MOHOHUTUBA 7:16 - Alkitab Singog In Mongondow Masa In Tanaa

¹⁶ Dika moiḻiu in pia bo dika doman moiḻiu in pandoi. Onubí in mangaḻenea in simimpatoi?

MOHOHUTUBA 7:16 ပူးပေါင်းရင်းမြစ်များ

KINOBAḺIAN 3:6

Inontong in bobay tatua kon mopia in pangkoi kayu tatua, bo bungainea koontongan in mopira doman kaanon. Sia in norai kon mopiabí totok aka sia in mobaḻí mopandoi. Manangka intua sia in nosipú kon bungai in pangkoi in kayu tatua, bodongka kinaannea, bo inogoiannea doman in ki buḷoinea, bo kinaan doman i buḷoinea ḷoḷaki.

AYUB 11:12

Aka ki iná in keledai ḷoḷog mopononggadí in keledai inta moyonok, bain tuata bo intau bodok mobaḻí mobijak.

AYUB 28:28

Ki Allah in noguman kon intau, “Sinbá mokouḻí kon hikmat, ki Allah in musti horomaton monimu. Sinbá momangaḻe, inta moraat musti poyayúon monimu.”

AMSAL 23:4

Dika rumoriga totok sinbá mobaḻí mooyúon. Taḷaaidon in niatmu tatua.

AMSAL 25:16

Dika mokaan kon biluk mobarong; sin angoiandon in rongó in iko.

MOHOHUTUBA 12:12

Adíku, kon soaḷ tanaa iko in mustibí mokopoingat. Pomaisan kon buk diábí in imbuitnea, bo moiḻiu in antó mobalajar mokoḷopí kon gina bo awak.

MATIUS 23:29

“Koboditodon moiko ei mototundú mita kon agama bo intau mita in Parisi! Ei intau inta mongo munapik! Moiko in nogaid kon poḷoḷobonganan in nabi mita bo nonompia kon tugu in intau mita inta mopirisaya.

MATIUS 23:38

Tuamai in diádon takinan i Allah in moiko.

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

MATIUS 9:14

Onda intua namangoidon murí mita i Yohanes kon i Yesus bo noḻibó, “Nongonu sin kami bo intau mita in Parisi in mopuasabí, táe murí-Mu mita in diábí?”

LUKAS 18:12

Akuoi in mopuasa kodua in todiminggu, bo kon pomuḷoi in diminggu akuoi in umuran mobogoi in mopuḷú noporsen nongkon onu inta nouḻíku.’

SURAT I PAULUS KON JAMAAT RUM 10:2

Mobaranibí in akuoi in moguman kon mosia tua in totu-totuudon totok in mogaid kon oaidan i Allah. Táe ibog monia tua in diá podoyon kon onu inta sinundú i Allah.

SURAT I PAULUS KON JAMAAT RUM 11:25

Utat mita! Haraponku mako moiko in diá monganggap kon ain nonotaau kon bayongan in yagi-yagi. Sin oyúon in soaḷ inta kinoibog i Allah, táe diápa kinotaauan in intau. Bo ibogonku in kotaauan monimu intua; nanaa: tongobotak intau in Yahudi mokopotogat kon gina, táe cara monia tua in tongábí modapot in motompodon in kobayong in intau inta deeman Yahudi in mamangoi kon i Allah.

SURAT I PAULUS KON JAMAAT RUM 12:3

Ki Allah in nobogoidon in totabi-Nea kon i-Nakó. Manangka intua utat mita akuoi in mononggina kon i monimu nanaa: Donaaibí in moiko morasa kon lebedon moḷantud nongkon kaadaanmu sabanarnea. Táe naa in aidai: mokopoompá kon raian bo nilaidon in kaadaan monimu tontaní. Nilai in kaadaan monimu tontaní podudui in komampuan inta inogoi i Allah kon inia, sin sia in mopirisaya kon i Yesus.

KORINTUS 1 3:18

Donaai tobatúmai in monguboḷ kon awaknea tontaní. Aka oyúon in kon sigad monimu in monganggap mobijaksana in sia podudui in raian intau, yo intau tatua in mustibí tumekeng bodok, sinbá totu-totuu mobaḻí mobijaksana in sia.

KORINTUS 1 3:20

Bo oyúon doman in pinais nanaa, “Kinotaauanbí i Tuhan kon raian in intau mita inta mongobijaksana diábí baraguna.”

PILIPI 3:6

Popisí in moḷoben totok in ibogku dumudui kon hukum in agama tatua, dá ḷongasionku pogutúon in jamaat. Aka nilaion podoyon kon hukum in agama Yahudi yo akuoi naa intaubí mopia bo motoindudui.

KOLOSE 2:18

Donaaibí pomayá mako monimu in porugionmai in intau mita inta ki ubo-uboḷmai inumompá kon dodia bo inta mosumba kon malaekat mita. Intau tatua in moḷoḷatú takin raiannea mita inta modunia bo dumodia kon inta oontongon mita monia,

KOLOSE 2:23

Memang koontongan soaḷ tatua naonda bo mobijaksana, takin tongganutnea sinbá intau mosumba kon malaekat, mokopoompá kon dodia bo moposikisa in awak; táe bayongan intua diábí in baragunanea monompiamai kon ibog in intau.

TIMOTIUS 1 4:3

Mosia in motundú kon intau bá diá mobuḷoi bo diá doman mokaan kon kaanon inta ain sinantú monia. Bokaka kaanon tatua in pinomia i Allah sin kaanon takin mosukur kon i-Nia in intau mita inta ain nopirisaya kon i Kristus bo inta ain nonotaau kon totundú inta mobanar nongkon i Allah.

WAHYU 18:19

Dá mosia in nopoinggú in ḷobud saḷaku tanda nobaḷu. Bo mosia in nongombaḷ poḷat nogamui, “Adodoia kaasí in kobobogat in bodito in kotá moḷoben tanaa! Kaoyúonannea ain nokopobaḻí kon bayongan intau inta kokapaḷ in dagat nobiag doman nooyúon! Táe tongá kon bonu i wakutu tojam sia in kinobuḻiandon in bayongan yagi-yagi!”