MOHOHUTUBA 3:14 - Alkitab Singog In Mongondow Masa In Tanaa

¹⁴ Kinotaauanku kon bayongan inta inaidan i Allah in tantúbí mononoi. Intau in diábí motaau modugang andeka monggaat kon tua. Tua in inaidan i Allah sinbá kita in motoguondok kon i-Nia.

MOHOHUTUBA 3:14 ပူးပေါင်းရင်းမြစ်များ

SAMUEL 2 22:31

Oaidan i Allahku in notompod totok, dandi i Tuhan motaau pirisayaan! Sia in naonda bo kaḻeaw kon bayongan inta namangoi kon i-Nia.

MAZMUR 33:11

Táe tomayá i Tuhan in umuranbí mobaḻí, toimbaḷoi-Nea in moroton kinoouput in kobiagan.

MAZMUR 64:9

Mosia in noyopú popisí in tosingogon monia tontaní; bayongan inta nokoontong kon inia nomombiḻing.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

AMSAL 19:21

Intau mobayong in tomayá, táe tongábí onu in sinantú i Tuhan in mobaḻí.

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

AMSAL 30:6

Aka iko bo modugang kon onu inta pinoguman-Nea, dá toboḷowon-Nea in iko bo moponiata kon mouboḷ in iko.

MOHOHUTUBA 12:13

Naonda intua komintan irai-raikumai, naa in imbuit in tosingogon inta nouḻíku. Kotoguondok kon i Allah bo duduiai in bayongan parenta-Nea, sin tuabí in mangaḻe pinomaḻían-Nea kon intau.

MOHOHUTUBA 5:6

Ná doman togoindop inta mobayong diá in mangaḻenea, yo natua doman in mobayong in singog diá in mangaḻenea. Táe kotoguondokbí kon i Tuhan.

MOHOHUTUBA 5:7

Dika moherang aka mokoontong kon pongawasa mondorot kon intau bogá, mogagow kon hak monia bo diá mopoaid kon inta moadil kon i monia. Batúan in pogawai ḷukadanbí in itoinea bo taya dua in iḷukadanbí in pojabat inta kon ḻimonikanmai monia.

MOHOHUTUBA 7:18

Pokoyayú kon doyowa inta koina. Aka kita motoguondok kon i Allah, yo notantú bidon kon kodapotan naton in onu inta sinayak.

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

DANIEL 8:8

Bembé koḷakian tatua kodugang-kodugang in koḷobennea. Táe naonda in sia noidapotdon in totokan in kawasanea, noputoḷdon in tungoinea inta noḷoben tatua, bo kon tampat tatua nomuká in tungoi opat inta noiḷontú, kon batúannea posibayá in kinotundúannea.

OUMAN IN RASUL MITA 2:23

Bo pinodudui in tomayá i Allah kon i-Nia, Sia pinosarakan kon imonimu. Sia in pinopopakú monimu kon kayu pinoyotaḻempang bo pinomayá mako in iḻimod in intau mita inta mongoromú.

OUMAN IN RASUL MITA 4:28

Mosia in notobatú in nogaid kon yagi-yagi, inta munadon sinantú-Mu kon mobaḻí. Bo sinantú-Mu intua pinodudui in kawasa bo ibog-Mu tontaní.

OUMAN IN RASUL MITA 5:39

Tongá aka tua bo nongkon i Allah yo diábí mokopongonu in moiko, modapotbí in moniata kon moḷawangbí kon i Allah in moiko.” Tonggina tatua inindongogan monia.

SURAT I PAULUS KON JAMAAT RUM 11:36

Ki Allah in nomia kon bayongan yagi-yagi. Komintanbí nongkon i Allah bo pinomakusudbí doman kon i-Nia. Dinayo-dayowdon in ki Allah nodapot in kopaḷutan dunia naa! Amin.

EPESUS 3:11

Tua in inaidan i Allah podudui in tomayá-Nea inta mononoi, inta inaidan-Nea pinongin i Kristus Yesus, Tuhan naton.

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

TITUS 1:2

Totundú tatua in pinodoyonbí kon harapan kon kita in motarimabí kon kobiagan inta mopia bo mononoi. Kobiagan tatua in pinodandi bidon i Allah kon tungkuḷ in dunia naa diápa pinomia. Ki Allah in diábí monguboḷ.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”