MOHOHUTUBA 11:8 - Alkitab Singog In Mongondow Masa In Tanaa

⁸ Posukurbí in iko aka modugang in umur. Táe torop, umpakabí moonggot in kobiaganmu kon dunia, yo wakutumubí kon dunia in intau minatoi in moonggo-onggot. Dá, onu in motaau oḷaton mako? Komintanbí parasuma bo diá in mangaḻenea.

MOHOHUTUBA 11:8 ပူးပေါင်းရင်းမြစ်များ

AYUB 10:21

Diádon moonggot mayá in akuoi bo diádon mobui mangoi, mopobayá in dunia inta mosindip bo modingungui totok,

AYUB 10:22

dunia inta mosindip, nopuḻing in oḻinow bo notombauk, bayag notongkai in pungit.”

AYUB 14:10

Táe aka intau in matoi, modaitdon in oumannea; sia in monaḷámai kon dunia, bo kon onda in bayáannea?

AYUB 14:12

natua doman in intau inta ain minatoi: sia in diá bidon mokobangon bui. Sia in diá bidon mokopondam kon wakutu in ḷangit oyúonpa, diá bidon mobango-bangon nongkon pinosiugannea.

AYUB 15:23

Ḷagapan mita mokokaan kon tapú mogoḷat kon wakutu in kopatoiannea, mosia in mokaan kon awaknea. Dá nosadardon in sia kon nodingungui in singgainea moiduduimai.

AYUB 18:18

Nongkon nobayag in sia pinoguntun minayá in sindip; nongkon dunia in intau nobiag inuntun in sia.

MAZMUR 49:20

yo sia in moiduduibí doman kon mogoguyangnea mayá in tampat inta mosindip modapot in mononoi.

MOHOHUTUBA 11:2

Paké in doitmu kon bayongan in totayak; kobayongbí in totayak. Sin intau in mustibí kiḷuka-ḷukadmai, kon dodai in bodito diápa moiantug.

MOHOHUTUBA 2:15

Dá iraiku, “Ukur inta noiuma kon intau bodok in korasaankubí doman. Dá onu in mangaḻe in bayongan pandoiku?” Dá sinimpodkudon in tosingogon kon hikmat tua in totuubí kon diá in baragunanea.

MOHOHUTUBA 2:17

Tuamai in kobiagan diá bidon in mangaḻenea kon inakó, ibanea in diábí. Komintan diá in mangaḻenea; akuoi in noḷongasidon nodomok kon tompot.

MOHOHUTUBA 2:19

Bo ki inebí in nonotaau kon intau tatua in moarip andeka bodok? Táe naondaka doman siabí in mobaḻí kitogi kon onu inta iḷongasiku inta ain kinodapotanku kon dodai in akuoi nobiag kon dunia naa popisí in ḷopí bo hikmatku. Dá, tua in diá doman in mangaḻenea.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

MOHOHUTUBA 4:16

Rayat inta sinongganutannea diádon koiapan in kobayongnea, táe naonda in sia minayá, diábí in nopoyaput in sukur kon inia sin monorop kon onu inta pinomianea. Totuu, bayongan tua in diábí in mangaḻenea naonda bo modomok kon tompot.

MOHOHUTUBA 4:8

Oyúon in intau nobiag sia-sia mita diá kogadí, andeka diá kogutat. Umpaka natua, sia in umuran simiḷopí bo ginanea diá kon dodai in onda moorop in ibog in kapunyaannea. Kon i inebí in inta siniḷopíannea bo doí kon kasanangan? Tua in diá doman in mangaḻenea, bo kobobiag inta mororiga.

MOHOHUTUBA 6:11

Koonggot-koonggot in pomayowannea, modugangdon diá in mangaḻe in tosingogonnea, nodapotbí in sia diá mokouḻí kon kauntungan onu bo onu.

MOHOHUTUBA 6:6

Bo tuabí in mopia-pia nongkon intau inta nobiag doyowa nogatut notaong, táe diá kon dodai in onda nosanang. Taya dua tua tumpaḷabí minayá in tampat inta notongkai!

MOHOHUTUBA 7:14

Dá, kosanangdon aka iko bo nokouḻí kon inta sinayakmu. Táe aka iko bo kinoantugan in bodito, yo dika koḻiongan kon ki Allahbí in nobogoi doyowa tatua. Diábí kotaauan naton mongo onu in mobaḻí moiduduimai.

MOHOHUTUBA 8:12

Umpaka mogatut in aid moraat in inaidan in intau baradosa, umuranbí in sia mobiag bo modapotbí in moonggot in kobiagannea. Kain intau, ki ine in motoindudui kon i Allah, notantúbí kon kobobiagnea in komintan mogampang.

MOHOHUTUBA 8:15

Impoḷok mako in tosingogonku in intau naa in mustibí mobiag takin ḷunganga in gina. Sin kon bonu in kobiagannea kon dunia diábí in kasanangan ibanea kon inia koḻikudbí in mongaan, monginum bo mobarasanang. Tongábí tua in kopakéannea kon bayongan in onu inta iramujinea, kon bonu in kobiagan inta inogoi i Allah kon inia.

MOHOHUTUBA 9:7

Pongaanbí bo pobarasanang, inumdon in anggurmu takin ḷunganga in gina. Diábí mobogat in gina i Allah, sin kinoibog-Neabí intua.

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

YOËL 2:2

Singgai tatua in nosindip bo nolamurú, nopuḻing in topuot inta mobunod. Tontara in pangkoḷá moroangoi naonda bo goḷom inta noiborak kon ḻimonik in buḷud. Inta ná tatua in diápabí kon dodai in onda in nobaḻí bo diá bidon mobaḻí bui modapot in mononoi.

MATIUS 22:13

Dá datu tatua in noguman kon bobantungnea mita, ‘Tokig in sioḷ bo ḻimanea bo pogarab in intau tanion kon tampat inta nosindip totok, kon tua kodongogan in amui bo rokokot in ingipon.’ ”

YOHANES 12:35

Ki Yesus in notubag: “Tongábí samantara in bayag tatua kon yua-yuak monimu. Tuamai bayádon kon dodai in bayag tatua kon yua-yuakpa monimu, sinbá moiko in diá kokawasaan in sindip, sin intau inta mayá kon bonu in sindip in diábí kotaauannea in bayáannea.

ULANGAN 32:29

Aka kuma bo mosia mobijaksana, momangaḻebí in mosia, bo morai kon kopaḷutan monia.

YUDAS 1:18

Munadon pinotaau monia kon inimu, kon aka kodiug-kodiugdon in singgai pangabisan yo moiangoibí in intau mita inta moningkuḻe kon i monimu, mosia tuata in intau mita inta nobiag podudui in ibog monia inta baradosa naa.