MOHOHUTUBA 7:25 - Alkitab Singog In Mongondow Masa In Tanaa

²⁵ Táe akuoi in tantúbí mobalajar bo motayak kon totaau, sinbá mokouḻí kon pandoi bo tubag in bayongan inta ḻibóon. Tungkuḷanku tomangaḻean kon dosa tua in kabodokanbí, bo aid moraat in ibogbí ná noiḷoḷongon.

MOHOHUTUBA 7:25 ပူးပေါင်းရင်းမြစ်များ

KINOBAḺIAN 34:7

Tongkaná intua ki adí mita i Yakub nobuidon nongkon tampat pinopokaanan monia in bobiagon. Nokodongogmai kon onu in nobaḻí tatua, mosia in noitaḻikokog bo totok in sinumorú. Sin aid i Sikhem natua kon i adí i Yakub notongkai in mosia nokopooyámaidon kon bayongan intau Israel.

SAMUEL 2 13:12

“Ah, dika, guya-guyang!” tubag in mongodeaga tatua. “Dika pakisaanmu in akuoi momia kon inta mokooyá totok tatua! Aid natua in diábí kon dodai in onda in inaidan kon Israel.

AMSAL 17:12

Mopia-piabí kon moyodungkuḷ in ki iná in beruang inta kinobuḻian i adínea, dika in moyodungkuḷ in intau bodok inta kinawasa in kobobodoknea.

AMSAL 26:11

Ná ungkú inta bui mokaan kon totukanea, natua doman in intau bodok inta mobuimai kon kobobodoknea.

MOHOHUTUBA 10:13

Pangkoiannea in ouman uboḷ, táe imbuitnea oumannea naonda bo intau nobundai.

MOHOHUTUBA 2:12

Naondaka yo datu tobatú in tongábí mokoaid kon onu inta inaidan in datu mita inta noiuna kon inia. Bo nomangkoidon in akuoi norai; Onu in mangaḻenea in mobaḻí moarip andeka dondunguḷ andeka bodok?

MOHOHUTUBA 2:15

Dá iraiku, “Ukur inta noiuma kon intau bodok in korasaankubí doman. Dá onu in mangaḻe in bayongan pandoiku?” Dá sinimpodkudon in tosingogon kon hikmat tua in totuubí kon diá in baragunanea.

MOHOHUTUBA 2:20

Tanaaya nomanasaḷdon in akuoi nogaid inimibo-ibog.

MOHOHUTUBA 7:27

Indoiai, guman i Intau Kohikmat: Tua komintan in nouḻíku, kon dodai in akuoi tantú motayak kon tontubag.

YOSUA 7:13

Pobangondon in tanaa, Yosua! Potusidon in umat in Israel bo potabádon in mosia mosadia tumayow kon i-Nakó. Parentaaidon in mosia mosadia in ikoḷom, sin Akuoi ki Tuhan Allah in Israel in mopotaau in naa kon i monia: ‘Ei intau mita in Israel! Barang mita inta ain pinoki payong-Ku kon i monimu, oyúonpa in kon i monimu. Aka diápa ḷumbúon monimu in barang mita tatua, yo diábí in moiko mokotongkod kon musung!’