MOHOHUTUBA 8:12 - Alkitab Singog In Mongondow Masa In Tanaa

¹² Umpaka mogatut in aid moraat in inaidan in intau baradosa, umuranbí in sia mobiag bo modapotbí in moonggot in kobiagannea. Kain intau, ki ine in motoindudui kon i Allah, notantúbí kon kobobiagnea in komintan mogampang.

MOHOHUTUBA 8:12 ပူးပေါင်းရင်းမြစ်များ

DATU MITA IMITÁNEA 21:25

Diábí kon dodai in onda in intau inta takin ḻimbatú in gina mogaid kon inta moraat kon tayowon i Tuhan ná inta pinomia i Ahab. Bayongan in aid moraat tatua in inaidannea sin umuran tundúdanmai i Izebel ki buḷoinea.

TAWARIKH 1 16:30

Kourotdon kon tayowon-Nea, ei bayongan in intau kon dunia! Butá in noroton diá kodandúan.

AYUB 35:15

Kainimukamai dá ki Allah in diábí mohukum bo diábí moindoi mako kon inta noitaḷá.

MAZMUR 112:1

Dayowdon in ki Tuhan! Pia in kamang in intau inta motoguondok, inta moibog in parenta mita i Tuhan.

MAZMUR 115:13

Sia in momarakatbí kon intau mita inta motoguondok, pinomayá mointok andeka moḷoben.

MAZMUR 128:2

Iko in mongaanbí nongkon onu inta siniḷopíanmu, mobiag motomoman bo motompia.

MAZMUR 37:11

Intau inta moompá in dodia in motarimabí kon butá tatua, bo mokouḻíbí kon kobiagan motompia totok.

MAZMUR 96:9

Sumbadon in ki Tuhan takin mogiḷambung in ḷambung ibada! Kourotdon kon tayowon-Nea, ei bayongan in dunia!

IḶUAIAN 1:20

Dá ki Allah nomarakat kon mototuḷung kon ponononggadían mita tua bo nobogoi in buí kon i monia, sin mosia in mohoromat kon i Allah. Bo intau Israel nodugangdon totok in kobarong monia bo moropot doman.

AMSAL 13:21

Intau binaradosa umuranbí batu-batukon mako in roriga intau mopia umuranbí motarima kon inta mokosanang.

AMSAL 28:14

Horomatbí tantú in ki Tuhan, dá mosanang in iko. Aka iko moḷawang kon i-Nia, moboditobí in iko.

MOHOHUTUBA 12:13

Naonda intua komintan irai-raikumai, naa in imbuit in tosingogon inta nouḻíku. Kotoguondok kon i Allah bo duduiai in bayongan parenta-Nea, sin tuabí in mangaḻe pinomaḻían-Nea kon intau.

MOHOHUTUBA 3:14

Kinotaauanku kon bayongan inta inaidan i Allah in tantúbí mononoi. Intau in diábí motaau modugang andeka monggaat kon tua. Tua in inaidan i Allah sinbá kita in motoguondok kon i-Nia.

MOHOHUTUBA 5:16

Kon dodai in mobiagpa, kita in mongokap kon sindip, mosusa in kita, moḻia-ḻiaw, moyaat bo monampot in gina.

MOHOHUTUBA 5:7

Dika moherang aka mokoontong kon pongawasa mondorot kon intau bogá, mogagow kon hak monia bo diá mopoaid kon inta moadil kon i monia. Batúan in pogawai ḷukadanbí in itoinea bo taya dua in iḷukadanbí in pojabat inta kon ḻimonikanmai monia.

MOHOHUTUBA 7:15

Kobiaganku in diábí in mangaḻenea, táe kon bonu in akuoi nobiag inontongku in naa: Moiḷanuimai in intau mopia moyopú, umpakabí in sia motoindudui. Moiḷanuimai doman in intau moraat moumur in kobiagannea, umpakabí in sia umuran mogaid kon dosa.

MOHOHUTUBA 7:18

Pokoyayú kon doyowa inta koina. Aka kita motoguondok kon i Allah, yo notantú bidon kon kodapotan naton in onu inta sinayak.

YEREMIA 44:10

Táe dapot in singgai naa moiko in doíbí tumonsiup. Moiko in diábí mohoromat kon i-Nakó bo diá nobiag podudui in hukum inta inogoi-Ku kon inimu bo mogoguyangmu.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

LUKAS 1:50

Sia umuran mobogoi in totabi-Nea kon bayongan intau inta moondok kon i-Nia.

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

SURAT I PAULUS KON JAMAAT RUM 9:22

Ná doman tuata in pinomia i Allah. Sia moibog mopoyaput in torú-Nea bo mopoontong in kawasa-Nea. Táe Sia in mosabar in mokoontong kon i monia inta musti hukumon sin ain nogaid kon onu inta mokosakí kon gina-Nea.

ULANGAN 12:25

Aka moiko dumudui kon parenta tatua, yo mopiabí in gina i Tuhan, bo moiko takin buímu in mobiagbí motompia.

ULANGAN 12:28

Torop kopira in bayongan inta ain pinogumanku kon inimu, dá moiko in nogaidon kon inta mopia bo kinoibog i Tuhan Allahmu, dá moiko bo buímu mosaḷamat bo umuran mobiag motompia.”

ULANGAN 4:40

Duduiaidon in bayongan hukum inta inogoiku kon inimu singgai naa, dá moiko bo buímu in mobiag motompia bo umuran oyúon kon butá inta inogoi i Tuhan Allahmu nobaḻí kapunyaanmu mononoi.”

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,