MOHOHUTUBA 1:13 - Alkitab Singog In Mongondow Masa In Tanaa

¹³ Akuoi in moniat monaridi bo mobalajar pinongin bijaksana in bayongan inta nobaḻí kon dunia naa. Ukur inta sinadia i Allah kon inaton totokbí in mokorobonoḷ kon gina.

MOHOHUTUBA 1:13 ပူးပေါင်းရင်းမြစ်များ

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

AYUB 28:3

Sindip moḷoben kinoḷopangan, tampat inta moonag totok in sinaridi. Kon tua, kon bonu in sindip, intau in motayak kon batu mita.

MAZMUR 111:2

Totuu kon mokoherang in aid mita i Tuhan, totokbí in mopia tonduduton in intau mita inta moibog intua.

AMSAL 18:1

Intau inta tumontaní nongkon intau ibanea mangaḻenea in tongá morai kon awaknea tontaní; bayongan in tosingogon in intau bayowannea.

AMSAL 18:15

Intau mopia in tantúbí moibog in sinotaau; intau mobijaksana in umuranbí moibog mokouḻí kon totundú.

AMSAL 23:26

Tondudut kopira bo duduidon kon kobobiagku, adíku!

AMSAL 25:2

Ki Allah pinoḷantud popisí in onu inta iharasia-Nea; datu in ihoromat popisí in onu in motaau ininsilangannea.

AMSAL 4:7

Inta totok in moponting bo inta musti muna-munamai aidanmu, tuata in moḷongasi mobaḻí mobijaksana. Onuka in tayakonmu, inta totokanea in moḷongasibí sinbá mokouḻí kon pomomangaḻe.

MOHOHUTUBA 1:17

Dá niatonkubí totaauon in yoposi in pandoi bo in bodok, kon sigad in kopandoian bo kabodokan. Táe noniata magí akuoi naa in naonda bo nodomok kon tompot.

MOHOHUTUBA 11:5

Ki Allah in nomia kon bayongan yagi-yagi, bo intau in diábí monotaau kon onu in aidan-Nea; natua doman diá in sia momangaḻe kon momuká monik in kobiagan mobagu kon bobuḷadían in iná tobatú.

MOHOHUTUBA 12:12

Adíku, kon soaḷ tanaa iko in mustibí mokopoingat. Pomaisan kon buk diábí in imbuitnea, bo moiḻiu in antó mobalajar mokoḷopí kon gina bo awak.

MOHOHUTUBA 2:23

Onukabí in inaidannea kon dodai in nobiagpa, modia kon roriga bo nakit in ginanea. Kon tungkuḷ in doḷom mohawatir doman in ginanea. Dá tua komintan in diábí doman in mangaḻenea.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

MOHOHUTUBA 3:10

Kinotaauanku kon ki Allah in nobogoi in oaidan inta mobogat kon inaton.

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

MOHOHUTUBA 4:4

Kinotaauanku doman kon intau in totokbí in moḷongasi mogaid, tongá popisí in mointoi in mokoontong kon bungai in siniḷopían in topodiugnea. Tua komintan diá in mangaḻenea naonda bo moḷongasi modomok kon tompot.

MOHOHUTUBA 4:8

Oyúon in intau nobiag sia-sia mita diá kogadí, andeka diá kogutat. Umpaka natua, sia in umuran simiḷopí bo ginanea diá kon dodai in onda moorop in ibog in kapunyaannea. Kon i inebí in inta siniḷopíannea bo doí kon kasanangan? Tua in diá doman in mangaḻenea, bo kobobiag inta mororiga.

MOHOHUTUBA 7:25

Táe akuoi in tantúbí mobalajar bo motayak kon totaau, sinbá mokouḻí kon pandoi bo tubag in bayongan inta ḻibóon. Tungkuḷanku tomangaḻean kon dosa tua in kabodokanbí, bo aid moraat in ibogbí ná noiḷoḷongon.

MOHOHUTUBA 8:9

Bayongan naa in inontongku kon tungkuḷ in sinaridiku in bayongan inta nobaḻí kon dunia naa. Oyúon intau mopomaké in kawasa nea sin mopobodito kon tumpaḷa intau.

TIMOTIUS 1 4:15

Tarukira intua komintan bo totu-totuu aidan intua sinbá koontongandon intau in komajuan oaidanmu.