MAZMUR 97:7 - Alkitab Singog In Mongondow Masa In Tanaa

⁷ Bayongan in intau inta mosumba kon berhala in pokopooyáanbímai, inta nopoyunggaga kon pakakat mita inta diá in mangaḻenea; bayongan in dewa in dumokóbí kon tayowon i Tuhan.

MAZMUR 97:7 ပူးပေါင်းရင်းမြစ်များ

IḶUAIAN 20:4

Dika in moiko momia kon i monimu in patong inta batangannea ná onuka inta kon ḷangit, kon butá ande kon bonu in tubig inta kon ḻimonag in butá.

IḶUAIAN 25:20

bo poyogintayowon takin koḻikip inta mosongká kon ḻimonik in poti tatua.

YESAYA 41:29

Totuu, dewa mita tatua diá in baragunanea, mosia tua in tongábí patong pinomia inta diá kodaya, bo diábí mokoaid kon onu bo onu.”

YESAYA 42:17

Intau inta mopirisaya kon patong berhala bo akúon monia nobaḻí ilah monia, in poompáanmai bo pokopooyáanmai.”

YESAYA 42:7

Sin mobuká kon mata in intau bilog, bo mopoḷuat kon intau nongkon sindip in ponjara.

YESAYA 45:16

Bayongan in intau inta nogaid kon patong berhala; in pokopooyáanbímai bo singkuḻeon.

YEREMIA 10:14

Nokoontong kon tua komintan nosadardon in intau, kon sia tua in bodok bo diá kopomomangaḻe. Intau mita mononontaḷ kon buḷawan nooyádon, sin patong berhala inta pinomianea tua in uboḷbí bo diá konyawa.

YEREMIA 2:26

Ki Tuhan in noguman, “Naonda bo mononakow inangoian in oyá naonda in kinodomokan, natuata in moiko komintan in mooyábí doman, ei intau in Israel, datu mita bo intaumu mita moḷoben, imang mita bo nabimu mita!

IMAMAT 26:1

Ki Tuhan noguman, “Dika momia kon toḻindua in Tuhan ande moposindog in patong ande oigi batu inta kinurig sin sumbáan. Akuoi in ki Tuhan Allahmu.

ULANGAN 27:15

Intau mita in Lewi: ‘Kinutuk in intau mita inta mogaid kon patong nongkon batu, kayu ande logam, bo sumbaannea umado-adop; ki Tuhan in doíbí kon posumbaan kon toḻindua in Allah!’ Bayongan rayat: ‘Amin!’

ULANGAN 5:8

Dika in iko momia kon patong inta pinodayan kon onu in kon ḷangit, kon butá ande kon bonu in tubig kon ḻimonag in butá.

IBRANI 1:6

Táe wakutu in ki Allah nopotabá kon i Adí-Nea guya-guyang tatua namangoi in dunia naa, ki Allah in noguman nanaa: “Bayongan in malaekat i Allah in musti mosumba kon Adí tatua.”

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.

SAMUEL 1 5:3

Naonda in nobangon monik doḷo-doḷom intau mita in Asdod namangoi in kuil tatua, inontong monia in patong i Dagon noumpagdon moitongkob kon butá, kon tayowon in Poti Dodandian i Tuhan! Binuat monia in patong tatua bo inukat bui kon tampatnea.