobaḻí kon dunia naa. Ukur inta sinadia i Allah kon inaton totokbí in mokorobonoḷ kon gina.

MOHOHUTUBA 11:5

Ki Allah in nomia kon bayongan yagi-yagi, bo intau in diábí monotaau kon onu in aidan-Nea; natua doman diá in sia momangaḻe kon momuká monik in kobiagan mobagu kon bobuḷadían in iná tobatú.

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

MOHOHUTUBA 7:13

Tondudutka in oaidan i Allah. Ki ine in mokotuḻid kon onu inta binelung i Allah?

YESAYA 40:28

Umpaka dá iko in diá nonotaau bo diá nokodongog? Ki Tuhanbí in Allah inta mononoi, inta nomaḻí kon sinangkub in dunia. Sia in diábí kon dodai in onda in moḷopí andeka moḷungkoyó; raian-Nea in diábí motaau doḷopon.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?