MOHOHUTUBA 7:17 - Alkitab Singog In Mongondow Masa In Tanaa

¹⁷ Dika doman moiḻiu in raat andeka moiḻiu in bodok. Onubí in mangaḻe in matoi aka deemanpa wakutunea?

MOHOHUTUBA 7:17 ပူးပေါင်းရင်းမြစ်များ

SAMUEL 2 6:20

Kon tungkuḷ in mobuidon in ki Daud kon komaḻig sin mopoyaput in salam kon motoḷuadínea, iḻumuai in ki Mikhal nokipodungkuḷ kon i Daud bo noguman, “Singgai in naa datu in Israel totu-totuudon nopohoromat kon awaknea tontaní! Nomilangdon in sia naonda bo intau dondunguḷ inta diádon kooyá kon tayowon in ata mita bobay buḷoi in pogawai mita in komaḻig!”

AYUB 22:16

Mosia in irabut kon dodai in deemanpa wakutunea matoi, bo iniḻig in ḷunud inta namuntag.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

AMSAL 10:27

Horomatbí in ki Tuhan, dá moonggot in kobiaganmu; intau moraat matoi deemanpa wakutunea.

YEHEZKIEL 16:20

Onda intua pinosumbamu in ki adí mita naton, ḷoḷaki bo bobay, nobaḻí kuruban kon berhala mita. Diápa doman degá tugat in diá kotoinduduimu kon i-Nakó?

YEHEZKIEL 8:17

Ki Tuhan in noguman kon inakó, “Ei intau inta ilo-ilow, inontongmu degá intua? Intau mita in Yohuda tanaa in diá moorop aka tongá mogaid kon inta mokorongó tatua bo mogaid kon inta diádon monotaau kon intau kon sinangkub in butá. Nodapotbí in inaidan monia intua komintan kon naa, kon bonu in Baḷoi-Ku bo nokodugang kon torú-Ku bui. Indoiaika naonda in mosia moningkuḻe kon i-Nakó pinongin aid inta totok in mokotor tanaa!

OUMAN IN RASUL MITA 12:23

Bo kon dodaipa doman intua sinokap in malaekat i Allah in sia sin totokdon mopoompámai kon i Allah. Pangabisannea minatoi in sia bo kinaan in oḷuasi mita.

OUMAN IN RASUL MITA 16:28

Táe ki Paulus in nomaḷú noguman, “Dika simimpatoi! Sin kon naapabí komintan in kami!”

OUMAN IN RASUL MITA 5:10

Bo noumpag domandon kon dodai intuata in bobay tatua kon tayowonmai i Petrus. Dá naonda in tayowmobiag mita tatua sinumuot, kinobayáanmai monia minatoi domandon in bobay tatua.

OUMAN IN RASUL MITA 5:5

Naonda in nokodongog kon singog i Petrus natua in ki Ananias baḷú noumpag bo minatoi. Dá totok nongoondok in intau mita inta nokodongog kon onu inta nobaḻí tatua.

YAKOBUS 1:21

Tuamai ḷumbúdon in tabiat inta nonajis bo moraat. Táe koaḷusdon in gina motarima kon pirman inta pinomuḷa i Allah kon bonu in ginamu, sin moḷoben kawasa in pirman tatua kon moposaḷamat kon inimu.

SAMUEL 1 25:38

Bo degá mopuḷúmai nosinggai nongkon tua ki Nabal bui pinopoangoian i Tuhan in nakit in putú dá minatoidon in sia.