MAZMUR 97:1 - Alkitab Singog In Mongondow Masa In Tanaa

¹ Ki Tuhan in Datu! Biódon mako in butá mokoposanang, bo ḻibuton mita in moḷunganga.

MAZMUR 97:1 ပူးပေါင်းရင်းမြစ်များ

KINOBAḺIAN 10:5

Mosia tua in nobaḻí mogoguyang in bangusa mita inta nogutun kon bingkí mita in dagat bo inta kon ḻibuton mita. Tuata in bayongan buí i Yapet. Pomuḷoi in bangusa bo suku in nogutun kon butá monia tontaní, bo mosia komintanbí oyúon in bahasa tontaní.

MAZMUR 2:11

Pogundoidon kon i Tuhan takin mopirisaya,

MAZMUR 93:1

Ki Tuhan in Datu; Sia in nogiḷambung in kamuliaan bo ropot. Dunia in sinimindog notorindog diábí modandú.

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 41:5

Intau kon butá moyayú in mokoontong kon onu inta ain inaidan-Ku Moitaḻikokog in mosia bo mourot sin moondok, bo mosipun moyotakin bo mamangoi.

YESAYA 42:4

Diá in gagawang andeka kobuḻian in kamang, modapot in inta moadil in posindogon kon dunia. Ḻipú mita inta moyayú mokotanob kon totundúnea.”

YESAYA 49:1

Indongogaidon in Akuoi, ei butá mita inta moyayú tondudut kopira in tosingogonku mita. Ki Tuhan in nogoiní kon inakó kon dodai in Akuoi diápa pinononggadí, Sia in nomiḻídon kon inakó pinangkoipamai kon akuoi in bonupa in sian.

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

YESAYA 51:5

Kasaḷamatan inta ogoi-Ku in nodiugdon; wakutu kountungan-Ku motoyongdon moiangoi. Akuoi tontaní in momarenta kon bangusa mita. Butá mita inta moyayú mogoḷat mako kon i-Nakó bo moharap mako kon oaidan-Ku inta motorindog.

YESAYA 60:9

Tuata in kapaḷ mita inta namangoi sinumubu nodia kon umat i Allah nobui nongkon butá moyayú. Saḷaka bo buḷawan dinianea noyotakin sin modayow kon i Tuhan Allahmu; kon i Allah in Israel Inta Totok in motusi, inta nomaḻí kon umat-Nea ihoromat.

YESAYA 66:19

Akuoi in mopoukatdon in tomponuot tobatú kon yua-yuak monia. Tongosilai moyakag kon sigad monia in posaḷamaton-Ku. Mosia in potabá-Ku mayá kon bangusa mita kon butá mita inta moyayú inta diápa kon dodai in onda in nokodongog kon soaḷ Akuoi andeka nokoontong kon kamuliaan bo kawasa-Ku; mayá in Spanyol, Libia, bo Lidia takin momomiot mita inta mongotaná, minayá in Tubal bo Yunani. Mosia in mopohabar in koḷoḷoben in kawasa-Ku kon sigad in bangusa mita tatua.

OBAJA 1:21

Intau in Yerusalem inta nountung in monubu kon Edom poḷat mopotungkud. Dá Akuoi ki Tuhan in momarenta mobaḻí datu.”

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

ZAKHARIA 14:9

Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.

MATIUS 3:3

Ki Yohanesbí naa inta pinopomakusudan in singog i Nabi Yesaya nanaa: “Oyúon intau inta nobaḷú kon padang pasir: Sadiadon daḷan kon i Tuhan, tuḻidon in daḷan kon i-Nia.”

MATIUS 6:10

Ikobí in Datu nami. Igumon mako Iko in momarenta kon dunia naa, bo inta koibog-Mu in duduian naonda bo kon soroga.

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

MARKUS 11:10

Mobiagdon in pomarentaan-Nea kon singgai moiduduimai – pinomarentaan i Daud mogoguyang naton! Dinayo-dayowdon in ki Allah Inta Totok moḷantud!”

KOLOSE 1:13

Pinilatan-Neadon in kita nongkon kawasa inta nosindip bodongka pinamping kon bonu in dodatuan i Adí-Nea inta kinotabi-Nea.

WAHYU 11:17

Mosia in noguman, “Ki Tuhan, Allah Inta Totok Mokawasa, inta oyúon, bo koyongandon oyúon! Kami mopoyaput in sukur moantó kon i Tuhan sin ki Tuhan ain nopomaké in kawasa i Tuhan inta moḷoben, bo nomangkoidon nomarenta!