MOHOHUTUBA 6:11 - Alkitab Singog In Mongondow Masa In Tanaa

¹¹ Koonggot-koonggot in pomayowannea, modugangdon diá in mangaḻe in tosingogonnea, nodapotbí in sia diá mokouḻí kon kauntungan onu bo onu.

MOHOHUTUBA 6:11 ပူးပေါင်းရင်းမြစ်များ

MAZMUR 73:6

Tuamai in mosia dumodia, bo umuran mogaid kon inta moromú.

MOHOHUTUBA 2:15

Dá iraiku, “Ukur inta noiuma kon intau bodok in korasaankubí doman. Dá onu in mangaḻe in bayongan pandoiku?” Dá sinimpodkudon in tosingogon kon hikmat tua in totuubí kon diá in baragunanea.

MOHOHUTUBA 3:19

Naondaka, ukur in intau bo in mahaḷuk in notongkaibí. Inta tobatú in matoibí, natua doman in ibanea. Doyowa tua in tumpaḷabí mahaḷuk. Dá, intau in diábí mountu-untung nongkon mahaḷuk, sin kon inayadua tua kobiagan naa in diábí in mangaḻenea.

MOHOHUTUBA 4:16

Rayat inta sinongganutannea diádon koiapan in kobayongnea, táe naonda in sia minayá, diábí in nopoyaput in sukur kon inia sin monorop kon onu inta pinomianea. Totuu, bayongan tua in diábí in mangaḻenea naonda bo modomok kon tompot.

MOHOHUTUBA 4:8

Oyúon in intau nobiag sia-sia mita diá kogadí, andeka diá kogutat. Umpaka natua, sia in umuran simiḷopí bo ginanea diá kon dodai in onda moorop in ibog in kapunyaannea. Kon i inebí in inta siniḷopíannea bo doí kon kasanangan? Tua in diá doman in mangaḻenea, bo kobobiag inta mororiga.

MOHOHUTUBA 5:7

Dika moherang aka mokoontong kon pongawasa mondorot kon intau bogá, mogagow kon hak monia bo diá mopoaid kon inta moadil kon i monia. Batúan in pogawai ḷukadanbí in itoinea bo taya dua in iḷukadanbí in pojabat inta kon ḻimonikanmai monia.

MOHOHUTUBA 6:10

Bayongan inta oyúon, koyongan bidon noonggot in oyúon. Kinotaauanbí naton kon intau in diábí mokobayow kon intau inta moropo-ropot nongkon inia.

MOHOHUTUBA 6:12

Naonda in kototaau in intau kon onu inta totok in mopia kon inia kon bonu in kobiagannea inta motoyong bo diá in baragunanea, bo inta moitaḻib naonda bo oḻinow? Naonda in komomangaḻe in intau kon onu in mobaḻí kon dunia naa naonda in sia diádon?

HOSEA 12:1

Ki Tuhan in noguman, “Bangusa in Israel iḻimibu kon i-Nakó pinongin uboḷ bo tompobaḻik; bangusa in Yohuda umuran moḷawang kon i-Nakó, ki Allah Inta Mokudus bo inta mosatia.