MOHOHUTUBA 3:19 - Alkitab Singog In Mongondow Masa In Tanaa

¹⁹ Naondaka, ukur in intau bo in mahaḷuk in notongkaibí. Inta tobatú in matoibí, natua doman in ibanea. Doyowa tua in tumpaḷabí mahaḷuk. Dá, intau in diábí mountu-untung nongkon mahaḷuk, sin kon inayadua tua kobiagan naa in diábí in mangaḻenea.

MOHOHUTUBA 3:19 ပူးပေါင်းရင်းမြစ်များ

SAMUEL 2 14:14

Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

MAZMUR 104:29

Aka iko monoḻikud, moondok in mosia; aka gamáan-Mu in poginaannea, matoi in mosia, bo mobaḻí bui ḷobud naonda bo dungkuḷ.

MAZMUR 49:12

Mosia in mogutunbí kon poḷoḷobongan modapot in mononoi; tuabí in pogutunan monia motantú, umpakabí dungkuḷmai mosia mobayong in butá.

MAZMUR 49:13

Intau in diábí umuran mobiag kon bonu in kaoyúonan; naonda bo mahaḷuk, sia in moyopúbí doman.

MAZMUR 49:20

yo sia in moiduduibí doman kon mogoguyangnea mayá in tampat inta mosindip modapot in mononoi.

MOHOHUTUBA 1:14

Akuoi in nokoontongdon kon bayongan aid in intau kon dunia naa. Pirisayabí, bayongan tua diábí in mangaḻenea, naonda bo moḷongasi modomok kon tompot.

MOHOHUTUBA 1:17

Dá niatonkubí totaauon in yoposi in pandoi bo in bodok, kon sigad in kopandoian bo kabodokan. Táe noniata magí akuoi naa in naonda bo nodomok kon tompot.

MOHOHUTUBA 2:14

Intau moarip mokoontong kon daḷan inta bayáannea; intau bodok naonda bo mayá sindaḷan mongokap.” Táe kinotaauanku doman kon ukur inta motongkai moiumabí kon i monia komintan.

MOHOHUTUBA 2:16

Intau inta bodok ḷagidon koḻiongan, táe intau inta mopandoi in diá domandon toro-toropon. Koonggot-koonggot kita komintan in modaitdon koḻiongan. Kita komintan in mustibí matoi, pinomayá intau inta moarip andeka intau inta dondunguḷ.

MOHOHUTUBA 7:2

Maníka bo mayá in pinatoian bo dika in mayá in rame. Sin kita in mustibí tantú monanob kon popatoi in mogoḷatbí mako kon batúan in intau.

MOHOHUTUBA 9:12

Intau naa in diábí nonotaau mongo toonu in wakutunea mamangoi. Naonda bo ḷagapan noibaaḷ bo toyá noikarit, natua doman in intau kinotugatan in bodito kon tungkuḷ inta diá kon gina-gina mako.

MOHOHUTUBA 9:2

Totuu, ukur inta motongkai in moiumabí kon batúan in intau: Intau motuḻid andeka intau mobelung in raian, intau mopia andeka intau moraat, intau modarit andeka intau nonajis, intau inta noposumba in kuruban andeka inta diá. Intau mopia in diábí mopia-pia in kobiagannea nongkon intau inta binaradosa, intau inta nongibot notongkaibí doman in intau inta doí mongibot.

PINOGIAPAN 16:29

Aka intau mita tatua matoi ná biasamai, takin diá in hukuman nongkon i Allah, yo tua in nobaḻí tomponuot kon ki Tuhan in diábí nopotabá kon inakó.