MOHOHUTUBA 8:16 - Alkitab Singog In Mongondow Masa In Tanaa

¹⁶ Kon tungkuḷ in akuoi noḷongasi motayak kon hikmat, bo sinaridianku in bayongan inta nobaḻí kon dunia naa, dá kinotaauankudon kon umpakabí in kita rumorigamai totok singgai doḷom poḷat diádon mogoga-gogai,

MOHOHUTUBA 8:16 ပူးပေါင်းရင်းမြစ်များ

KINOBAḺIAN 31:40

Mokakit in akuoi mopatú totok kon dodai in singgai bo tumonow kon dodai in doḷom. Bo mokakit doman akuoi in diádon mokosiug.

MAZMUR 127:2

Diábí in mangaḻenea in simiḷopí totok in mogaid motayak kon kobiagan, mobangon doḷo-doḷom bo mosiug moonggot kon doḷom; sin ki Tuhan in moposadiabí kon i monia inta kinotabi-Nea, kon tungkuḷ in mosia mosiugpa mako.

MOHOHUTUBA 1:13

Akuoi in moniat monaridi bo mobalajar pinongin bijaksana in bayongan inta nobaḻí kon dunia naa. Ukur inta sinadia i Allah kon inaton totokbí in mokorobonoḷ kon gina.

MOHOHUTUBA 1:14

Akuoi in nokoontongdon kon bayongan aid in intau kon dunia naa. Pirisayabí, bayongan tua diábí in mangaḻenea, naonda bo moḷongasi modomok kon tompot.

MOHOHUTUBA 1:17

Dá niatonkubí totaauon in yoposi in pandoi bo in bodok, kon sigad in kopandoian bo kabodokan. Táe noniata magí akuoi naa in naonda bo nodomok kon tompot.

MOHOHUTUBA 2:23

Onukabí in inaidannea kon dodai in nobiagpa, modia kon roriga bo nakit in ginanea. Kon tungkuḷ in doḷom mohawatir doman in ginanea. Dá tua komintan in diábí doman in mangaḻenea.

MOHOHUTUBA 4:8

Oyúon in intau nobiag sia-sia mita diá kogadí, andeka diá kogutat. Umpaka natua, sia in umuran simiḷopí bo ginanea diá kon dodai in onda moorop in ibog in kapunyaannea. Kon i inebí in inta siniḷopíannea bo doí kon kasanangan? Tua in diá doman in mangaḻenea, bo kobobiag inta mororiga.

MOHOHUTUBA 5:12

Kon dunia naa inontongku oyúon in mokoajar kon gina: Oyúon in intau tobatú nosipun kon kapunyaannea sin pogoḷat kon malarat.

MOHOHUTUBA 7:25

Táe akuoi in tantúbí mobalajar bo motayak kon totaau, sinbá mokouḻí kon pandoi bo tubag in bayongan inta ḻibóon. Tungkuḷanku tomangaḻean kon dosa tua in kabodokanbí, bo aid moraat in ibogbí ná noiḷoḷongon.

MOHOHUTUBA 8:7

Diábí tobatúmai in intau in nonotaau mongo onu in mobaḻí kon inia kon singgai moiduduimai, bo diábí doman in mokopotaau mongo onu in mobaḻí.

MOHOHUTUBA 8:9

Bayongan naa in inontongku kon tungkuḷ in sinaridiku in bayongan inta nobaḻí kon dunia naa. Oyúon intau mopomaké in kawasa nea sin mopobodito kon tumpaḷa intau.