MOHOHUTUBA 11:5 - Alkitab Singog In Mongondow Masa In Tanaa

⁵ Ki Allah in nomia kon bayongan yagi-yagi, bo intau in diábí monotaau kon onu in aidan-Nea; natua doman diá in sia momangaḻe kon momuká monik in kobiagan mobagu kon bobuḷadían in iná tobatú.

MOHOHUTUBA 11:5 ပူးပေါင်းရင်းမြစ်များ

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 38:4

Oyúondon degá in iko kon dodai in dunia naa inaidan-Ku? Aka totuu kon mopandoi in iko, potaaudon!

AYUB 5:9

Aid mita i Allah diá in poḻiuan; diábí komangaḻean naton intua. Inta mokoherang mita inta inaidan-Nea, diádon koiapan bo diábí modait-dait.

MAZMUR 104:24

Totuu mobayong in mia-Mu, Tuhan, komintanbí pinomia-Mu takin mobijaksana; butá in nopuḻing in aid-Mu.

MAZMUR 40:5

Pia in kamang in intau inta mopirisaya kon i Tuhan, inta diá dinumudui nosumba kon dewa mita, andeka nopoigum in totuḷung kon intau mita mongoḷoḷatú.

MAZMUR 92:5

Sin aid-Mu in mokoḷunganga totok kon ginaku, akuoi i modondong takin pia in gina popisí in inta pinomia-Mu.

MOHOHUTUBA 1:13

Akuoi in moniat monaridi bo mobalajar pinongin bijaksana in bayongan inta nobaḻí kon dunia naa. Ukur inta sinadia i Allah kon inaton totokbí in mokorobonoḷ kon gina.

MOHOHUTUBA 1:6

Tompot mogirup ná toḷatan, bodongka mogirup ná utuan; momurow magí-mako in sia bo bui mayá intua.

MOHOHUTUBA 11:4

Ki ine in mogoḷat modapot in tompot bo kaadaan in dunia motompia, yo diábí in sia momuḷa bo diábí doman mogamá kon bungainea.

MOHOHUTUBA 3:10

Kinotaauanku kon ki Allah in nobogoi in oaidan inta mobogat kon inaton.

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

MOHOHUTUBA 7:24

Ki ine in mokodungkuḷ kon mangaḻe in kobiagan naa? Moiḻiu in ako komangaḻean!

MOHOHUTUBA 8:17

yo diábí kotaauan naton mongo onu in aidan i Allah. Naondaka in poḷongasi naton, diábí in kita mokototaau. Intau moarip in tumangoi kon kinotaauannea, táe sabanarnea in diábí kotaauannea.

YESAYA 40:28

Umpaka dá iko in diá nonotaau bo diá nokodongog? Ki Tuhanbí in Allah inta mononoi, inta nomaḻí kon sinangkub in dunia. Sia in diábí kon dodai in onda in moḷopí andeka moḷungkoyó; raian-Nea in diábí motaau doḷopon.

YOHANES 3:8

Tompot mogirup kon onda in koibognea; kodongogan naton in singognea, táe diábí kotaauan naton mongo nongkon onda in kinoangoiannea bo kon onda in bayáannea. Natua doman in intau inta pinolahir nongkon Roho i Allah.”

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?