MOHOHUTUBA 10:16 - Alkitab Singog In Mongondow Masa In Tanaa

¹⁶ Moboditodon in butá inta datunea moguodpa totok, bo intaunea mita moḷoben momia kon rame kino ouput in doḷom.

MOHOHUTUBA 10:16 ပူးပေါင်းရင်းမြစ်များ

DATU MITA IMITÁNEA 12:11

Ki amáku nobogoi in oaidan inta mobogat kon inimu, táe akuoi in mobogoibí in inta moiḻiu in bogatnea kon tua. Sia in noposambok in sambok kon i monimu, táe akuoi in moposambokbí kon i monimu in sambok inta sinondugian in uatoi!”

TAWARIKH 2 13:7

Nosipun in sia kon topaanan in intau mita inta diá koendar bo nomakisa kon onu inta kinoibog monia kon i Rehabeam ki adí ḷoḷaki i Salomo, inta kon dodai intua noiḻiupa in bagu bo diápa kopongalaman noparang.

TAWARIKH 2 36:11

Ki Zedekia in umur 21 notaong kon dodai in sia nobaḻí datu in Yohuda. Sia in nomarenta kon Yerusalem 11 notaong in koonggotnea.

TAWARIKH 2 36:2

Ki Yoahas umur 23 notaong kon dodai in sia nobaḻí datu in Yohuda, bo sia in nomarenta kon Yerusalem toḷu nobuḷan in koonggotnea.

TAWARIKH 2 36:5

Ki Yoyakin umur 25 notaong kon dodai in sia nobaḻí datu kon in Yohuda, bo sia in nomarenta kon Yerusalem 11 notaong in koonggotnea. Sia in binaradosa kon i Tuhan Allahnea.

TAWARIKH 2 36:9

Ki Yoyakhin in umur 18 notaong kon dodai in sia nobaḻí datu in Yohuda, bo nomarenta in sia kon Yerusalem toḷu nobuḷan bo mopuḷú nosinggai in koonggotnea. Sia in binaradosa doman kon i Tuhan.

AMSAL 28:16

Mongogawasa inta mondorot kon intau ibanea, diábí koraian inta mopia; mongogawasa inta doí kon inta motombogá in momarentabí kon taongannea.

MOHOHUTUBA 10:15

Tongábí intau bodok in diá monotaau kon daḷan mayá in baḷoinea, sia in yumoyiga in mogaid diá mogoga-gogai.

YESAYA 3:12

Umat-Ku in rorigaanbí in intau mopopoḷuan in doit bo daiton gamáan in mopoporente. Umat-Ku in poḷaḻeon in itoinea mita modapot in diádon kotaauannea in daḷan inta musti bayáannea.”