MOHOHUTUBA 12:14 - Alkitab Singog In Mongondow Masa In Tanaa

¹⁴ Ki Allah in mongadilbí kon bayongan in oaid naton; inta mopia bo inta moraat, nodapot in inta noibuni doman.

MOHOHUTUBA 12:14 ပူးပေါင်းရင်းမြစ်များ

AYUB 19:29

Táe, tanaa in koondokdon kon pitow! Sin ki Allah in tumorú bo mohukum kon intau binaradosa; dá kotaauandon monimu, kon oyúonbí in ki Allah inta monisig kon intau.”

MAZMUR 50:21

Tuata in inaidanmu, táe Akuoi in tongábí kibio-biómai, dá iraimumai dá Akuoi in notongkaimubí. Táe tanaa in empengon-Ku in iko, bo tua mita in poniataan-Kubí kon inimu.

MAZMUR 90:8

Inukat-Mu in taḷá nami kon tayowon-Mu, dosa nami inta noiadop inontong-Mu.

MAZMUR 96:13

Sin ki Tuhan in mamangoi momarenta kon butá, Sia in mohakimbí kon bangusa mita takin moadil bo mojujur.

MOHOHUTUBA 11:9

Paké kopia in wakutumu kon dodai in iko mobagupa! Pokosanangbí kon dodai in iko bagupa ede in tayowmobiag. Duduiaibí in bayongan ibog in dimukudmu, aidai in bayongan niat in ginamu. Táe pokotorop, ki Allah inta kon soroga, in monantúbí kon bayongan in oaidmu.

MOHOHUTUBA 3:17

Iraiku, ki Allah in monisigbí kon intau inta mopia bo inta moraat, sin pomuḷoi in soaḷ bo pomuḷoi in aid inta mobaḻí kon wakutu inta ain sinantú i Allah.

MATIUS 10:26

“Manangka intua donaaidon moiko moondok kon i monia. Sin diábí in tobatúmai inta noiḻingkop, in diá bukatan, bo diábí doman in tobatúmai inta noibuni in diá popotaau.

MATIUS 12:36

Táe poguman-Ku kon i monimu; Pomuḷoi in singog inta diá in mangaḻenea inta aindon siningog in intau yo musti tubagannea kon singgai pohakiman.

YOHANES 5:29

bo ḷumuai nongkon poḷoḷobongan. Intau inta nogaid kon mopia in mobangon bo mobiag. Táe intau inta nogaid kon moraat in mobangon sin hukumon.”

SURAT I PAULUS KON JAMAAT RUM 2:16

Natuata in mobaḻí kon singgai inta ain sinantú tua. Kon Singgai tatua, podudui in Habar Mopia inta pinoyaputku naa, ki Allah pongin i Yesus Kristus mohakim kon bayongan inta noibuni kon bonu in gina bo raian in bayongan intau.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.