MOHOHUTUBA 2:15 - Alkitab Singog In Mongondow Masa In Tanaa

¹⁵ Dá iraiku, “Ukur inta noiuma kon intau bodok in korasaankubí doman. Dá onu in mangaḻe in bayongan pandoiku?” Dá sinimpodkudon in tosingogon kon hikmat tua in totuubí kon diá in baragunanea.

MOHOHUTUBA 2:15 ပူးပေါင်းရင်းမြစ်များ

DATU MITA IMITÁNEA 3:12

dá onu inta pinoigummu tatua in ogoi-Kubí. Baḻíon-Ku in iko mobija-bijaksana bo mopando-pandoi nongkon i inekabí doman, pinomayá kon dungkuḷmai andeka kon singgai moiduduimai.

MOHOHUTUBA 1:14

Akuoi in nokoontongdon kon bayongan aid in intau kon dunia naa. Pirisayabí, bayongan tua diábí in mangaḻenea, naonda bo moḷongasi modomok kon tompot.

MOHOHUTUBA 1:16

Iraiku, “Akuoi naa in nobaḻídon intau moḷoben bo moarip, noiḻiu kon arip kon bayongan intau inta nomarenta kon Yerusalem noiuna kon inakó. Akuoi in nosipun kon nobayong in totaau bo ilimu.”

MOHOHUTUBA 1:18

Sin kodugang-kodugang in hikmat naton, kodugang-kodugang domandon in mokoondok kon inaton. Kodugang-kodugang in pongotahuan naton, kodugang-kodugang domandon in roriga naton.

MOHOHUTUBA 1:2

Ki Inta Mopandoi tua in noguman: Bayongan yagi-yagi diá in mangaḻenea bo diá in baragunanea! Mobiag tua in parasumabí, komintanbí diá in mangaḻenea.

MOHOHUTUBA 2:16

Intau inta bodok ḷagidon koḻiongan, táe intau inta mopandoi in diá domandon toro-toropon. Koonggot-koonggot kita komintan in modaitdon koḻiongan. Kita komintan in mustibí matoi, pinomayá intau inta moarip andeka intau inta dondunguḷ.

MOHOHUTUBA 6:11

Koonggot-koonggot in pomayowannea, modugangdon diá in mangaḻe in tosingogonnea, nodapotbí in sia diá mokouḻí kon kauntungan onu bo onu.

MOHOHUTUBA 6:8

Dá onu in kauntungan in intau moarip aka poyotongkaionmai in intau nobodok? Onu doman in mangaḻenea intau nobogá bo mopia in kon sigad in intau mobarong?