MOHOHUTUBA 3:17 - Alkitab Singog In Mongondow Masa In Tanaa

¹⁷ Iraiku, ki Allah in monisigbí kon intau inta mopia bo inta moraat, sin pomuḷoi in soaḷ bo pomuḷoi in aid inta mobaḻí kon wakutu inta ain sinantú i Allah.

MOHOHUTUBA 3:17 ပူးပေါင်းရင်းမြစ်များ

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

MAZMUR 96:13

Sin ki Tuhan in mamangoi momarenta kon butá, Sia in mohakimbí kon bangusa mita takin moadil bo mojujur.

MAZMUR 98:9

Sin Sia in mamangoi sin mohakim kon dunia; bangusa mita in hakimon-Neabí podoyon kon inta moadil bo mobanar.

MOHOHUTUBA 1:16

Iraiku, “Akuoi naa in nobaḻídon intau moḷoben bo moarip, noiḻiu kon arip kon bayongan intau inta nomarenta kon Yerusalem noiuna kon inakó. Akuoi in nosipun kon nobayong in totaau bo ilimu.”

MOHOHUTUBA 11:9

Paké kopia in wakutumu kon dodai in iko mobagupa! Pokosanangbí kon dodai in iko bagupa ede in tayowmobiag. Duduiaibí in bayongan ibog in dimukudmu, aidai in bayongan niat in ginamu. Táe pokotorop, ki Allah inta kon soroga, in monantúbí kon bayongan in oaidmu.

MOHOHUTUBA 12:14

Ki Allah in mongadilbí kon bayongan in oaid naton; inta mopia bo inta moraat, nodapot in inta noibuni doman.

MOHOHUTUBA 2:1

Sinimpodkudon kon tongádon moposanang in gina sinbá monotaaudon kon onu in kopiaan. Táe noniata magí diábí doman in mangaḻe intua.

MOHOHUTUBA 3:1

Bayongan in yagi-yagi kon dunia naa nobaḻí kon wakutu inta ain sinantú i Allah.

MOHOHUTUBA 8:6

Kon bayongan in yagi-yagi oyúon in wakutu bo aidnea tontaní, táe tongábí topiḻik totok in kinomangaḻean naton!

DANIEL 11:40

Aka imbuitdon in kawasa i datu in butá in utuan motoyongdon mopaḷut, ki datu in butá in toḷatan in monubudon kon inia. Bo ki datu in butá in utuan in motuḻí kon pinonubuan tatua totok in tumagab. Sia in mopotabábí in mobayong totok in kereta in parang, kabaḷo bo kapaḷ. Sia in monububí naonda bo ḷunud, bo mongawasa kon mobayong in butá.

DANIEL 12:4

Bo guman in malaekat tatua bui kon inakó, “Daniel, taḷobaidon in buk tatua in tanaa, bo kompitaidon in meterai sinbá umuran moitaḷob mako modapot kon singgai tumi. Mobayong in intau in monungkuḷ monaridi kon onu inta koyogot mobaḻí. Táe diábí in mangaḻe in inta iḷongasi monia.”

DANIEL 12:9

Sia in notubag, “Bayádon in tanaa mako, Daniel, sin tosingogon mita tanaa in mustibí bunion bo diá motaau poguman modapot kon singgai tumi.

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

YOHANES 5:22

Bo ki Amá in diá bidon mohakim kon i ineka, sin pinosarakan-Nea bidon intua kon i Adí-Nea.

OUMAN IN RASUL MITA 1:7

Ki Yesus in notubag, “Diábí paraḷu kotaauanmu in sempo andeka wakutunea, sin tua in ki Amá-Kubí in monantú podudui in kawasa-Nea.

OUMAN IN RASUL MITA 17:31

Sin ain bidon sinantú-Nea in wakutu pongadilan kon bayongan intau kon dunia naa. Oaidan tatua aidan in tobatú intau inta ain piniḻí i Allah tontaní. Bo bá totu-totuu mopirisaya in bayongan intau kon soaḷ tatua, dá biniag bui i Allah in Sia nongkon kinopatoian-Nea!”

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.

TESALONIKA 1 5:1

Utatku mita, soaḷ wakutu koangoian bui i Tuhan in diá bidon paraḷu paison nami kon i monimu.

WAHYU 11:18

Intau mita inta diá nonotaau kon i Tuhan, sinumorúdon sin aindon wakutunea Iko mopoḷuai in torú-Mu, bo aindon doman wakutunea Iko monantú kon intau mita minatoi. Naadon doman i wakutunea mobogoi kon boḻi in pinogaidan in intau mita inta nogaid kon oaidan i Allah, bo in nabi mita, bo kon bayongan in umat, tuata in mosia inta noibada kon ini-Mu, adí ande itoi. Naadon i wakutunea morimumud kon intau mita inta nomoguyaat kon dunia naa!”

WAHYU 20:2

Bo dinomoknea in naga tatua inta uḷag guranga, inta Ibilis ande dimukud moraat tatua bo sinokignea in rante tatua toribu notaong in koonggotnea.