MAZMUR 97:10 - Alkitab Singog In Mongondow Masa In Tanaa

¹⁰ Ei moiko inta moibog kon i Tuhan, kodoídon in inta moraat! Sin ki Tuhan in noḷukad kon kobiagan in umat-Nea, Sia in nopoḷuat kon i monia nongkon kawasa in intau inta diá mopirisaya.

MAZMUR 97:10 ပူးပေါင်းရင်းမြစ်များ

MAZMUR 101:3

aid moraat in diábí pomayáku mako. Kodoí-Kubí in dodia in intau inta nomaḻidawan, bo doíbí in akuoi mopandungmai kon i monia.

MAZMUR 119:104

Hukum-Mu mita in nobogoi kon inakó in pomomangaḻe, dá doíbí in akuoi kon aid motombogá.

MAZMUR 119:163

Bayongan in uboḷ kinodoíku, táe hukum-Mu in kinoibogku.

MAZMUR 121:7

Ki Tuhan in moḷukadbí kon inimu nongkon anib, Sia in moḷukad kon inimu sinbá kobiaganmu in mosaḷamat.

MAZMUR 125:3

Intau moraat in diábí umuran mongawasa kon butá budel in intau mojujur, sinbá intau mopia diá moidudui mogaid kon inta moraat.

MAZMUR 145:20

Sia in moḷukadbí kon batúan in intau inta moibog kon i-Nia, táe intau moraat in putúan-Neabí.

MAZMUR 31:23

Kon dodai in notoboḻingo kon inakó kamai yo akuoi in iḷumbú bidon i Tuhan kon tayowon-Nea. Táe noniatadon kon ki Tuhan in nokidongogdon kon oigumku kon tungkuḷ in akuoi nokuani kon i-Nia.

MAZMUR 34:14

Dika mosingog kon inta mongoraat, bo dika moibog kon tompobaḻik.

MAZMUR 36:4

Tosingogonnea mita in moraat bo nopuḻing in tompobaḻik, sia in diá bidon mogaid kon inta mopia bo mobijaksana.

MAZMUR 91:14

Guman i Tuhan, “Intau inta moibog kon i-Nakó in posaḷamaton-Kubí, inta mopirisaya kon i-Nakó in ḷukadan-Kubí.

AMSAL 2:8

Ki Tuhan in moḷukad kon intau mita inta mongoadil, bo moḷukad kon i monia inta motabi kon i-Nia.

AMSAL 3:7

Dikabí kainimu kon iko in mopando-pandoi nongkon inta sabanarnea; pokotoindudui kon i Tuhan bo pokopoyayú kon inta moraat.

AMSAL 8:13

Mohoromat kon i Tuhan tua in mangaḻenea in mondoí kon inta moraat; akuoi in doíbí kon aid moḷoḷatú bo mododia. Kodoíkubí in dodia inta moraat bo tosingogon mita inta monguboḷ.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YEREMIA 15:21

Poḷuaton-Ku in iko nongkon kawasa in intau moraat inta moromú. Akuoi, ki Tuhan, ain nosingog.”

DANIEL 3:28

Bo nogumandon in ki datu, “Dinayo-dayowdon in ki Allah inta sinumba i Sadrakh i Mesakh bo i Abednego. Sia in nopotabádon kon malaekatnea sin moposaḷamat kon bobantungnea taya toḷu tatua inta mopirisaya kon i-Nia. Mosia in iḻimimpatdon kon parentaku bo moibo-ibogbí kon matoi aka mosumba andeka modayow kon dewa taondaka koḻikudbí in ki Allah monia tontaní.

DANIEL 6:22

Bo kinodongogandon in tubag i Daniel, “Mobiagdon in ki Tuangku modapot in mononoi!

DANIEL 6:27

Pogumankudon kon bayongan in intau inta kon bonu in kawasa in dodatuanku sinbá motoguondok bo mohoromat kon i Allah inta sinumba i Daniel! Sia in ki Allah inta nobiag mononoi, modapot in singgai kopaḷutan in dunia Sia in momarenta. Dodatuan-Nea in diábí moyopú. Kawasa-Nea in diábí modai-dait.

AMOS 5:14

Poḷongasidon pogaid kon inta mopia bo dikabí in moraat, sinbá moiko in mobiag. Dá ki Tuhan Inta Totok in Mokawasa in totu-totuudon mogutun kon sigad monimu ná inta pinoguman monimu.

AMOS 5:15

Kodoídon in inta moraat, kotabidon inta mopia, bo posindogdon in inta moadil. Dika-dika bo ki Tuhan in motabidon kon intau mita inta kiagatneapa nongkon bangusa in Israel.

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

SURAT I PAULUS KON JAMAAT RUM 7:15

Sin diá doman komangaḻeanku in oaidku tontaní. Soaḷ mita inta kinoibogku aidan, diábí inaidanku, táe soaḷ mita inta kinodoíku yo tuabí in aidanku.

SURAT I PAULUS KON JAMAAT RUM 7:24

Yo, nanaadon in kaadaanku: akuoi in dinumudui kon hukum i Allah takin ginaku motuḻid, táe tabiat in intau ilo-ilow naa, dá akuoi kinawasa in dosa. Mobodito totok akuoi naa! Ki ine in moibog moposaḷamat kon inakó? Sukurdon totok kon i Allah! Sin Sia in noibog noposaḷamat kon inakó pinongin i Yesus Kristus.

KORINTUS 1 8:3

Táe intau inta totu-totuudon motabi kon i Allah, sia tua in kotaauanbí totok i Allah.

TESALONIKA 2 3:2

Bo umuraibí doman sambayangai sinbá kami in posaḷamaton i Allah nongkon kawasa in intau mita inta mopotombauk bo moraat, sin diábí komintan mopirisaya in intau kon habar nongkon i Tuhan tua.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

PETRUS 1 1:5

Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

YOHANES 1 4:19

Kita motabi, sin ki Allah ain muna notabi kon i naton.

YOHANES 1 5:18

Kinotaauan naton kon bayongan intau inta ain nobaḻí ki adí mita i Allah, in diábí umuran mogaid kon dosa, sin ki Adí i Allah in umuran moḷukad kon inia, bo ki Inta Moraat in diá mokopongonu kon inia.

WAHYU 13:8

Mahaḷuk tatua sumbáanbí in bayongan intau inta nobiag kon dunia naa. Intau mita inta diápa kinopaisan in tangoi monia kon bonu in buk kobiagan inta kapunyaan i Adí in Domba inta ain iratá, pinangkoipamai kon dunia naa diápa pinomia.