MOHOHUTUBA 7:26 - Alkitab Singog In Mongondow Masa In Tanaa

²⁶ Nouḻíku kon naanta yo bobaybí in mopai-pait in popatoi. Ibog in bobay tua in naonda bo pukot bo poyogaḷap inta ain sinaan mako. Koyotnea in naonda bo kayu pinoumantungan. Intau inta dinumudui kon ibog i Allah in moiyayúbí kon poyogaḷapnea, táe intau baradosa in notantú bidon kon kodomokannea.

MOHOHUTUBA 7:26 ပူးပေါင်းရင်းမြစ်များ

KINOBAḺIAN 19:35

Natuata in pinomia monia kon i Lot, pinoinum monia dapot in noḷoḷangu, bo ki adínea induanea in nosiug takinnea. Ki Lot noḷoḷangu totok dapot in diá kinotaauannea onu in nobaḻí.

KINOBAḺIAN 39:9

Kon naa kawasaku notongkai in kawasanea. Diábí in tobatúmai diá pinopopirisayanea kon inakó koḻikudbí in ki Nyora. Yo naondabí in akuoi momia kon inta moraat natua bo mogaid kon dosa kon i Allah?”

IḶUAIAN 10:7

Nopaḷut mako kon tua nogumandon in pogawai mita tatua kon i datu, “Dapotbí in toonu intau tatua musti mopororiga kon inaton? Pomayádon mako in intau mita Israel tatua mayá sin moibada kon i Tuhan, Allah monia. Indoiaika in butá naton tanaa aindon nogoguyaat!”

AMSAL 2:16

Iko, adíku, in mokotaḻingbí kon dondouḷug in bobay sundaḷ inta moḷongasi modondouḷug kon inimu pongin tosingogon mita inta mopia.

AMSAL 22:14

Dondouḷug in bobay sundaḷ nobaḻí poyogaḷap; intau inta sinorúan i Tuhan moibonu kon poyogaḷapnea.

AMSAL 6:23

Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

AMSAL 6:24

Pongin natua dá iko in popoyayú kon bobay mita sundaḷ bo nongkon dondouḷug mita mobisa nongkon buḷoi bobay in intau ibanea.

AMSAL 9:18

Mosia inta nobaḻí kokaanonnea diá nonotaau kon intau inta mamangoi kon inia moyodungkuḷ in popatoinea kon tua; bo mosia inta ain sinumuot kon baḷoinea, tanaa mako in kon bonudon in dunia in intau minatoi.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

MOHOHUTUBA 7:27

Indoiai, guman i Intau Kohikmat: Tua komintan in nouḻíku, kon dodai in akuoi tantú motayak kon tontubag.