MOHOHUTUBA 10:20 - Alkitab Singog In Mongondow Masa In Tanaa

²⁰ Dika mogodi-godimai kon datu, umpaka tongá kon bonu in gina. Dika moposingog-singogmai kon intau nooyúon, umpakabí kon tosiuganmu tontaní. Sin dika bo oyúon in ḷagapan nokodongog kon onu in siningogmu, bo bayáannea potaau kon intau inta siningogmu tua.

MOHOHUTUBA 10:20 ပူးပေါင်းရင်းမြစ်များ

DATU MITA 2 6:12

Tobatú kon sigad in itoi mita in tontara tatua in notubag, “Diábí in tobatúmai, Tuang Datu. Ki Nabi Elisabí tua in nokopopisí tatua! Siabí in nopotaau kon i datu in Israel onu inta siningog i Tuang Datu, umpakabí siningog intua kon bonu in gopot.”

ESTER 2:22

Tomayá tatua in kinotaauan i Mordekhai bo ḷaginea pinotaau kon i Ester. Bo bayá-bayá domandon inouman i Ester kon i datu onu inta pinotaau i Mordekhai tua.

IḶUAIAN 22:27

sin tongábí totobatú tatua in oḻit in awaknea pogoḻingoi kon awak sinbá diá tumonow. Aka diá pobuionmu bui kon inia, yo onupabí in pakéonnea kon wakutu in sia mosiugdon? Aka sia mokuani sin mokituḷung kon i-Nakó, dá indongogan-Kudon in sia sin motabi Akuoi kon inia.

IḶUAIAN 22:28

Dika mogodi-godimai kon i Allah bo kon itoi in bangusamu.

IḶUAIAN 8:3

Ongkag in Nil in mopuḻingbí in tumpaḷak, dapot in mahaḷuk mita tatua ḷumuai nongkon tubig bo tumuot kon bonu in komaḻigmu, kon bonu in gopot potosiuganmu, kon bonu in baḷoi mita intau moḷoben bo rayat, modapot kon pototubáan kon roti bo pansi mita.

YESAYA 8:21

Intau mita inta noiḷangkam bo ginogoi in nobaya-bayáanbí mako in kon butá tatua. Popisí in malarat in kaanon, mosia in umuran tumorú nodapot in mopogodi-godimai kon datu bo kon Allah monia. Kon ondaka in pobobuian monia, moidamonik

LUKAS 10:40

Táe ki Marta in mosibuk totok mogaid kon oaidannea kon baḷoi. Dá ki Marta in dinimiug kon i Yesus bo noguman, “Tuhan, degá bo diábí ontongon i Tuhan in ki utatku tanion. Koinapa in sia tongábí ḻimitú mako mokidongog kon onu in poguman i Tuhan bo pomayánea mako in akuoi in mogaid tontaní?”

LUKAS 19:40

Dá ki Yesus in notubag, “Poguman-Kudon kon i monimu! Aka mosia naa bo kibio-biómaidon, yo batu bidon mita tanion in momaḷú.”

OUMAN IN RASUL MITA 23:5

Ki Paulus in notubag, “Ei utat mita, diábí kinotaauanku kon sia tua in imangbí moḷoben. Totuu kon nanaabí in pinais, ‘Donaaibí in iko mosingog kon moraat kon tobatú intau inta nobaḻí itoi monimu.’ ”