MOHOHUTUBA 12:1 - Alkitab Singog In Mongondow Masa In Tanaa

¹ Toropbí in ki Inta nomaḻí kon inimu kon tungkuḷ in iko nobagupa, kon dodai in diápa moiangoi in taong mita inta mopuḻing in roriga. Kon tungkuḷ intua iko in moguman, “Kobiaganku in diá mokosanang.”

MOHOHUTUBA 12:1 ပူးပေါင်းရင်းမြစ်များ

KINOBAḺIAN 39:2

Ki Tuhan notuḷung kon i Yusup dapot in sia umuran mokodungkuḷ kon inta mopia onukabí in aidannea. Sia in nogutun kon baḷoi i tuangnea, intau in Mesir tatua.

KINOBAḺIAN 39:23

Itoi in ponjara tatua diá bidon umuran moindoimai kon onu inta ain pinoki aidnea kon i Yusup, sin ki Tuhan notuḷung kon inia dapot in bayongan inta aidannea umuranbí mobaḻí motompia.

SAMUEL 2 19:35

Umurku ain waḷu nopuḷú notaong, bo diá bidon in motaau mobogoi in inta mokosanang kon inakó. Diá bidon konanamanku in onu inta kaanonku andeka inta inumonku, bo diá domandon kodongoganku in singog in intau modondong. Akuoi in tongádon mokopororigamai kon i Tuang datu.

SAMUEL 2 19:36

Bobantung naa in diábí patus motarima kon tondan inta ná tatua in koḷoben. Akuoi naa in tongábí moibog moyotakin kon i Tuang datu mayá tongonumai noḷangkad nongkon ḷoḷan in Ongkag in Yordan.

DATU MITA IMITÁNEA 14:13

Bayongan in rayat Israel in mononogumatoidon bo moḷobong kon inia. Tongábí sia tua in motoḷuadí i Yerobeam inta ḷobongon horomaton, sin tongábí sia in kinoibog in gina i Tuhan, Allah in Israel.

DATU MITA IMITÁNEA 18:12

Aka akuoi mayá nongkon naa, Roho i Tuhan in dika bo modia kon i Amá mayá in tampat inta diá kinotaauanku! Bo aka potaauku kon i Ahab kon ki Amá in kon naa, bo moiduduimai kon tua diá moyodungkuḷnea in ki Amá, yo notantú bidon kon ḻimodonneabí in akuoi. Pokotaaudon, Amá, akuoi naa in totu-totuubí mosumba kon i Tuhan nongkon nointokanpamai!

NEHEMIA 4:14

Naonda in inontongku kon rayat in moondok, noguman in akuoi kon i monia, bo kon mototundú mita bo itoi mita, “Dika moondok kon musung! Toropdon in ki Tuhan inta moropot bo inta motoyang, bo poḷongasidon moyotakin sin kopontingan i utatmu mita, bo kon adí mita bo kon i buḷoi bo baḷoimu!”

AYUB 30:2

Kon inakó in mosia tua diá in mangaḻenea popisí in diádon moropot.

MAZMUR 119:55

Kon dodai in doḷom kotoropanku in Iko, o Tuhan, hukum-Mu in umuranbí kadaianku.

MAZMUR 34:11

Umpaka singa mita yo gogoyonbí doman popisí in kodaitan in kaanon; táe intau inta mosumba kon i Tuhan in diábí kodaitan.

MAZMUR 63:6

Dayowonku in Iko takin giow pia in gina, sin Iko in mopoorop in dimukudku naonda bo kaanon inta mopia in nanamnea.

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

AMSAL 22:6

Tundúdon in adí tobatú in kobobiag inta patus kon inia, dá modapot in sia kogoguyangannea natuabí doman in kobobiagnea.

AMSAL 8:17

Akuoi in motabi kon i monia inta moibog kon inakó; inta motayak kon inakó, in moyodungkuḷkubí.

MOHOHUTUBA 11:10

Untundon in ḻia-ḻiaw bo roriga in ginamu, sin wakutumu mobagupa in motoyongbí moitaḻib.

MOHOHUTUBA 11:2

Paké in doitmu kon bayongan in totayak; kobayongbí in totayak. Sin intau in mustibí kiḷuka-ḷukadmai, kon dodai in bodito diápa moiantug.

MOHOHUTUBA 11:8

Posukurbí in iko aka modugang in umur. Táe torop, umpakabí moonggot in kobiaganmu kon dunia, yo wakutumubí kon dunia in intau minatoi in moonggo-onggot. Dá, onu in motaau oḷaton mako? Komintanbí parasuma bo diá in mangaḻenea.

YESAYA 26:8

Kami in dumudui kon onu inta sinantú-Mu, o Tuhan, bo tantú mogoḷat mako kon ini-Mu; Ikobí in dayowon bo inta tano-tano bo in gina nami.

OMBAḶ 3:27

biódon mako kita in mobalajar mobaḻí motaba kon dodai in moguodpa.

DANIEL 1:17

Ki Allah in nobogoi kon inaya opat in hikmat bo kototaau kon noyagi-yagimai in pais. Koḻikud intua ki Daniel inogoian doman in pandoi moginsilang kon mangaḻe in oontongon bo togoindop.

HOSEA 7:9

Mosia in diábí nonotaau kon popisíbí in yopakat takin bangusa mita tatuata, dá noinggamádon in ropot monia. Imbuit in ouman monia in nodiugdon, táe diábí kinotaauan monia.

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

LUKAS 18:16

Táe inoiní i Yesus in mongoadí mita tatua bo noguman kon murí mita, “Pomayá mako in mongoadí mita tanion in mamangoi kon i-Nakó! Donaai ampagan, sin intaubí ná mita nion in mobaḻí umat i Allah.”

EPESUS 6:4

Bo moiko uḻe guyanga mita ḷoḷaki! Dika rupa-rupaanmai monimu in mosia modapot in tumorú. Nanaa in aidai: biag in mosia kotompia bo tundú in onu inta mopia bo tongginaai podudui inta kinoibog i Tuhan.

ULANGAN 8:18

Torop kon ki Tuhan Allahmubí in nobogoi in kaoyúonan tatua kon inimu. Tua inaidan-Nea sin umaai in singgai naa Sia umuranpabí mosatia kon dodandian inta pinomia-Nea takin mogoguyangmu.

TIMOTIUS 2 3:15

Musti umuran toroponmu mako, kon nongkon mointokanpamai iko ain nonotaau kon Buk Motusi. Bo Buk Motusi tatua in nobogoi in pongortian kon inimu, sinbá mokouḻí kon kasaḷamatan inta pinodoyon kon pirisaya kon i Kristus Yesus.

SAMUEL 1 1:28

tuamai in adí tanaa in posarakankudon mobaḻí kapunyaan i Tuhan kon bonu in kobiagannea.” Nopaḷut mako kon tua mosia noibada kon i Tuhan.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”

SAMUEL 1 2:18

Kon dodai intua, ki Samuel inta mongoadípa tantú mogundoi kon i Tuhan. Nomaké in sia in ḷambung inta ain sinantú nongkon kaeng linen, ná ḷambung inta pakéonmai in imang mita kon ibada.

SAMUEL 1 2:26

Tongá ki Samuel, adí tatua, in koḷantud-koḷantudon bo kinoibogdon totok i Tuhan bo in bayongan intau.